ຝົນຕົກໜັກເຮັດໃຫ້ນໍ້າຖ້ວມກະທັນຫັນຢູ່ ບ້ານຫ້ວຍມົດສົ້ມເມືອງປາກລາຍ ມີ 14 ຄອບຄົວໄດ້ຮັບຜົນກະທົບແຮງ

0
42

ໃນຕອນເຊົ້າຂອງວັນທີ 1 ພຶດສະພາ 2018 ເວລາປະມານ15:30 ໂມງ ໄດ້ເກີດເຫດນໍ້າຖ້ວມກະທັນ ຫັນຢູ່ ຫ້ວຍມົດສົ້ມເມືອງເມືອງປາກລາຍ ແຂວງໄຊຍະບູລີ ໂຊກດີບໍ່ມີຜູ້ເສຍຊີວິດ ແລະ ໄດ້ຮັບບາດເຈັບ.


ທ່ານ ສົມຫັວງ ດາວທອງ ນາຍບ້ານ ຫ້ວຍມົດສົ້ມເມືອງ ໄດ້ໃຫ້ສໍາພາດຕໍ່ ນັກຂ່າວເມືອງປາກລາຍພວກເຮົາວ່າ: ໃນວັນທີ 1 ພຶດສະພາ 2018 : ສາເຫດນໍ້າຖ້ວມກະທັນຫັນແມ່ນເກີດຈາກຝົນຕົກໜັກ ແຕ່ 15:30-20:00 ໂມງຂອງວັນທີ 1 ຂອງວັນທີ 1 ພຶດສະພາ 2018 ເຊິ່ງໄດ້ເຮັດໃຫ້ເກີດນໍ້າອັ່ງນອງໄຫລເຂົ້າບ້ານເຮືອນ, ເນື້ອທີ່ປູກຝັງຂອງປະຊາຊົນ ແລະ ສາມາດວັດແທກລະດັບ ນໍ້າສູງ ລະຫວ່າງ 30-100 ຊັງຕີແມັດ. ໂຊກດີບໍ່ມີຜູ້ໃດເສຍຊີວິດ ແລະ ໄດ້ຮັບບາດເຈັບ.

ນໍ້າຖ້ວມໃນຄັ້ງນີ້ໄດ້ສົ່ງຜົນກະທົບພຽງ 146 ຫລັງຄາເຮືອນ,ມີພົນລະເມືຶອງ 697 ຄົນ,ນາຍບ້ານ ຫ້ວຍມົດສົ້ມເມືອງ ກ່າວຕື່ມວ່າ:ນໍ້າຖ້ວມຄັ້ງນີ້ໄດ້ຮັບຜົນເສຍຫາຍມີ14ຄອບຄົວທີ່ໄດ້ຮັບຜົນກະທົບເສຍຫາຍໜັກ,ມີເສັ້ນທາງເຂົ້າບ້ານຖືກຕັດຂາດ,ໄຮ່ນາສ່ວນສາລີ,ໂຮງຮຽນປະຖົມຖຶກນໍ້າໄຫລພັດເປເພເສຍຫາຍນອກຈາກນີ້ຍັງມີສັດລ້ຽງເຊັ່ນ:ເປັດ,ໄກ່ໝູຖຶກນໍ້າໄຫລສຸພັດເສຍຫາຍປະຈຸບັນກຳລັງສະຫລຸບສັງລວມຜົນເສຍຫາຍແລະມາຮອດປັດຈຸບັນນີ້ທາງອຳນາດການປົກຄອງເມືອງຂະແໝງການທີ່ກ່ຽວຂ້ອງຂອງເມືອງສົມທົບກັບການຈັດຕັ້ງຂອງບ້ານກຳລັງເລັ່ງໃຫ້ການຊ່ວຍເຫລືອບັນເທົາທຸກໃຫ້ກັບຄອບຄົວທີ່ຖືກເສຍຫາຍຫລາຍ.

ພ້ອມດຽວກັນນີ້ ພວກເຮົາໄດ້ແຈ້ງໃຫ້ພໍ່ແມ່ປະຊາຊົນ ຢູ່ບໍລິເວນໃກ້ຄຽງດັ່ງກ່າວ ມີສະຕິເພີ່ມຄວາມລະມັດ ລະວັງໃຫ້ຫລາຍຂຶ້ນ ໂດຍ ແນະນຳໃຫ້ປະຊາຊົນຫລີກເວັ້ນບ່ອນຢູ່ອາໃສທີ່ມີຄວາມສ່ຽງສູງເປັນຕົ້ນຢູ່ໃກ້ພູ ແລະ ແຄມຫ້ວຍ ສິ່ງສຳຄັນປະຊາຊົນສ່ວນໃຫຍ່ບໍ່ໄດ້ຮັບ ຂໍ້ມູນຂ່າວສານ ຈາກກົມອຸຕຸນິຍົມ. ສະນັ້ນ ຢາກໃຫ້ພາກສ່ວນກ່ຽວຂ້ອງ ເອົາໃຈໃສ່ ໃນການແຈ້ງເຕືອນ ສະພາບອາກາດ ທີ່ມີການປ່ຽນແປງເປັນແຕ່ລະໄລຍະ.

ຂ່າວ ດາວປະດິດ ເສດຖາທິລາດ

LEAVE A REPLY

Please enter your comment!
Please enter your name here