ຊ່ວຍກັນຄົນລະນ້ອຍ ເພື່ອນ້ອງນັກຮຽນ

0
24

ບັນດາຜູ້ໃຈບຸນທັງຫຼາຍຂໍນ້ຳໃຈທ່ານຊ່ວຍປຸກສ້າງໂຮງຮຽນຫຼັງນີ້ ເປັນຫ່ວງຖ້າພະຍຸເຂົ້າອີກຮອບຢ້ານອາດບໍ່ເຫຼືອຫຍັງໃຫ້ເຫັນອີກ ທີ່ສຳຄັນກວ່ານັ້ນນີ້ຄືເບົ້າຫຼໍ່ລູກຫຼານຜູ້ຈະສືບທອດອະນາຄົດຂອງຊາດ ຄວນໄດ້ຮັບການປັບປຸງສົ່ງເສີມໃຫ້ຢູ່ໃນສະພາບດີກວ່ານີ້.

ທີ່ທ່ານເຫັນຢູ່ນີ້ແມ່ນໂຮງຮຽນມັດທະຍົມຕອນຕົ້ນ ລາວເລວ ບ້ານລາວເລວເມືອງສຳພັນ ແຂວງຜົ້ງສາລີ, ສະພາບຂອງໂຮງຮຽນເກົ່າແກ່ຊຸດໂຊມມາຫຼາຍປີແລ້ວ ແຕ່ຄູອາຈານ ແລະນັກຮຽນຍັງພາກັນຊົມໃຊ້ຢູ່ເປັນປົກະຕິ ໂດຍອີງຕາມສະພາບຄວາມເປັນຈິງທີ່ມີຢູ່ບໍ່ທັນມີງົບປະມານສຳລັບການປຸກສ້າງໃໝ່ ແຕ່ພາຍຫຼັງວັນທີ 24 ເມສາຜ່ານມາ ທີ່ພະຍຸພັດຜ່ານ ເຮັດໃຫ້ອາຄານຮຽນທີ່ແອ້ມດ້ວຍກະແຕະງ່ຽງລົງກັບບາດ ແລະບໍ່ຮູ້ຈະຫັກລົງເມື່ອໃດ.

ເປັນຂ່າວດັງສູ່ສັງຄົມແບບນີ້ພາກລັດເພີ່ມຄົງບໍ່ນິ້ງນອນໃຈ ແຕ່ໂດຍຜ່ານຂະບວນການຂອງລັດແລ້ວອາດຕ້ອງໃຊ້ເວລາດົນ ຍ້ອນປັດໄຈຫຼາຍຢ່າງ ສະນັ້ນຖ້າເປັນໄປໄດ້ປະຊາຊົນ, ນັກທຸລະກິດຜູ້ທີ່ມີເງື່ອນໄຂກໍ່ຊ່ວຍກັນຄົນລະ 10-20 ພັນຫຼາຍຄົນລວມກັນ ອາດບໍ່ນານເກີນລໍບ້ານລາວເລວຈະໄດ້ອາຄານຫຼັງໃໝ່ທີ່ງົດງາມປອດໄພ ໜ້າຮຽນມອບໃຫ້ເປັນຂອງຂັວນແກ່ນ້ອງໆນັກຮຽນໄດ້.

 

 

LEAVE A REPLY

Please enter your comment!
Please enter your name here