ກິນແບບໃດໃຫ້ລູກໃນທ້ອງຜີວພັນດີ

0
12

ການກິນຢູ່ຂອງແມ່ນັ້ນສຳຄັນຫຼາຍ ແລະສົ່ງຜົນໂດຍກົງຕໍ່ລູກໃນທ້ອງ ຖ້າແມ່ກິນອາຫານທີ່ມີປະໂຫຍດຈະສົ່ງຜົນດີຕໍ່ລູກ ຊຶ່ງນອກຈາກລາຍການອາຫານທີ່ຈະເຮັດໃຫ້ລູກຈະເລີນເຕີບໂຕ ມີພັດທະນາການທີ່ດີ ແລະຊ່ວຍບຳລຸງສະໝອງແລ້ວຍັງມີອາຫາກທີ່ຊ່ວຍໃຫ້ລູກໃນທ້ອງອອກມາມີຜີວພັນທີ່ດີອີກດ້ວຍ ກິນຫຍັງແດ່ຕິດຕາມບົດນີ້ຂອງແອັດມິນໂປ່ງໄດ້ເລີຍ.

1. ທັນຕະພືດ: ປະເພດໝາກເດືອຍ, ໝາກງາ, ຖົ່ວເຫຼືອງ ຈັດວ່າເປັນກຸ່ມອາຫານທີ່ໃຫ້ປະໂຫຍດຫຼາຍທີ່ສຸດຕໍ່ສຸຂະພາບ ອຸດົມໄປດ້ວຍວິຕາມິນ ແລະໂປຣຕີນ ຊ່ວຍບຳລຸງຜີວພັນໃຫ້ດີ ນຽນສົດໃສ ແລະເຕັ່ງຕຶງ ນອກນີ້ຍັງຊ່ວຍແມ່ໃຫ້ຂັບຖ່າຍໄດ້ສະບາຍ ໄຂມັນນ້ອຍອີກຕ່າງຫາກ.

 

2. ກິນປາ: ການກິນຊິ້ນປາໃນໄລຍະຖືພານັ້ນບໍ່ພຽງແຕ່ຈະໄດ້ປະໂຫຍດຈາກໂອເມກາ3 ແລະ 6 ເທົ່ານັ້ນ ຍັງຊ່ວຍບຳລຸງລູກໃນທ້ອງ, ຊ່ວຍຊ້ອມແຊມເຊວຜີວໃຫ້ດີໄດ້ອີກ, ແນະນຳວ່າແມ່ຍິງຖືພາຄວນກິນປາຢ່າງນ້ອຍອາທິດລະ 3 ຄາບ.

3. ຜັກ ແລະໝາກໄມ້: ສານອາຫານໃນຜັກ ແລະໝາກໄມ້ນັ້ນຊ່ວຍບຳລຸງຜິວພັນ ເຮັດໃຫ້ເຊວຜີວແຂງແຮງ ຈິ່ງຄວນເລືອກກິນປະເພດ ໝາກເລັ່ນ, ໝາກນັດ, ໝາກໂມ, ໝາກແຕງ ໃຫ້ຫຼາຍໆ.

4 ດື່ມນ້ຳ ຫຼື ນ້ຳໝາກໄມ້: ນ້ຳມີປະໂຫຍດຫຼວງຫຼາຍຕໍ່ທຸກຄົນ ແຕ່ຄົນຖືພາຄວນດື່ມໃນປະລິມານ 8-12 ຈອກໃນແຕ່ລະວັນ ຫຼື ຈະສັບປ່ຽນກັນລະຫວ່າງນ້ຳລ້າກັບນ້ຳໝາກໄມ້ ເປັນຕົ້ນນ້ຳໝາກກ້ຽງ, ໝາກນາວ, ນ້ຳໝາກພ້າວ, ແຄລອດ ນ້ຳພວກນີ້ຊ່ວຍເຮັດໃຫ້ຜີວພັນຂອງແມ່ລວມທັງລູກໃນທ້ອງດີ ແຕ່ຄວນຄັ້ນກິນເອງດີກວ່າໄປຊື້ແນວສຳເລັດຮູບ ແລະຄວນງົດຈຳນວນທາດເຫຼົ້າ, ນ້ຳຊາ, ການເຟ ແລະນ້ຳອັດລົມຕະຫຼອດໄລຍະທີ່ຖືພາ.

LEAVE A REPLY

Please enter your comment!
Please enter your name here