ເປີດໄອເດຍ! ຜົນງານໂຖດອກໄມ້ຈາກສໍສີທີ່ບໍ່ທຳມະດາ

0
11

ຄວາມຄິດສ້າງສັນ ຫລື ໄອເດຍ ເປັນຫົວໃຈສຳຄັນ ໃນການສ້າງຄວາມໂດດເດັ່ນໃຫ້ແກ່ສິນຄ້າ ແລະ ບໍລິການ ແລະ ເກືອບວ່າເປັນຕົວຕັດສິນຜົນສຳເລັດໃນອະນາຄົດໄດ້.

ມື້ນີ້ຈິ່ງຂໍນຳເອົາຜົນງານຈາກສໍສີໄມ້ທຳມະດາ ມາປະດີດອອກມາເປັນໂຖດອກໄມ້ອັນສະດຸດຕາແລະສວຍງາມ  ເປັນຜົນງານສີມືຂອງສິລະປິນຊາວຟີນແລນດ໌ທີ່ມີຊື່ວ່າ Tuomas Markunpoika

Tuomas Markunpoika ສ້າງຜົນງານໂດຍເລີ່ມຈາກການທາກາວໃສ່ສໍສີແລ້ວນໍາເອົາສໍສີຫຼາຍອັນມາຕິດເຂົ້າດ້ວຍກັນຫຼັງຈາກນັ້ນກໍ່ເອົາສໍສີໄປໃສ່ເຄື່ອງຈັກຈົນເກີດເປັນຮູບຮ່າງທີ່ຕ້ອງການ. ໃນຕອນທີ່ກຳລັງເອົາສໍສີໃສ່ເຄື່ອງຈັກນັ້ນຈະເບິ່ງບໍ່ມີຮູບຊົງແຕ່ຢ່າງໃດແຕ່ດົນໆໄປກໍ່ຈະເຫັນໄດ້ເຖິງຮູບຮ່າງເກີດຂຶ້ນມາເທື່ອລະໜ້ອຍຈົນເປັນຮູບຮ່າງທີ່ສົມບູນຕາມຄວາມຕ້ອງການຈາກນັ້ນກໍ່ພຽງນຳມາເຄືອບສີໃຫ້ມັນເງົາງາມແລ້ວນຳໄປຕາກແດດໃຫ້ແຫ້ງພຽງເທົ່ານີ້ ກໍ່ຈະໄດ້ເຫັນຜົນງານທີ່ຫນ້າສົນໃຈຂຶ້ນມາ.

Tuomas Markunpoika ໄດ້ກ່າວວ່າ: ຜົນງານສິລະປະທຸກຢ່າງຖ້າຫາກຢາກໃຫ້ມັນເປັນທີ່ໂດດເດັ່ນ ແລະ ສວຍງາມໄດ້ນັ້ນຕ້ອງມີໄອເດຍທີ່ສ້າງສັນພ້ອມທັງມີສີມືໃນການສ້າງສັນກໍ່ຈະເຮັດໃຫ້ເກີດເປັນຜົນງານໃດໜຶ່ງຂຶ້ນມາໄດ້ຢ່າງໂດດເດັ່ນ

 

ທີ່ມາ: Wittyfeed

LEAVE A REPLY

Please enter your comment!
Please enter your name here