ອັບເດດເຫດການ ຟີຟາ ປັບໃໝ ສຕລ, ໄດ້ຄໍາຕອບໃນນີ້…

0
11

 

ພາຍຫຼັງທີ່ ສະຫະພັນບານເຕະນາໆຊາດ ຫຼື ຟີຟາ ໄດ້ປະກາດຂ່າວຮ້າຍສຸດໆ ດ້ວຍການຕັດສິນລົງໂທດ ສະຫະພັນບານເຕະແຫ່ງຊາດລາວ ເຊິ່ງເປັນແມ່ໃຫຍ່ຂອງວົງການບານເຕະລາວ ຈາກກໍລະນີລະເມີດກົດລະບຽບ ລວມເຖິງອີກ ສະໂມສອນບານເຕະ 5 ແຫ່ງ ເຊິ່ງໄດ້ລະເມີດກົດລະບຽບການຖືສິດນັກເຕະດ້ວຍບຸກຄົນທີສາມ (thrid-party ownership of players) ເຊິ່ງຟີຟາຫ້າມບໍ່ໃຫ້ປະຕິບັດ ເມື່ອວັນທີ 19 ເມສາ ທີ່ຜ່ານມາ.

ໂດຍ ຟີຟາ ໄດ້ປັບໃໝສະຫະພັນບານເຕະແຫ່ງຊາດລາວ ໜັກທີ່ສຸດໆ ເປັນເງິນປະມານ 576.000 ຢູໂຣ ໃນກໍລະນີລະເມີດກົດການແລກປ່ຽນໂຕຜູ້ຫຼິ້ນສາກົນ ແລະ ກົດການລົງທະບຽນຜູ້ຫຼິ້ນທີ່ມີອາຍຸນ້ອຍໃນຄັ້ງທຳອິດ.

ຫຼ້າສຸດ ສະຫະພັນບານເຕະແຫ່ງຊາດລາວ (ສຕລ) ໄດ້ແຈ້ງການ ຄໍາຕັດສິນຂອງຄະນະກໍາມະການລະບຽບວິໄນຟີຟ່າ ໂດຍລະບຸວ່າ:
ສະຫະພັນບານເຕະແຫ່ງຊາດລາວ (ສຕລ) ຂໍແຈ້ງມາຍັງປວງຊົນລາວ, ບັນດາສື່ມວນຊົນລາວ ແລະ ຜູ້ຕິດຕາມກິລາບານເຕະທັງພາຍໃນ ແລະ ຕ່າງປະເທດ ໃຫ້ຊາບວ່າ ສຕລ ໄດ້ຮັບຄໍາຕັດສິນຈາກສະຫະພັນບານເຕະນານາຊາດ (ຟີຟ່າ) ໃນວັນທີ 19 ເມສາ 2018 ທີ່ຜ່ານມາ. ສຕລ ຮູ້ສຶກຜິດຫວັງ ແລະ ກໍບໍ່ຄາດຄິດມາກ່ອນຕໍ່ກັບຄໍາຕັດສິນດັ່ງກ່າວ ແຕ່ກໍ່ຕ້ອງມີການແກ້ໄຂບັນຫາຢ່າງທັນທ້ວງທີ ແລະ ຕາມຫຼັກການ. ໃນເວລານີ້, ສຕລ ໂດຍຜ່ານທະນາຍຄວາມ ຈະຍື່ນຄໍາຮ້ອງຂໍລາຍລະອຽດທີ່ໃຊ້ໃນການພິຈາລະນາຕັດສິນຈາກຟີຟ່າ ແລະ ຈະຮ່ວມມືຢ່າງໃກ້ຊິດກັບບັນດາໜ່ວຍງານທີ່ກ່ຽວຂ້ອງທັງພາຍໃນ ແລະ ພາຍນອກ ເພື່ອໃຫ້ໄດ້ຂໍ້ສະຫຼຸບທີ່ເໝາະສົມ.
ນັບຕັ້ງແຕ່ເລິ່ມການສືບສວນ-ສອບສວນຄະດີດັ່ງກ່າວ, ສຕລ ໄດ້ໃຫ້ຄວາມຮ່ວມມືຢ່າງເຕັມທີ່ຕໍ່ຄະນະກໍາມະການລະບຽບວິໄນຂອງຟີຟ່າໃນການດໍາເນີນການສືບສວນເຫຼົ່ານີ່ຢ່າງເປີດເຜີຍ ແລະ ຈິງໃຈ.
Press Release Decision from FIFA Disciplinary Committee
The Lao Football Federation (LFF) would like to inform the Lao public, Lao media and the international football community that it has received the decision from FIFA dated 19th April 2018. Although the LFF is very disappointed with this decision, due diligence and due process shall take place- LFF, through its legal counsel, will submit a request to FIFA for the grounds of the decision taken from this investigation and will cooperate closely with the relevant internal and external parties involved for any appropriate outcome.
As from the very beginning of this investigation, the Lao Football Federation is giving its full cooperation and support to the FIFA disciplinary committee to undergo these proceedings in all openness and truthfulness.


