ຕາດເລິກ ແລະ ຕາດຊາຍ ກຳລັງຈະໄດ້ຮັບການພັດທະນາສູ່ໃບຫນ້າໃໝ່

0
28

ພິທີເຊັນສັນຍາບົດບັນທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ໃນການພັດທະນາແຫຼ່ງທ່ອງທ່ຽວຕາດເລິກ ໄດ້ຈັດຂື້ນໃນວັນທີ 29 ມີນາ 2018 ຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນແຂວງ ຕາງໜ້າໃຫ້ແກ່ອຳນາດການປົກຄອງແຂວງບໍລິຄຳໄຊ ເຊັນໂດຍ ທ່ານ ເລື່ອນວິໄລ ຈັນທະລາພັນ ກຳມະການພັກແຂວງ, ຫົວໜ້າພະແນກແຜນການ ແລະ ການລົງທຶນແຂວງ ຮ່ວມກັບ ທ່ານ ນາງ ດາລຸນນີ ດວງປະເສີດ ປະທານບໍລິສັດພູຕາເວັນການທ່ອງທ່ຽວຈຳກັດຜູ້ດຽວ ເຊັນໃນນາມຕາງໜ້າຜູ້ລົງທຶນ ຊອງໜ້າໂດຍຫົວໜ້າພະແນກການ, ການນຳຂອງເມືອງ ແລະ ພະນັກງານວິຊາການ ທັງສອງຝ່າຍເຂົ້າຮ່ວມເປັນສັກຂີພິຍານ.

ບໍລິສັດພູຕາເວັນການທ່ອງທ່ຽວຈຳກັດຜູ້ດຽວ ແມ່ນມີຄວາມຕ້ອງການພັດທະນາ ສຶກສາຄວາມເປັນໄປໄດ້ໃນການພັດທະນາແຫຼ່ງທ່ອງທ່ຽວຕາດເລິກ ແບບອະນຸລັກທຳມະຊາດ ທີ່ເມືອງທ່າພະບາດ ຢູ່ແຂວງບໍລິຄຳໄຊ ໂດຍຈະໃຊ້ເວລາສຶກສາເປັນໄລຍະເວລາ 180 ວັນ ຫຼື 6 ເດືອນ ເຊິ່ງປະຈຸບັນບໍລິສັດມີຄວາມພ້ອມທີ່ຈະຈັດຕັ້ງປະຕິບັດໂຄງການໃຫ້ຖືກຕ້ອງ ແລະ ສອດຄ່ອງກັບລະບຽບກົດໝາຍ ໂດຍສະເພາະແມ່ນປະຕິບັດຕາມເນື້ອໃນບົດບັນທຶກສະບັບນີ້ຢ່າງເຂັ້ມງວດ.

ຕາດເລິກ ເມືອງທ່າພະບາດ ເປັນຕາດທີ່ເກີດຂວາງ ທາງໄຫຼຂອງນ້ຳເລິກ ເຮັດໃຫ້ນ້ຳໄຫຼ ເຊາະຫີນຫຼາຍຕໍ່ຫຼາຍປີ ກາຍເປັນຮູບລັກສະນະຕ່າງໆ ແລະ ກໍ່ມີຄວາມງາມ ແບບທຳມະຊາດ. ປະຈຸບັນ ລັດຖະບານ​ໄດ້ລົງທຶນສ້າງ ເຂື່ອນໄຟຟ້ານ້ຳຕົກ ໂດຍແມ່ນໂຄງການ ຂອງລັດຖະບານລາວ. ຕາດເລິກ ຫ່າງຈາກທາງເລກທີ່ 13 ໃຕ້, ບ້ານປ່າໄລ່, ເມືອງທ່າພະບາດ ເຂົ້າໄປ 44 ກິ​ໂລ​ແມັດ.

ໃນວັນທີ 28 ມີນາ 2018 ຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນແຂວງ ໄດ້ມີພິທີເຊັນສັນຍາບົດບັນທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ໂຄງການລົງທຶນຕ່າດຊາຍ-ຜາຊາຍ ໂດຍແມ່ນບໍລິສັດດົງຄຳໄຊສົ່ງເສີມກະສິກຳ ແລະ ພັດທະນາການທ່ອງທ່ຽວຄົບວົງຈອນຈຳກັດຜູ້ດຽວໄດ້ຮັບອະນຸຍາດເຂົ້າສຶກສາຄວາມເປັນໄປໄດ້ແຫຼ່ງທ່ອງທ່ຽວຕ່າດຊາຍ-ຜາຊາຍ ແບບອະນຸລັກທຳມະຊາດແບບຍືນຍົງ,

ແຫຼລ່ງທີ່ມາຈາກhttp://bolikhamxay.gov.la

LEAVE A REPLY

Please enter your comment!
Please enter your name here