ຍັງໄດ້ປຽບຢູ່! ສາວລາວ ຢູ 16 ເສຍໃຫ້ ໄທ 0-1 ເຮັດໃຫ້ນັດສຸດທ້າຍຂໍພຽງສະເໝີ ອິນໂດເນເຊຍ ເຂົ້າຮອບທັນທີ

0
22

ທີມຊາດບານເຕະຍິງ ທີມຊາດລາວ ຮຸ່ນອາຍຸບໍ່ເກີນ 16 ປີ ເຖິງຈະເສຍໃຫ້ກັບ ທີມຊາດໄທ 0-1 ໃນການແຂ່ງຂັນບານເຕະຍິງ ຊີງແຊ້ມອາຊຽນ 2018 ຮຸ່ນອາຍຸບໍ່ເກີນ 16 ປີ ໃນວັນທີ 4 ພຶດສະພາ ທີ່ຜ່ານ, ແຕ່ກໍ່ຍັງໄດ້ຢູ່ໃນນັດສຸດທ້າຍທີ່ຕ້ອງວັດເຂົ້າຮອບກັບ ອິນໂດເນເຊຍ ຂໍພຽງສະເໝີກໍ່ເຂົ້າຮອບທັນທີ.

ເນື່ອງຈາກປັດຈຸບັນທີມໃນກຸ່ມ ບີ ລົງແຂ່ງຂັນ 2 ນັດເທົ່າກັນປະກົດວ່າ ໄທ ຢຶດທີມນໍາຈາກການຊະນະ 2 ນັດລວດ, ສ່ວນ ລາວ ກັບ ອິນໂດເນເຊຍ ມີ 3 ຄະແນນເທົ່າກັນ, ແຕ່ທີມຊາດລາວ ມ່ີປະຕູໄດ້ເສຍດີກວ່າ ເຮັດໃຫ້ນັດສຸດທ້າຍທີ່ຈະພົບກັນ ທີມຊາດລາວ ໄດ້ປຽບ ເພາະຂໍພຽງສະເໝີກໍ່ເຂົ້າຮອບທັນທີ, ສ່ວນ ກໍາປູເຈຍ ລົງ 2 ນັດເສຍ 2 ນັດຕົກຮອບເປັນທີມທໍາອິດ.

ເຊິ່ງຕາຕະລາງ ການແຂ່ງຂັນ ທີມຊາດລາວ ນັດຕໍ່ໄປມີດັ່ງ
– ວັນທີ 06/05/2018 ເວລາ 16:00 ລາວ ພົບ ອິນໂດເນເຊຍ ແຂ່ງຂັນຢູ່ທີ່ສະຫນາມ ATHLETIC JAKA BARLING 1.


ສໍາລັບ ການແຂ່ງຂັນບານເຕະຍິງ ຊີງແຊ້ມອາຊຽນ ຮຸ່ນອາຍຸບໍ່ເກີນ 16 ປີ ມີທີມເຂົ້າຮ່ວມທັງຫມົດ 9 ປະເທດ ແບ່ງອອກເປັນ 2 ກຸ່ມ ຄື:
+ ກຸ່ມ ເອ : ຟີລິບປິນ, ມຽນມາ, ຫວຽດນາມ, ມາເລເຊຍ ແລະ ສິງກະໂປ.
+ ກຸ່ມ ບີ : ໄທ, ກຳປູເຈຍ, ລາວ ແລະ ອິນໂດເນເຊຍ ( ເຈົ້າພາບ )

PHOTO BY : LFF AND FA THAILAND

LEAVE A REPLY

Please enter your comment!
Please enter your name here