ເລີ່ມຫລໍ່ເກດ ສ່ວນທີ 2 ພຣະເຈົ້າອົງຫຼວງປະທານພອນ ແຂວງຊຽງຂວາງ

0
11

ງານຫຼໍ່ເກດພະເຈົ້າອົງຫຼວງປະທານພອນ ທີ່ຈະປະດິດສະຖານທີ່ວັດໄຫຫີນມີໄຊຍາຣາມ ແຂວງຊຽງຊວາງ ຄັ້ງທຳອິດລະຫ່ວາງວັນທີ5-8ເມສາ 2018 ທີ່ວັດທາດຫຼວງເໜືອ ນະຄອນຫຼວງວຽງຈັນ ໂດຍມີການນຳຂັ້ນສູງພັກ-ລັດ ແລະ ພະສົງ ມີການນຳ ແຂວງຊຽງຂວາງ, ພະນັກງານ-ລັດຖະກອນ ແລະ ພໍ່ແມ່ ປະຊາຊົນບັນດາເຜົ່າໃນທົ່ວ ປະເທດເຂົ້າຮ່ວມບໍລິຈາກວັດຖຸ ເງິນ ຄຳ ເຫື່ອ ແຮງ ແລະ ຈິດໃຈຢ່າງເປັນຂະບວນ ຟົດຟື້ນ.ເກດພະເຈົ້າອົງຫຼວງມີຄວາມ ສູງ4,5ແມັດ ມີນ້ຳໜັກ1,5 ໂຕນ ຫຼໍ່ດ້ວຍທອງເຫຼືອງ ຍອດສຸດແມ່ນຄຳ.

ຫຼ້າສຸດໃນວັນທຮ28-29 ເມສາ ໄດ້ມີພິທີຫຼໍ່ເກດ ສ່ວນທີ2 (ຍອດສຸດ) ຂຶ້ນລະຫວ່າງວັນທີ28-29 ເມສາ ທີ່ວັດໄຫຫີນມີໄຊຍະຣາມ ເມືອງແປກ ແຂວງຊຽງຂວາງ.

ພະເຈົ້າອົງຫຼວງ ປະທານພອນ ຫຼໍ່ດ້ວຍທອງເຫຼືອງ ໜ້າຕັກກ້ວາງ16ແມັດ ແລະ ສ່ວນສູງທ່ານັ່ງ26ແມັດ ພະເຈົ້າອົງຫຼວງປະທານພອນສະທິດຢູ່ທີ່ວັດໄຫຫີນມີໄຊຍະຣາມ ບ້ານທົ່ງມີໄຊ ເມືອງ ແປກ ແຂວງຊຽງຂວາງ ເປັນວັດທີ່ສ້າງຂື້ນໃໝ່ ກ່ອນປີ1970ຢູ່ບໍລິເວນ ໃກ້ກັບກອງ ພັນທີ2ມີວັດສີ່ອ່າງ(4ອ່າງ)ໃນເວລາສົງຄາມວັດດັ່ງກ່າວນັ້ນຖືກທຳລາຍ.

ສ່ວນມູນຄ່າລວມໃນການສ້າງພຣະເຈົ້າອົງຫຼວງປະທານພອນໃນຄັ້ງນີ້ ແມ່ນຈຳນວນ 15 ຕື້ກີບ (ສິບຫ້າຕື້ກີບ)

 

LEAVE A REPLY

Please enter your comment!
Please enter your name here