ກອງພັນ​ໃຫຍ່ 642 ສຳ​ເລັດ​ການ​ຍິງ​ລູກປືນ​ແທ້​ທະຫານ​ລາບ​ໃຫ້​ອ້າຍ​ນ້ອງ​ທະຫານ​ໃໝ່ຈຳປີ 2018

0
24

ເພື່ອ​ຮັບປະກັນ​ໃຫ້​ແກ່​ການ​ກຽມພ້ອມ​ສູ້​ລົບ ​ແລະ ປົກ​ປັກ​ຮັກສາ​ຂອບ​ເຂດ​ກົມ​ກອງ​ຮັບຜິດຊອບ​ໃຫ້​ມີ​ຄວາມ​ສະຫງົບ ຕາມ​ແຜນການ​ຂອງ​ກົມ​ໃຫຍ່​ເສນາ​ທິການ​ກອງທັບ​ກຳນົດ​ໄວ້​ ໃນ​ວັນ​ທີ 22 ​ເມສາ 2018 ນີ້ ກອງພັນ​ໃຫຍ່ 642 ​ໄດ້​ຈັດ​ຕັ້ງ​ພິທີ​ຍິງ​ລູກປືນ​ແທ້​ໃຫ້​ແກ່​ອ້າຍ​ນ້ອງ​ທະຫານ​ໃໝ່ ​ໂດຍ​ເປັນ​ກຽດ​ເຂົ້າ​ຮ່ວມ​ຊົມ​ຂອງ​ທ່ານ​ ພັນ​ເອກ ອຸ່ນ​ເຮືອນ ສີ​ຈັນ​ເດືອນ ຫົວໜ້າ​ການ​ທະຫານ​ກອງພັນ​ໃຫຍ່ 642 ພ້ອມ​ດ້ວຍ​ຄະນະ, ຕະຫຼອດ​ຮອດ​ຄະນະ​ຮັບຜິດຊອບ ​ແລະ ​ອ້າຍ​ນ້ອງ​ທະຫານ​ໃໝ່​ເຂົ້າ​ຮ່ວມ.

ການ​ຍິງ​ລູກປືນ​ແທ້​ທະຫານ​ລາບ​ໃນ​ຄັ້ງ​ນີ້​ ແມ່ນ​ໄດ້​ມີ​ການ​ຍິງ​ເປົ້າ​ໝາຍ​ເບຍ​ເລກ 04 ​ໂດຍ​ການ​ນຳ​ໃຊ້​ປືນ CKC, ຈຸດປະສົງ​ໃນ​ການ​ຍິງລູກປືນ​ແທ້​ທະຫານ​ລາບ​ແມ່ນ​ແນ່​ໃສ​ເຮັດ​ໃຫ້ອ້າຍ​ນ້ອງ​ທະຫານ​ໃໝ່​ ກໍາ​ແໜ້ນ​ທາງ​ພາກ​ທິດ​ສະ​ດີ-​ຫຼັກການ, ກວດກາ​ຄືນ​ຈັງຫວະ​ບາດກ້າວ​ການ​ອອກ​ຄຳ​ສັ່ງ​ຂອງ​ຜູ້ບັນຊາ, ຍົກ​ໃຫ້​ເຫັນ​ຄວາມ​ສຳຄັນ​ຂອງ​ສິນລະປະ​ຍຸດ – ​ຍຸດ​ທະ​ຍຸ​ວິທີ​ຂອງ​ທະຫານ​ລາບ​ ເພື່ອ​ກ້າວ​ຂື້ນ​ເຮັດ​ສຳ​ເລັດ​ໜ້າ​ທີ່​ການ​ເມືອງ​ທີ່​ພັກ – ລັດຂັ້ນ​ເທີ​ງ ແລະ ປະຊາຊົນມອບ​ໝາຍ​ໃຫ້​.ຈາ​ການກວດ​ສອບ​ການ​ຍິງ​ເປົ້າ​ໝາຍ​ຕົວ​ຈີ​ງຂອງ 55 ສະຫາຍ ສາມາດ​ຕີ​ລາຄາ​ໄດ້​ດັ່ງ​ນີ້: ປະ​ເພດ​ເກັ່ງ 14 ສະຫາຍ, ປະ​ເພດ​ກາງ 31 ສະຫາຍ ​ແລະ ​ໄດ້ຄາດມາຍ 10 ສະຫາຍ.

