ເຊີນຊວນຜູ້ໃຈບຸນທັງຫລາຍໃນສັງຄົມ ປະກອບສ່ວນຊ່ວຍເຫລືອຜູ້ປະສົບອັກຄີໄພ ທີ່ບ້ານ ສັນແຟນ ເມືອງຄຳ ແຂວງຊຽງຂວາງ

0
39

ອີງຕາມໜັງສືສະເໜີຈາກຫ້ອງການແຮງງານ ແລະ ສະຫວັດດີການສັງຄົມເມືອງຄຳແຂວງຊຽງຂວາງເລກທີ່ 115ຮສສມ ລົງວັນທີ່ 9 ພຶດສະພາ 2018 ວ່າດ້ວຍຂໍການຊ່ວຍເຫລືອວັດຖຸສິ່ງຂອງທີ່ຈຳເປັນໃຫ້ກັບ 32 ຄອບຄົວປະຊາຊົນບ້ານ ສັນແຟນ ເມືອງຄຳ ແຂວງຊຽງຂວາງທີ່ຖືກເຄາະຮ້າຍອັກຄີໄພ(ໄຟໃໝ້ເຮືອນ) ໃນຄັ້ງວັນທີ່ 7 ພຶດສະພາ 2018 ທີ່ຜ່ານມາ.

ຄລິບສະພາບ ຄວາມເສຍຫາຍ ໄຟໄໝ້ ເຮືອນປະຊາຊົນ ທີ່ບ້ານສັນແຟນ ເມືອງຄຳ ແຂວງຄຳມ່ວນວັນທີ 7 ພຶດສະພາ 2018ຮ່ວມບໍລິຈາກ ? https://www.facebook.com/tholakhong/posts/1973547676010228

Posted by Xiengkhouang Update on Tuesday, 8 May 2018

ໃນນາມສະມາຄົມອາສາກູ້ໄພນະຄອນຫລວງວຽງຈັນ ເປັນພາກສ່ວນໜຶ່ງທີ່ໄດ້ຮັບຄວາມໄວ້ວາງໃຈຈາກພາກສ່ວນທີ່ກ່ຽວຂ້ອງໃຫ້ເປັນສື່ກາງໃນການລະດົມວັດຖຸອຸປະກອນຕ່າງໆຈາກຜູ້ໃຈບຸນທັງຫລາຍໃນສັງຄົມເພື່ອນຳໄປສົມທົບຊ່ວຍເຫລືອປະຊາຊົນໃນໝູ່ບ້ານທີ່ກ່າວມານັ້ນ.

ພວກຂ້າພະເຈົ້າຈຶ່ງຂໍຖືໂອກາດນີ້ແຈ້ງຂ່າວມາຍັງບັນດາທ່ານຜູ້ໃຈບຸນທັງຫລາຍທີ່ຢາກປະກອບສ່ວນຊ່ວຍເຫລືອສັງຄົມໃນຄັ້ງນີ້ແມ່ນສາມາດມາສົບທົບການຊ່ວຍເຫລືອຂອງທ່ານໄດ້ທີ່ສະມາຄົມອາສາກູ້ໄພນະຄອນຫລວງວຽງຈັນ ບ້ານ ໂພນພະເນົາ ເມືອງ ໄຊເຊດຖາ  ນະຄອນຫລວງວຽງຈັນ, ໂທ : 1624.

ເຄື່ອງຂອງທີ່ຕ້ອງການແມ່ນໄດ້ແກ່ : ເຄື່ອງອຸປະໂພກບໍລິໂພກ, ເຂົ້າສານອາຫານແຫ້ງ, ອຸປະກອນການສຶກສາ, ເຄື່ອງນຸ່ງຫົ່ມ, ເຄື່ອງໃຊ້ໃນຄົວເຮືອນ ແລະ ອື່ນໆທີ່ທ່ານສາມາດຊ່ວຍໄດ້; ໃນທີ່ນີ້ຂໍແຈ້ງໃຫ້ຊາບວ່າສະມາຄົມອາສາກູ້ໄພນະຄອນຫລວງວຽງຈັນຈະໄດ້ເດີນທາງໄປມອບເຄື່ອງຊ່ວຍເຫລືອທັງໝົດໃຫ້ກັບປະຊາຊົນທີ່ປະສົບໄພໃນວັນເສົາ ເວລາ 02:00 ໂມງກາງຄືນຂອງວັນທີ່ 12 ພຶດສະພາ 2018 ທີ່ຈະມາເຖິງນີ້ພ້ອມກັບທຸກພາກສ່ວນທີ່ໄປຊ່ວຍເຫຼືອຄືກັນ.

ດັ່ງນັ້ນ ສະມາຄົມອາສາກູ້ໄພນະຄອນຫລວງວຽງຈັນ ແລະ ໜ່ວຍຊ່ວຍເຫຼືອໄພທຸກຍາກ ແລະ ດ້ອຍອານາຖາ1624 ຈື່ງແຈ້ງໃຫ້ທ່ານຜູ້ໃຈບຸນທັງຫຼາຍໄດ້ຮັບຊາບ ຫຼື ທ່ານຍາກຊ່ວຍເຫຼືອຮ່ວມກັບພວກເຮົາສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK010120000993902001
ເບີໂທສອບຖາມຂໍ້ມູນຕິດຕໍ່ 020 2244 1624,020 5885 7373,020 23449090.

LEAVE A REPLY

Please enter your comment!
Please enter your name here