ອຸປະຕິເຫດເຈັບສາຫັດ 2 ລາຍຍ້ອນໝາແລ່ນຕັດໜ້າ

0
11

ໝາເປັນສັດລ້ຽງທີ່ຫຼາຍຄົນມັກ ແຕ່ກໍ່ເປັນອັນຕະລາຍຖ້າລ້ຽງປ່ອຍປະລະເລີຍໃຫ້ແລ່ນຕາມທ້ອງຖະໜົນ ເຮັດໃຫ້ຄົນອື່ນມີຄວາມສ່ຽງເຖິງສຸຂະພາບ ແລະຊີວິດ ດັ່ງເຫດການທີ່ເກີດຂຶ້ນໄລ່ເລ່ຍກັນມື້ຄືນນີ້ ຜູ້ຂັບຂີ່ສອງຄົນເຈັບສາຫັດຍ້ອນໝາແລ່ນຕັດໜ້າ, ສ່ວນໝາກໍ່ຕາຍຄາທີ່ທັງສອງໂຕ.

 

ເຫດການທີ1 ເກີດຂຶ້ນເວລາ00:05ນາທີຂອງ ວັນເສົາ ວັນທີ05/05/2018 ເຂດໜ້າມີນີມາກໂຊກໄຊ ບ້ານດົງນາໂຊກ ເມືອງສີໂຄດຕະບອງ ນະຄອນຫຼວງວຽງຈັນໜ່ວຍກູ້ໄພມູນນິທິຈີນໄດ້ອອກກວດສອບເຫດພົບເຫັນເປັນປະເພດລົດຈັກ 1 ຄັນແລະໝາທີ່ເປັນຕົ້ນເຫດ 1ໂຕ.

 

ຜູ້ບາດເຈັບຈຳນວນ1ຄົນເປັນເພດຊາຍ ອາການເບື້ອງຕົ້ນແມ່ນມີບາດແຜເປີດຢູ່ບໍລິເວນຄິ້ວ ປາກແຕກ, ຫົວແຕກແລະທະຫຼອກຕາມແຂນຂາດັ່ງນັ້ນໜ່ວຍກູ້ໄພມູນນິທິຈີນຈື່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງຜູ້ບາດເຈັບໄປໂຮງໝໍມະໂຫສົດ, ສ່ວນໝາແມ່ນຕາຍຄາທີ່.

ເຫດການທີ2 ເກີດຂຶ້ນເວລາໄລ່ເລ່ຍກັນກັບຄັ້ງທຳອິດເປັນ 01:41 ນາທີ ຂອງວັນເສົາ ວັນທີ05/05/2018 ໝາແລ່ນຕັດໜ້າລົດຈັກເຮັດໃຫ້ເສຍຫຼັກລົ້ມ ເຂດບ້ານວັດໄຕນ້ອຍ ເມືອງສີໂຄດຕະບອງ ນະຄອນຫຼວງວຽງຈັນ ໜ່ວຍກູ້ໄພມູນນິທິຈີນໄດ້ອອກກວດສອບເຫດພົບເຫັນເປັນປະເພດລົດຈັກ1ຄັນແລະສັດ1ໂຕ.

ຜູ້ບາດເຈັບ 1 ຄົນເປັນເພດຍິງ ອາການເບື້ອງຕົ້ນແມ່ນແໜ້ນໜ້າເອີກ, ກະທົບຫົວແລະທະຫຼອກຕາມແຂນຂາ-ໃບໜ້າ

ດັ່ງນັ້ນໜ່ວຍກູ້ໄພມູນນິທິຈີນຈື່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງຜູ້ບາດເຈັບໄປໂຮງໝໍມະໂຫສົດ.

LEAVE A REPLY

Please enter your comment!
Please enter your name here