ຝຣັ່ງ, ອັງກິດ ແລະ ເຢຍລະມັນ ຢັ້ງຢືນຈະຮັກສາຂໍ້ຕົກລົງນິວເຄຼຍກັບອີຣານ ເຖິງອາເມລິກາຈະປະກາດຖອນ

0
15
French foreign minister Jean-Yves Le Drian, left, and his German counterpart Heiko Maas, take a stroll in front of Villa Borsig in Berlin, Monday, May 7, 2018. The foreign ministers of France and Germany say they will hold on to the nuclear agreement with Iran, regardless of the upcoming U.S. decision on whether to nix the deal. France's top diplomat, Jean-Yves Le Drian, says the three European countries that were part of the deal — France, Britain and Germany — are committed to maintaining it. (Ralf Hirschberger/dpa via AP)

(VOVWORLD) -ຝຣັ່ງ, ອັງກິດ ແລະ ເຢຍລະມັນ ປະກາດວ່າ ຈະຮັກສາຂໍ້ຕົກລົງນິວເຄຼຍກັບອີຣານ, ຖືນີ້ແມ່ນວິທີທີ່ດີທີ່ສຸດ ເພື່ອຫຼີກລ້ຽງຄວາມສ່ຽງການແຜ່ຂະຫຍາຍນິວເຄຼຍ, ບໍ່ຫົວຊາຕໍ່ການຕັດສິນຂອງອາເມລິກາ ທີ່ອາດຈະຖອນຕົວອອກຈາກຂໍ້ຕົກລົງດັ່ງກ່າວໃນວັນທີ 12 ພຶດສະພາ.

ກ່າວຄຳເຫັນຕໍ່ໜ້າສື່ມວນຊົນ ເມື່ອວັນທີ 07 ພຶດສະພາ ທີ່ ແບກແລງ, ປະເທດເຢຍລະມັນ, ທ່ານລັດຖະມົນຕີການຕ່າງປະເທດ ຝຣັ່ງ Jean – Yves Le Drian ຢັ້ງຢືນວ່າ: “ພວກຂ້າພະເຈົ້າຕັດສິນໃຈຈະກອບກູ້ເອົາຂໍ້ຕົກລົງເຫຼົ່ານັ້ນ  ເພາະເອກະສານສະບັບນີ້ຈະຊ່ວຍໃຫ້ໂລກຫຼີກລ້ຽງໄດ້ຄວາມສ່ຽງການແຜ່ຂະຫຍາຍນິວເຄຼຍໄດ້ ແລະ ພ້ອມທັງແມ່ນວິທີການທີ່ຖືກຕ້ອງ ເພື່ອສະກັດກັ້ນອີຣານມີກຳມະສິດອາວຸດນິວເຄຼຍ”.

ເມື່ອເຕື້ອງເຖິງຂໍ້ຕົກລົງທີ່ມີຊື່ເອີ້ນເປັນທາງການວ່າ ແຜນການເຄື່ອນໄຫວລວມຮອບດ້ານ (JCPOA) ນີ້, ເຢຍລະມັນຖືວ່າ ບໍ່ມີເຫດຜົນໃດ ເພື່ອຢຸດຕິຂໍ້ຕົກລົງນິວເຄຼຍ ທີ່ອີຣານໄດ້ລົງນາມກັບກຸ່່ມ P5+1 (ລວມມີ 05 ປະເທດ ເຊິ່ງແມ່ນກຳມະການປະຈຳສະພາຄວາມໝັ້ນຄົງສະຫະປະຊາຊາດ ແລະ ເຢຍລະມັນ) ແລະ ຈະມານະພະຍາຍາມຈົນສຸດຄວາມສາມາດເພື່ອສືບຕໍ່ຮັກສາ JCPOA ໄວ້.

ທ່ານປະທານາທິບໍດີ ຝຣັ່ງ Emmanuel Macron ໄດ້ກ່າວເຕືອນຄວາມສ່ຽງເກີດໄພສົງຄາມ ຖ້າຫາກທ່ານປະທານາທິບໍດີ ອາເມລິກາ Donald Trump ຖອນຕົວອອກຈາກຂໍ້ຕົກລົງນິວເຄຼຍຊຶ່ງ ອີຣານ ໄດ້ລົງນາມກັບກຸ່ມ P5+1 ເມື່ອປີ 2015 (ລວມມີ 5 ປະເທດເປັນກຳມະການປະຈຳສະພາຄວາມໝັ້ນຄົງສະຫະປະຊາຊາດຄື ຈີນ, ຝຣັ່ງ, ລັດເຊຍ, ອັງກິດ, ອາເມລິກາ ແລະ ເຢຍລະມັນ).

LEAVE A REPLY

Please enter your comment!
Please enter your name here