ສະມາຊິກບານເຕະອາຊຽນມີ 12 ທີມ, ແຕ່ ຊຸຊຸກິ ຄັບ 2018 ມີ 10 ທີມເບິ່ງນໍາກັນ ລາວ ເປັນທີມຢືນໄດ້ຍ້ອນ…

0
23


ພາຍຫຼັງທີ່ ທີມຊາດລາວ ຖືກຈັດຢູ່ຮ່ວມກຸ່ມ ເອ ຮ່ວມກັບທີມຢືນທັງໝົດນໍາໂດຍ ຫວຽດນາມ, ມາເລເຊຍ, ມຽນມາ ແລະ ກຳປູເຈຍ ໃນການແຂ່ງຂັນບານເຕະ ຊຸຊຸກິ ຄັບ 2018 ( AFF SUZUKI CUP 2018 ) ທີ່ປະເທດອິນໂດເນເຊຍ ເປັນເຈົ້າພາບລະຫວ່າງວັນທີ 8-25 ພະຈິກ 2018.

 

ແນ່ນອກຫຼາຍຄົນຍັງສົງໄສວ່າ ຜົນຂອງຈັບສະຫຼາກປະກົດວ່າ: ກຸ່ມ ເອ ປະກອບມີ ຫວຽດນາມ, ມາເລເຊຍ, ມຽນມາ, ກຳປູເຈຍ ແລະ ລາວ, ສ່ວນກຸ່ມ ບີ ໄທ, ອິນໂດເນເຊຍ, ຟິລິບປິນ, ສິງກະໂປ ແລະ ທີມຊະນະຈາກຮອບຄັດເລືອກ ( ບຣູໄນ ຫຼື ຕີມໍ ເລສເຕ ), ເຊິ່ງລວມແລ້ວທີມທີ່ຈະໄປແຂ່ງຂັນຮອບສຸດທ້າຍແມ່ນ 10 ທີມ, ແຕ່ອີກ 2 ທີມໄປໃສ ເພາະຊາດສະມາຊິກອາຊຽນ ມີ 12 ທີມ. ດັ່ງນັ້ນ, ມື້ນີ້ແອັດມິນນົກ ຂາປະຈໍາລາວ ອັບເດດມີຄໍາຕອບມາບອກ.

ເຫດຜົນທີ່ມີ 10 ທີມນັ້ນ ກໍ່ຍ້ອນວ່າ ການແຂ່ງຂັນໃນຄັ້ງນີ້ ໄດ້ມີການປ່ຽນແປງຮູບແບບການແຂ່ງຂັນໃໝ່ ໂດຍໃນຮອບແບ່ງກຸ່ມມີ 2 ກຸ່ມ, ກຸ່ມລະ 5 ທີມ, ເຊິ່ງແຕ່ລະທີມຈະໄດ້ເປັນເຈົ້າພາບ 2 ນັດ ແລະ ເປັນທີມຢາມ 2 ນັດ ເພື່ອຫາທີມທີ່ເປັນແຊັມກຸ່ມ ແລະ ຮອງແຊັມກຸ່ມຜ່ານເຂົ້າຮອບຮອງຊະນະເລີດ.

ເຊິ່ງອີກປະເດັນທີ່ສໍາຄັນຄື ປັດຈຸບັນ ປະເທດທີ່ເປັນສະມາຊິກຂອງ ສະຫະພັນບານເຕະອາຊຽນ ປະກອບມີ 12 ຊາດໄດ້ແກ່ ໄທ, ອິນໂດເນເຊຍ, ມາເລເຊຍ, ຫວຽດນາມ, ສິງກະໂປ, ຟິລິບປິນ, ມຽນມາ, ລາວ, ກໍາປູເຈຍ, ບຣູໄນ, ຕິມໍ ເລັສເຕ ແລະ ອົດສະຕຣາລີ.

 

ອີງຕາມຮູບແບບການແຂ່ງຂັນໃໝ່ແລ້ວນັ້ນ ຈິ່ງເຮັດໃຫ້ຕ້ອງມີການຄັດເລືອກໃຫ້ເຫຼືອ 10 ທີມສຸດທ້າຍ, ເຊິ່ງຕາມການຈັດອັນດັບການແຂ່ງຂັນເມື່ອປີ 2016 ເຮັດໃຫ້ ຕິມໍ ກັບ ບຣູໄນ ຄື 2 ທີມທີ່ອັນດັບສຸດທ້າຍ ຈະຕ້ອງໄປແຂ່ງຂັນກັນໃນແບບໃນບ້ານ-ນອກບ້ານ ລະຫວ່າງວັນທີ 3-11 ກັນຍາ 2018 ເພື່ອຫາທີມຊະນະເຂົ້າໄປຫຼິ້ນໃນຮອບສຸດທ້າຍກັບອີກ 9 ທີມ.

 

ສ່ວນ ອົດສະຕຣາລີ ເປັນອີກທີມໜຶ່ງໃນສະມາຊິກຂອງ ສະຫະພັນບານເຕະອາຊຽນ ໄດ້ຕອບປະຕິເສດບໍ່ສົ່ງທີມເຂົ້າຮ່ວມການແຂ່ງຂັນບານເຕະຊີງແຊັມອາຊຽນ 2018.

LEAVE A REPLY

Please enter your comment!
Please enter your name here