ທ່ານຄິດວ່າ ລາວມີໂອກາດສໍາໃດ-ຕໍ່ກອນກັບໃຜໄດ້ແດ່ເມື່ອຮ່ວມກຸ່ມ ເອ ບານເຕະ SUZUKI CUP 2018

0
18


ສະຫະພັນບານເຕະອາຊຽນ ( AFF ) ໄດ້ມີການຈັບສະຫລາກ ການແຂ່ງຂັນບານເຕະ ຊີງແຊ້ມອາຊຽນ 2018 AFF SUZUKI CUP 2018 ຂຶ້ນໃນຕອນບ່າຍ ວັນພຸດ 02 ພຶດສະພາ ຢູ່ ນະຄອນຫລວງ ຈາກາຕາ ປະເທດ ອິນໂດເຊຍ ເຊິ່ງຮອບແບ່ງກຸ່ມຈະແຂ່ງຂັນວັນທີ 8-25 ພະຈິກ 2018 .

 

ຜົນຂອງຈັບຫລາກ ມີດັ່ງນີ້ :
– ກຸ່ມ ເອ : ຫວຽດນາມ, ມາເລເຊຍ, ມຽນມາ, ກຳປູເຈຍ ແລະ ລາວ.
– ກຸ່ມ ບີ : ໄທ, ອິນໂດເນເຊຍ, ຟິລິບປິນ, ສິງກະໂປ ແລະ ທີມຊະນະຈາກຮອບຄັດເລືອກ ( ບຣູໄນ ຫລື ຕີມໍ ເລສເຕ )

ສຳລັບ ການແຂ່ງຂັນໃນຄັ້ງນີ້ ໄດ້ມີການປ່ຽນແປງຮູບແບບການແຂ່ງຂັນໃນຮອບແບ່ງກຸ່ມມີ 2 ກຸ່ມ, ກຸ່ມ ລະ 5 ທີມ ໂດຍບໍ່ມີທີມໃດເປັນເຈົ້າພາບ ເຊິ່ງແຕ່ລະທີມຈະໄດ້ເປັນເຈົ້າພາບ 2 ນັດ ແລະ ເປັນທີມຢາມ 2 ນັດ ເພື່ອຫາທີມທີ່ເປັນແຊ້ມກຸ່ມ ແລະ ຮອງແຊ້ມກຸ່ມຜ່ານເຂົ້າຮອບຮອງຊະນະເລີດ.

 

ໂດຍມາເບິ່ງຕາຕະລາງ ການແຂ່ງຂັນ ທີມຊາດລາວ ທ່ານຄິດວ່າທີມຊາດລາວ ມີລຸ້ນເຂົ້າຮອບແນວໃດ ແລະ ສາມາດຕໍ່ກ່ອນໄດ້ໃຜໄດ້ແດ້ ເມື່ອຕ້ອງພົບກັບຄູ່ແຂ່ງດັ່ງນີ້:
– ວັນທີ 08/11/2018 ລາວ ພົບ ຫວຽດນາມ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16
– ວັນທີ 12/11/2018 ມາເລເຊຍ ພົບ ລາວ ແຂ່ງຂັນຢູ່ທີ່ ປະເທດມາເລເຊຍ
– ວັນທີ 16/11/2018 ລາວ ພົບ ມຽນມາ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16
– ວັນທີ 20/11/2018 ກຳປູເຈຍ ພົບ ລາວ ແຂ່ງຂັນຢູ່ທີ່ ກຳປູເຈຍ

 

ສໍາລັບ ການແຂ່ງຂັນ AFF SUZUKI CUP ແຂ່ງຂັນທັງຫມົດ 11 ຄັ້ງ , ທີມຊາດໄທ ໄດ້ແຊ້ມ 5 ຄັ້ງ, ສິງກະໂປ 4 ຄັ້ງ, ຫວຽດນາມ 1 ຄັ້ງ ແລະ ມາເລເຊຍ 1 ຄັ້ງ .

 

LEAVE A REPLY

Please enter your comment!
Please enter your name here