ບານໂລກຂາດນັກເຕະປະສົບການອີກຄົນ! ອັລເວສ ເຈັບໜັກໝົດສິດຊ່ວຍ ບຣາຊິລ

0
10


ດານີ ອັລເວສ ກອງຫຼັງຕົວເກັ່ງຂອງ ປາຣີສ ແຊງແຊກແມງ ໝົດສິດຊ່ວຍທີມຊາດບຣາຊິລ ໃນການແຂ່ງຂັນບານໂລກ 2018 ຮອບສຸດທ້າຍ ທີ່ປະເທດຣັດເຊຍ ເປັນທີ່ແນ່ນອນແລ້ວ ເນື່ອງຈາກບັນຫາບາດເຈັບທີ່ຫົວເຂົ່າຂວາ ຕາມການລາຍງານຈາກ ໂກລດອດຄອມ ໃນວັນສຸກທີ 11 ພຶດສະພາ 2018.


ດາວຍິງອາຍຸ 35 ປີໄດ້ຮັບບາດເຈັບຈາກ ເຟຣນ ຄັບ ຮອບຊີງຊະນະເລີດ ນັດທີ່ ປາຣີສ ເອົາຊະນະ ເລສ໌ ແຊກບິເຢ 2-0 ເມື່ອວັນອັງຄານທີ 8 ພຶດສະພາ 2018 ແລະ ເຂົາຮັບການຜ່າຕັດທັນທີໃນວັນຕໍ່ມາ.


ເຊິ່ງຕອນທໍາອິດຄາດກັນວ່າ ອັລເວສ ໜ້າຈະຫາຍທັນກັບມາຊ່ວຍທີມຊາດ, ແຕ່ຫຼ້າສຸດ ໂຣດຣິໂກ ລາສມາ ແພດປະຈໍາທີມແຊ້ມໂລກ 5 ສະໄໝ ທີ່ເດີນທາງເຊັກອາການຂອງນັກເຕະ ເຖິງນະຄອນຫຼວງປາຣີສ ໂດຍຢືນຢັນວ່າ ອັລເວສ ຈະກັບມາບໍ່ທັນແນ່ນອນແລ້ວ.


ທັງນີ້, ອັລເວສ ລົງຫຼິ້ນໃຫ້ກັບທີມຊາດບຣາຊິນ ໄປແລ້ວ 107 ນັດ ຍິິງໄດ້ 7 ປະຕູ ນັບຕັ້ງແຕ່ລົງຫຼິ້ນນັດທໍາອິດ ເມື່ອປີ 2006.

LEAVE A REPLY

Please enter your comment!
Please enter your name here