ສ່ວນສະໂມສອນອື່ນໆທີ່ຖືກລົງໂທດມີດັ່ງນີ້:
ຟີຟາ ໄດ້ປັບໃໝ ເບນຟີກາ ເປັນເງິນຈຳນວນປະມານ 125,000 ຢູໂຣ, ສະປອດຕິງ ຈຳນວນປະມານ 92,000 ຢູໂຣ ໃນຂໍ້ຫາຖືສິດນັກເຕະດ້ວຍບຸກຄົນທີສາມ. ຟີຟາລະບຸວ່າ ທັງສອງສະໂມສອນດັ່ງກ່າວນີ້ ໄດ້ເຮັດສັນຍາທີ່ເຮັດໃຫ້ບຸກຄົນທີສາມເຂົ້າມາແຊກແຊງຄວາມເປັນອິດສະຫຼະຂອງສະໂມສອນ.


ສ່ວນ ເຊລຕາ ວິໂກ ຖືກປັບໃໝເປັນເງິນປະມານ 55,000 ຢູໂຣ ໃນຂໍ້ຫາ ເຮັດສັນຍາທີ່ເຮັດໃຫ້ ເບນຟີກາ ເຂົ້າມາແຊກແຊງຄວາມເປັນອິດສະຫຼະຂອງສະໂມສອນ ແລະ ໃນຂໍ້ຫາ ໃຊ້ລະບົບຈັບຄູ່ແລກປ່ຽນໂຕຜູ້ຫຼິ້ນສາກົນ ໂດຍບໍ່ຖືກຕ້ອງ.


ຂະນະທີ່ ຣາໂຢ ບາເຢກາໂນ ຖືກປັບໃໝປະມານ 46,000 ປອນ ໃນຂໍ້ຫາເຮັດສັນຍາຖືສິດນັກເຕະດ້ວຍບຸກຄົນທີສາມ ແລະ ໃຊ້ລະບົບຈັບຄູ່ແລກປ່ຽນໂຕຜູ້ຫຼິ້ນສາກົນ ໂດຍບໍ່ຖືກຕ້ອງ.


ນອກນັ້ນ ສະໂມສອນ ອັລ ອາຣາບີ ຈາກກາຕາ ກໍຖືປັບໃໝເປັນເງິນປະມານ 156,000 ຢູໂຣ ໃນຂໍ້ຫາເຮັດສັນຍາຖືສິດນັກເຕະດ້ວຍບຸກຄົນທີສາມຫຼາຍລາຍການ, ເຜີຍແຜ່ເນື້ອໃນເອກະສານລັບ ແລະ 7 ຂໍ້ຫາທີ່ກ່ຽວກັບການໃຊ້ລະບົບຈັບຄູ່ແລກປ່ຽນໂຕຜູ້ຫຼິ້ນສາກົນ ໂດຍບໍ່ຖືກຕ້ອງ.


ຕ້ອງຕິດຕາມກັນຕໍ່ໄປວ່າ ເລື່ອງນີ້ຈະເປັນແນວໃດຕໍ່ ແລະ ຖ້າມີກຄວາມເຄື່ອນໄຫວ ແອັດມິນນົກ ຂາປະຈໍາລາວອັບເດດ ຈະລາຍງານໃຫ້ຊາບພາຍຫຼັງ.

LEAVE A REPLY

Please enter your comment!
Please enter your name here