ປະທານມູນນິທິຊ່ວຍເຫຼືອຄົນທຸກຍາກແຫ່ງ ສ ປ ປ ລາວແລະ ຄະນະ ລົງມອບເຄື່ອງລວມມູນຄ່າ ເກືອບ100 ລ້ານກີບໃຫ້ ໂຮງຮຽນສາມັນຊົນເຜົ່າ ແຂວງຄຳມ່ວນ

0
22

ທ່ານປ້າສີສະຫຼຽວ ທຳມະເທວາ ປະທານມູນນິທິຊ່ວຍເຫຼືອຄົນທຸກຍາກແຫ່ງ ສ ປ ປ ລາວ ແລະ ທ່ານປ້າພູທອນ ພູມສະຫວັນ ທີ່ ປຶກສາກິດຕິມະສັກ ພ້ອມຄະນະ ຮ່ວມກັບຄອບຄົວການນຳແຂວງ ຄຳມ່ວນ ໄດ້ລົງມອບເຄື່ອງຊວ່ຍເຫຼືອ ໃຫ້ແດ່ນ້ອງນັກຮຽນ ໂຮງຮຽນສາມັນຊົນເຜົ່າ ແຂວງຄຳມ່ວນ
ເຄື່ອງທີ່ນຳໄປມອບໃນຄັ້ງນີ້ ແມ່ນມູນນິທິຊ່ວຍເຫຼືອຄົນທຸກຍາກ ແຫ່ງ ສ ປ ປ ລາວ ໄດ້ຈາກການລະດົມນຳຜູ້ທີ່ມີຈິດໃຈສັດທາເປັນຕົ້ນແມ່ນໄດ້ຈາກ ວັດພະທາດເຊີນຊູນ ຈັງຫວັດສະກົນນະຄອນ ເປັນຕົ້ນແລະບໍລິສັດຫ້າງຮ້ານ ນັກທຸລະກິດ.

ເຄື່ອງຈຳນວນດັ່ງກ່າວມີຜ້າຫົ່ມ 300 ຜືນ, ອຸປະກອນການຮຽນ 400 ຊຸດ,  ເຂົ້າສານອາຫານແຫ້ງ ແລະເຄື່ອງອຸປະໂພກບໍລິໂພກ
ຈຳນວນໜຶ່ງລວມມູນຄ່າ 93.000.000 ກີບ.

ນອກນີ້ຍັງມີນັກທຸລະກິດຍິງແຂວງ ແລະ ບໍລິສັດ MCS ໄດ້ນຳເອົາເຄື່ອງອຸປະໂພກບໍລິໂພກ ເຂົ້າໜົມຈຳນວນໜຶ່ງມາຮ່ວມສົມທົບ ພ້ອມທັງເຄື່ອງກິລາ ບານເຕະ ບານສົ່ງ ກະຕໍ້ຫວາຍ ລວມມູນຄ່າ 4.000.000 ກີບ.

ການຊວ່ຍເຫຼືອໃນຄັ້ງນີ້ ກໍ່ເພື່ອເປັນສ່ວນໜຶ່ງໃນການຊຸກຍູ້ ຊ່ວຍເຫຼືອນ້ອງນັກຮຽນໂຮງຮຽນສາມັນຊົນເຜົ່າ ເພື່ອເປັນຂວັນກຳລັງໃຈໃຫ້ແກ່
ນ້ອງໆ ໃນການສຶກສາຮໍ່າຮຽນ ແລະ ຊ່ວຍທາງດ້ານຊີວິດການເປັນຢູ່ໃຫ້ດີຂຶ້ນ.

 

LEAVE A REPLY

Please enter your comment!
Please enter your name here