ນີກອນໃຫ້ທຶນເພີ່ມທົບເທົ່ານັກສຶກສາ ມຂ ຜູ້ຮຽນດີ

0
21
????????????????????????????????????

ບໍລິສັດ ນິກອນ ໜຶ່ງໃນບໍລິສັດຍັກໃຫຍ່ຂອງຍີ່ປຸ່ນທີ່ມາຕັ້ງຖານການຜະລິດຢູ່ລາວ ແຖມຍັງມີແຜນການຈ້າງແຮງງານສັນຊາດລາວເປັນຫຼັກ ເຖິງຈະມາຕັ້ງບໍລິສັດໃໝ່ແຕ່ບໍລິສັດນີ້ໄດ້ໃຫ້ຄວາມສຳຄັນການຊ່ວຍເຫຼືອຄົນທ້ອງຖິ່ນ ໂດຍສະເພາະນັກຮຽນນັກສຶກສາທີ່ຈະເປັນກຳລັງແຮງຂອງຊາດໃນອະນາຄົດ ແລະປີນີ້ຈະເພີ່ມຈຳນວນຂຶ້ນ 3 ທົບເມື່ອທຽບໃສ່ 2017.

 

ຕາມແຫຼ່ງຂ່າວຈາກທ້ອງຖິ່ນໃຫ້ຮູ້ວ່າ: ສົກປີນີ້ NIKON-JICA ຍັງສືບຕໍ່ໃຫ້ທຶນການການສຶກສາແກ່ ມະຫາວິທະຍາໄລ ແຂວງສະຫວັນນະເຂດ(ມຂ) ໃນຈຳນວນທີ່ເພີ່ມຂຶ້ນ ໂດຍໃນສົກສຶກສາ 2017-2018 ມະຫາວິທະຍາໄລສະຫວັນນະເຂດ ປະກອບມີ 7 ຄະນະ, 1 ສູນໄອທີ ແລະຫຼັກສູດນານາຊາດ 1 ສາຂາ ທີ່ໄດ້ດຳເນີນການຮຽນ-ການສອນ ໃນ 36 ສາຂາວິຊາ, ມີນັກສຶກສາລວມທັງໝົດ ຈຳນວນ 4.577 ຄົນ ຍິງ 2.685 ຄົນ.

ໃນໄລຍະຜ່ານມາ, ບໍລິສັດ NIKON-JICA ໄດ້ໃຫ້ທຶນການສຶກສາແກ່ນັກສຶກສາຂອງ ມຂ ຜູ້ທີ່ມີມາດຖານ ແລະເງື່ອນໄຂໃນການຮຽນດີ-ຮຽນເກັ່ງ, ຄຸນສົມບັດດີ, ເຄື່ອນໄຫວກິດຈະກຳດີ ແລະມີມາດຖານເງື່ອນໄຂຄົບຖ້ວນຕາມທີ່ທາງຄະນະກຳມະການຮັບຜິດຊອບທຶນການສຶກສາຂອງ ມຂ ໄດ້ວາງໄວ້.

ໂດຍໃນສົກປີ 2016-2017 ບໍລິສັດ NIKON-JICA ໄດ້ໃຫ້ທຶນການສຶກສາແກ່ນັກສຶກສາ ມຂ ຈຳນວນ 10 ຄົນ ຍິງ 7 ຄົນ,ແຕ່ວ່າໃນປີນີ້ ບໍລິສັດ NIKON-JICA ໄດ້ເພີ່ມຈຳນວນນັກສຶກສາທີ່ຈະໄດ້ຮັບທຶນ ເປັນຈຳນວນ 40 ຄົນ ຍິງ 23 ຄົນ.
ພິທີມອບ-ຮັບທຶນການສຶກສາຈາກ ບໍລິສັດ NIKON-JICA ໃນປີນີ້ ໄດ້ຈັດຂຶ້ນໃນວັນທີ 2 ພຶດສະພາ 2018 ທີ່ຫ້ອງປະຊຸມຂອງ ມຂ ໂດຍການເປັນກຽດເຂົ້າຮ່ວມ ຂອງ ທ່ານ ບຸນປົງ ແກ້ວໂຣດົມ ອະທິການບໍດີ ມຂ, ທ່ານ ສຸລິຍົງ ໄຊໂກສີ ຮອງອະທິການບໍດີຝ່າຍບໍລິຫານ ແລະທ່ານ ໂປຊິຣາຣຸ ໂຢນິຢາມາ ຫົວໜ້າຫ້ອງການ ຕາງໜ້າອົງການໄຈກາ ປະຈຳ ສປປ ລາວ ແລະທ່ານ ທາເຄຊິ ນາໄກ ຜູ້ອຳນວຍການບໍລິສັດນີກອນລາວ ຈຳກັດກໍ່ໄດ້ເຂົ້າຮ່ວມ.

ບໍລິສັດ ນິກອນ ໄດ້ສ້າງໂຮງງານຢູ່ ສາທາລະນະລັດ ປະຊາທິປະໄຕ ປະຊາຊົນລາວ ທີ່ເຂດເສດຖະກິດພິເສດສະຫວັນເຊໂນ ເພື່ອປະກອບ ກ້ອງດີຈີຕອນ, ໂຮງງານດັ່ງກ່າວ ແມ່ນໄດ້ເລີ່ມ ທຳການຜະລິດ ໃນເດືອນຕຸລາ 2013.

LEAVE A REPLY

Please enter your comment!
Please enter your name here