ປີແຫ່ງຄວາມຫວັງຂອງ ພິທັກ ຊ່ວຍທີມຊາດ-ຕົ້ນສັງກັດ ຊະນະໄດ້ແລ້ວ

0
30
ພິທັກ

ຄວາມພະຍາຍາມຢູ່ໄສ ຄວາມສໍາເລັດຢູ່ທີ່ນັ້ນຄໍານີ້ເປັນຈິງ ເມື່ອ ພິທັກ ກອງມາທິລາດ ກອງກາງຄວາມຫວັງຂອງ ທີມຊາດລາວ ກັບ ກອງທັບ ເອັຟຊີ ສາມາດພາທີມຊະນະເປັນແລ້ວໃນປີນີ້ ຫຼັງພາ ກອງທັບ ເອັຟຊີ ພິກສະຖານະການເອົາຊະນະ ປກສ ເອັຟຊີ 3-2 ໃນບານເຕະ ເປບຊີ ພຣີເມຍລີກ ເມື່ອວັນທີ 9 ພຶດສະພາ ທີ່ຜ່ານມາ.

ການແຂ່ງຂັນບານເຕະ ເປບຊີ ລາວພຣີເມຍລີກ 2018 ນັດຕົກຄ້າງ ຈັດຂຶ້ນເມື່ອວັນພຸດ 9 ພຶດສະພາ 2018 ປກສ ເອັຟຊີ ໄດ້ປະຕູຂຶ້ນນໍາກ່ອນ 1-0 ຈາກການຍິງຂອງ ຈິ່ວ ນົນມະນີ ນາທີໆ 17, ແຕ່ຫຼັງຈາກນັ້ນ ກອງທັບ ເອັຟຊີ ມາໄດ້ 3 ປະຕູລວດ ຈາກການຍິງຂອງ ພິທັກ ນາທີໆ 58 ກັບ 82 ແລະ ອີກປະຕູໄດ້ຈາກ ສຸກສະຫວັນ ໄຊຍະລິນ ນາທີໆ 52, ກ່ອນທີ່ ປກສ ຈະມາໄດ້ປະຕູໄລ່ມາເປັນ 2-3 ຈາກການຍິງຂອງ ຕີ່ນີ່ ບຸນມາໄລ ນາທີໆ 89.

ຈາກຜົນດັ່ງກ່າວ ສົ່ງຜົນໃຫ້ ພິທັກ ພາທີມຊະນະໄດ້ແລ້ວທັງໃນນາມທີມຊາດ ແລະ ສະໂມສອນ ເພາະກ່ອນໜ້ານີ້ຍິງ 3 ປະຕູໃນລາຍການແຂ່ງຂັນບານເຕະຊີງຂັນເຈົ້າຊີວິດ ບຣູໄນ ເມື່ອທ້າຍເດືອນເມສາ ທີ່ຜ່ານມາ ຈົນຊ່ວຍໃຫ້ ທີມຊາດລາວ ຢູ 21 ຊະນະຈົນໄດ້ ໃນນັດທີ່ຊະນະ ກໍາປູເຈຍ 2-1 ແລະ ຫຼ້າສຸດ ກໍ່ຕົ້ນສັງກັດ ກອງທັບ ເອັຟຊີ ຊະນະເປັນເຊັ່ນດຽວກັນ ຈາກການລົງສະໜາມ 7 ນັດຊະນະ 1, ສະເໝີ 4 ແລະ ເສຍ 2 ນັດ ເກັບເພີ່ມເປັນ 7 ຄະແນນເລື່ອນຈາກອັນດັບທ້າຍຂອງຕາຕະລາງ ຂຶ້ນມາຢູ່ທີ 4 ຂອງຕາຕະລາງທັນທີ.

LEAVE A REPLY

Please enter your comment!
Please enter your name here