ການຄ້າແຈ້ງການກວດກາເຂັ້ມບໍ່ໃຫ້ສວຍໂອກາດຂຶ້ນລາຄາສິນຄ້າ

0
18

ແນໃສ່ຮັກສາສະຖຽນລະພາບທາງດ້ານເສດຖະກິດໃຫ້ໝັ້ນຄົງ ບໍ່ໃຫ້ມີຜົນກະທົບໄປສູ່ບັນຫາອື່ນໆ ທີ່ຈະກາຍເປັນປະກົດການຫຍໍ້ທໍ້ໃນສັງຄົມ ທັງເປັນການປົກປ້ອງຜູ້ບໍລິໂພກໃຫ້ໄດ້ຮັບຄວາມເປັນທຳທາງດ້ານລາຄາ, ປະລິມານ, ຄຸນນະພາບ ແລະປ້ອງກັນບໍ່ໃຫ້ຊາວຄ້າຂາຍສວຍໂອກາດຂຶ້ນລາຄາຕາມລຳພັງໃຈ ໂດຍສະເພາະໃນໂອກາດທີ່ລັດປະກາດຂຶ້ນເງິນເດືອນຂັ້ນຕ່ຳໃຫ້ພະນັກງານກຳມະກອນ.

ດັ່ງນັ້ນ, ກະຊວງອຸດສາຫະກຳ ແລະການຄ້າ ໃນນາມເປັນຜູ້ຄຸ້ມຄອງມະຫາພາກໄດ້ອອກແຈ້ງການ ສະບັບເລກທີ 0485/ອຄ.ກຄພນ ລົງວັນທີ 27 ເມສາ 2018 ໃຫ້ຂະແໜງການກ່ຽວຂ້ອງທົ່ວປະເທດເປັນເຈົ້າການຕິດຕາມກວດກາສະພາບລາຄາສິນຄ້າ ແລະບໍລິການຢ່າງເຄັ່ງຄັດກວ່າເກົ່າ.


ໃນແຈ້ງການໄດ້ເນັ້ນໜັກໃຫ້ຫົວໜ້າພະແນກອຸດສາຫະກຳ ແລະການຄ້າແຂວງ, ນະຄອນຫຼວງວຽງຈັນ ເອົາໃຈໃສ່ຄຸ້ມຄອງລາຄາສິນຄ້າ ແລະຄ່າບໍລິການ ເພື່ອບໍ່ໃຫ້ເໜັງຕິງຂຶ້ນໂດຍບໍ່ມີເຫດຜົນ ເວົ້າສະເພາະແມ່ນເພື່ອຮອງຮັບກັບການປັບຂຶ້ນຄ່າແຮງງານຂັ້ນຕ່ຳຈາກ 900.000 ກີບເປັນ 1.100.000 ກີບຕໍ່ຄົນຕໍ່ເດືອນ ທີ່ຈະເລີ່ມປະຕິບັດນັບແຕ່ວັນທີ 1 ພືດສະພາ 2018 ນີ້ເປັນຕົ້ນໄປ.

ໃຫ້ສືບຕໍ່ປະສານສົມທົບກັບຂະແໜງການກ່ຽວຂ້ອງພາຍໃນແຂວງ ເພື່ອຈັດຕັ້ງປະຕິບັດວຽກງານຕິດຕາມກວດກາ ແລະຄຸ້ມຄອງລາຄາສິນຄ້າ ທີ່ມີຜົນກະທົບໄວຕໍ່ຊີວິດການເປັນຢູ່ຂອງປະຊາຊົນເປັນຕົ້ນແມ່ນສິນຄ້າສະບຽບອາຫານເຊັ່ນ: ຊີ້ນ, ເຂົ້າກິນ, ປາ, ໄກ່ ແລະພືດຜັກອື່ນໆ ລວມທັງເຄື່ອງອຸປະໂພກ-ບໍລິໂພກ ໃຫ້ຮັບປະກັນການຕອບສະໜອງ ແລະຄວາມຕ້ອງການ ລາຍລະອຽດອ່ານຕາມແຈ້ງການດ້ານລຸ່ມນີ້:

 

LEAVE A REPLY

Please enter your comment!
Please enter your name here