ເຈົ້າໜ້າທີ່ ມອບຊັບທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ

0
13

ໃນວັນທີ 23 ເມສາ 2018ນີ້, ເຈົ້າໜ້າທີພະແນກສືບສວນ – ສອບສວນ ຫ້ອງຕໍາຫຼວດກອງບັນຊາການ ປກສ ແຂວງໄຊຍະບູລີ ໄດ້ມອບລົດຈັກ ຍີ່ຫໍ້ ຮອນດາ MSX ສີດໍາ ທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ ກ່າວມອບໂດຍຮອ ໃໝ່ ຄໍາຝຸ່ນວິໄລ ຮອງຫົວໜ້າພະແນກສືບສວນ – ສອບສວນ ແລະ ກ່າວຮັບໂດຍ ທ່ານ ພອນໄຊ ສີທອງໃບ ພະນັກງານຫ້ອງການໂຍທາ ແລະ ຂົນສົ່ງ ເມືອງແກ່ນທ້າວ ເຈົ້າຂອງຊັບ.

ເຈົ້າໜ້າທີ່ພະແນກສືບສວນ – ສອບສວນ ຫ້ອງຕໍາຫຼວດ ປກສ ແຂວງໄຊຍະບູລີ ໄດ້ໃຫ້ຮູ້ວ່າ: ໃນວັນທີ 14 ມີນາ 2018 ຜ່ານມາໄດ້ຮັບແຈ້ງຄວາມຈາກເຈົ້າຂອງຊັບວ່າໄດ້ພົບເຫັນ ທ້າວ ທັດສະທອນ ຂີ່ລົກຈັກຂອງຜູ່ກ່ຽວ ໄປເຕີມນໍ້າມັນຢູ່ປໍ້າແຫ່ງໜື່ງເຂດບ້ານ ທ່ານາ ເຊີ່ງກົງກັບມື້ລົດເສຍຫາຍ.

ຈາກນັ້ນ, ເຈົ້າໜ້າທີ່ຈຶ່ງໄດ້ຈັດຕັ້ງກຳລັງລົງກວດກາຢ່າງຮີບດ່ວນ ພ້ອມທັງຂື້ນບັນຊີເປົ້າໝາຍຜູ້ຕ້ອງສົງໄສຕໍ່ມາຈຶ່ງຮູ້ວ່າຜູ້ລົງມືກໍ່ເຫດແມ່ນ ທ້າວ ແພງ ອາຍຸ 28 ປີ ປະຊາຊົນບ້ານ ນໍ້າພອນ ເມືອງພຽງ ແລະ ທ້າວ ໂອເລ່ ອາຍຸ 17 ປີ ປະຊາຊົນບ້ານ ເມືອງໝໍ ເມືອງແກ່ນທ້າວ ໄດ້ລັກເອົາລົດຈັກມາຂາຍໃຫ້ ທ້າວ ທັດສະທອນ ອາຍຸ 31 ປີ ປະຊາຊົນ ບ້ານນາເລົາ ໃນລາຄາ 5,500,000 ກີບເຈົ້າໜ້າທີ່ຈຶ່ງໄດ້ນໍາຈັບຕົວຜູ້ກ່ຽວຂ້ອງມາດຳເນີນຄະດີ ຕາມກົດໝາຍຢ່າງເຂັ້ມງວດ.
ສາຄອນ ໄຊສົມຮັກສາ

LEAVE A REPLY

Please enter your comment!
Please enter your name here