ຍັງມີຝົນຕົກ ໃນລະດັບຄ່ອຍເປັນບໍລິເວນກວ້າງຢູ່ໃນແຕ່ລະພາກ

0
13

ລາຍງານພະຍາກອນອາກາດປະຈຳວັນທີ 30 ເມສາ 2018 ຈາກກົມອຸຕຸນິຍົມ ແລະ ອຸທົກກະສາດວ່າ: ບໍລິເວນຄວາມກົດດັນສູງຂອງອາກາດເຢັນຍັງສືບຕໍ່ມີກຳລັງອ່ອນປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບລົມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່ ເຊິ່ງລັກສະນະເຊັ່ນນີ້ຈະເຮັດໃຫ້ຍັງມີຝົນຕົກໃນລະດັບຄ່ອຍເປັນບໍລິເວນກວ້າງໃນແຕ່ລະພາກຕື່ມອີກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ ແລະ ພາກກາງ.


ໃນຂະນະທີ່ລາຍງານສະພາບອາກາດຕົວຈິງໃນເວລາ 7:00 ໂມງ ຂອງວັນທີ 30 ເມສາ ຜ່ານມາ ເຂດທີ່ມີຝົນຕົກຫຼາຍທີ່ສຸດແມ່ນ ທ່າແຂກ, ແຂວງຄຳມ່ວນ ວັດປະລິມານນ້ຳຝົນ 24 ຊົ່ວໂມງໄດ້ 36,0 ມິລິແມັດ; ຫ້ວຍຊາຍ, ແຂວງບໍ່ແກ້ວ ວັດປະລິມານນ້ຳຝົນ 24 ຊົ່ວໂມງໄດ້ 34,7 ມິລິແມັດ; ຫຼັກ 20 ວັດປະລິມານນ້ຳຝົນ 24 ຊົ່ວໂມງໄດ້ 29,6 ມິລິແມັດ; ສາລະວັນ ວັດປະລິມານນ້ຳຝົນ 24 ຊົ່ວໂມງໄດ້ 22,6 ມິລິແມັດ, ເຊໂນ ວັດປະລິມານນ້ຳຝົນ 24 ຊົ່ວໂມງໄດ້ 16,7 ມິລິແມັດ ແລະ ນະຄອນຫຼວງວຽງຈັນ ວັດປະລິມານນ້ຳຝົນ 24 ຊົ່ວໂມງໄດ້ 15,2 ມິລິແມັດ.


ສ່ວນຄາດຄະເນພະຍາກອນອາກາດແຕ່ເວລາ 12:00 ໂມງ ຂອງວັນທີ 30 ເມສາ 2018 ເຖິງເວລາ 12:00 ໂມງ ຂອງວັນທີ 1 ພຶດສະພາ 2018 ດັ່ງນີ້:
ພາກເໜືອດ້ານຕາເວັນອອກ: ຍັງຈະມີຝົນຕົກໃນລະດັບຄ່ອຍຢູ່ທົ່ວໄປເປັນບໍລິເວນກວ້າງ ພ້ອມມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 15-17 ອົງສາ ແລະ ສູງສຸງ 24-26 ອົງສາ.
ພາກເໜືອດ້ານຕາເວັນຕົກ: ມີເຝືອປົກຄຸມເປັນສ່ວນຫຼາຍ, ຍັງຈະມີຝົນຕົກໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງຢູ່ບາງທ້ອງຖິ່ນຕື່ມອີກ ພ້ອມຈະມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 19-21 ອົງສາ ແລະ ສູງສຸດ 29-31 ອົງສາ.


ນະຄອນຫຼວງວຽງຈັນ: ມີເຝືອປົກຄຸມເປັນສ່ວນຫຼາຍ ແລະ ຈະມີຝົນຕົກໃນລະດັບຄ່ອຍຢູ່ທົ່ວໄປເປັນບໍລິເວນກວ້າງ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 29-31 ອົງສາ.ພາກກາງ: ຍັງຈະມີຝົນຕົກໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງທ້ອງຖິ່ນແຂວງບໍລິຄຳໄຊ, ຄໍາມ່ວນ ແລະ ສະຫວັນນະເຂດ ພ້ອມມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 31-33 ອົງສາ.


ພາກໃຕ້: ຈະມີຝົນຕົກໃນລະດັບຄ່ອຍຢູ່ເກືອບທ່ົວໄປ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງຈຳປາສັກ, ເຊກອງ ແລະ ອັດຕະປຶ.ອຸນຫະພູມຕ່ຳສຸດ 13-15 ອົງສາ ແລະ ສູງສຸດ 24-28 ອົງສາ.

 

ສ່ວນຄາດຄະເນສະພາບອາກາດແຕ່ວັນທີ 30ເມສາ  ຫາ6 ພຶດສະພາມີດັ່ງນິ້

LEAVE A REPLY

Please enter your comment!
Please enter your name here