ການລົງສະໜາມຍິງລູກປືນແທ້ໃນຄັ້ງນີ້ ໄດ້ມີຫລາຍພາກສ່ວນ ນັບທັງພະນັກງານໃນກຳລັງ ປກຊ ແລະ ພໍ່ແມ່ປະຊາຊົນ ໄດ້ໃຫ້ການຊຸກຍູ້ດ້ວຍນ້ຳຈິດ ນ້ຳໃຈ ເປັນເຄື່ອງບໍລິໂພກ​ໄປ​ມອບ ເພື່ອເປັນກຳລັງໃຈອ້າຍນ້ອງທະຫານ ​ດັ່ງ​ນີ້: ຂະ​ແໜງ​ຊາວ​ໜຸ່ມ-​ແມ່ຍິງ ມີນ້ຳ​ດື່ມ 7 ​ແກັດ, ດີ​ໂດ້ 2 ​ແກັດ, ໝີ່​ໄວໆ 3 ແກັດ, ປ໋ອງປາ 3​ໂຫຼ ​ແລະ ​ເຂົ້າ​ໝົມ 10 ຖົງ; ​ໂຮງໝໍ​ກອງພັນ​ໃຫຍ່ 642 ມອບ​ເຂົ້າ​ຈີ່​ໃສ່​ນົມ ມູມຄ່າ 250,000 ກິບ; ຮ້ອຍ​ເອກ ນ ລຽນ​ພອນ ພ້ອມ​ດ້ວຍ​ຄອບຄົວມອບ ດີ​ໂດ້ 2 ​ແກັດ; ຮ້ອຍ​ໂທ ນ. ​ໄພ​ວັນ ພ້ອມ​ດ້ວຍ​ຄອບຄົວ ມອບດີ​ໂດ້ 1 ​ແກັດ ​ແລະ ໝາ​ກກ້ວຍ 15 ຫວີ; ຮ້ອຍ​ເອກ ນ. ຈັນ​ແສງ ພ້ອມ​ດ້ວຍ​ຄອບຄົວ ມອບນ້ຳດື່ມ 1 ​ແກັດ; ທ່ານ​ນາງ ຈອມ​ສີ ( ພັນ​ລະ​ຍາ ຂອງ​ພັນ​ໂທ ​ແສງ​ທອງ ດວງ​ວິ​ໄລ ) ມອບດີ​ໂດ້ 1 ​ແກັດ, ນ້ຳກ້ອນ 2 ​ເປົາ ​ແລະ ນ້ຳອ້ອຍ 2 ຕຸກ; ທ່າ​ນນາງ ​ໄກສອນ ( ພັນ​ລະ​ຍາ ທ່ານ​ພັນ​ໂທ ສຸວັນ ນະ​ຄີ​ລິ ) ມອບນ້ຳດື່ມ 5 ​ແກັດ, ໜາ​ກ​ໄມ້ 10 kg, ​ໄກ່ 2 ​ໂຕ ​ແລະ ນ້ຳອ້ອຍ 2 ຕຸກ; ພັນ​ໂທ ​ໄພ​ວັນ ຈັນ​ສະມຸດ ພ້ອມ​ດ້ວຍ​ຄອບຄົວມອບ​ເຄື່ອງ​ຕຳ​ໝາກຫຸ່ງ ມູນ​ຄ່າ 100,000 ກິບ; ທ່ານ​ນາງ ລຳ​ພອນ ພ້ອມ​ດ້ວຍ​ຄອບຄົວມອບ​ປ໋ອງປາ 1 ​ໂຫຼ; ພັນ​ຕີ ນ ຄຳ​ວັນ ພ້ອມ​ດ້ວຍ​ຄອບຄົວມອບ​ນ້ຳດື່ມ 2 ​ແກັດ ​ແລະ ​ເຂົ້າ​ໝົມ 2 ຖົງ; ພັນ​ຕີ ນ ສາຍ​ສະ​ໝາຍ ພ້ອມ​ດ້ວຍ​ຄອບຄົວ ມອບ​ໂອລາ​ລິດ 1 ​ແກັດ; ທ່ານ ​ເອບ ສຸ​ທຳ ພ້ອມ​ດ້ວຍ​ຄອບຄົວມອບດີ​ໂດ້ 2 ​ແກັດ​ ​ແລະ ທ່ານ​ນາງ ຄຳ​ຟອງ ພ້ອມ​ດ້ວຍ​ຄອບຄົວມອບ​ນ້ຳຫວານ 3 ຕຸກ, ເຄື່ອງ​ທີ່​ນຳ​ມາ​ມອບ​ໃນ​ຄັ້ງ​ນີ້ລວມມູນ​ຄ່າ​ 2,005,000 ກ່ວາກີບ, ຈຸດປະສົງ​ໃນ​ການ​ມອບ​ໃນ​ຄັ້ງ​ນີ້​ກໍ່​ເພື່ອ​ເປັນ​ການ​ປະກອບສ່ວນ​ຊຸກຍູ້​ໃນການ​ເຄື່ອນ​ທັບ​ຍິງ​ປູກ​ປືນ​ແທ້​ຂອງ​ອ້າຍ​ນ້ອງ​ທະຫານ​ໃໝ່​ໃຫ້ມີ​ກຳລັງ​ແຮງ​ກາຍ ​ແຮງ​ໃຈ ​ແລະ ຫ້າວຫັນ​ໃນ​ການ​ປະຕິບັດ​ໜ້າ​ທີ່​ການ​ເມືອງ​ທີ່​ຂັ້ນ​ເທີ​ງມອບ​ໝາຍ​ໃຫ້.

ແຫລ່ງທີ່ມາຈາກ http://bolikhamxay.gov.la

LEAVE A REPLY

Please enter your comment!
Please enter your name here