ລັດເຊຍ,ເຢຍລະມັນ,ອັງກິດຮຽກຮ້ອງໃຫ້ອີຣານແລະອິດສະຣາແອນຫຼີກລຽງເຮັດໃຫ້ເກີດການປະທະກັນ

0
14

(VOVWORLD) -ວັນທີ 10 ພຶດສະພາ, ທ່ານລັດຖະມົນຕີການຕ່າງປະເທດລັດເຊຍ Sergei Lavrov ໄດ້ຮຽກຮ້ອງໃຫ້ອິດສະຣາແອນ ແລະ ອີຣານ ເຈລະຈາ ພາຍຫຼັງເຫດບຸກໂຈມຕີຂອງອິດສະຣາແອນ ແນໃສ່ບັນດາເປົ້າໝາຍຂອງອີຣານ ຢູ່ຊີຣີ ໄດ້ເປັນຂີດໝາຍເຮັດໃຫ້ຄວາມເຄັ່ງຕຶງລະຫວ່າງ 2 ປະເທດທີ່ເປັນປໍລະປັກກັນປີນຂັ້ນໄດຂຶ້ນອີກ.

ງຫ

ທ່ານລັດຖະມົນຕີການຕ່າງປະເທດລັດເຊຍ ກ່າວຄຳເຫັນຕໍ່ວົງການນັກຂ່າວຢູ່ນະຄອນຫຼວງມົດສະກູ  ໂດຍການເຂົ້າຮ່ວມຂອງທ່ານລັດຖະມົນຕີການຕ່າງປະເທດເຢຍລະມັນ ທ່ານເນັ້ນໜັກວ່າ: ບັນດາບັນຫາທັງໝົດຄວນໄດ້ຮັບການແກ້ໄຂຜ່ານການເຈລະຈາ, ພ້ອມທັງກະຕຸກຊຸກຍູ້ໃຫ້ອິດສະຣາແອນ ແລະ ອີຣານ ຫຼີກລ້ຽງບັນດາການກະທຳອາດຈະເຮັດໃຫ້ການປະທະກັນປີນຂັ້ນໄດ.

ສ່ວນທ່ານນາງນາຍົກລັດຖະມົນຕີເຢຍລະມັນ Angela Merkel ໄດ້ກ່າວເຕືອນວ່າ ການປີນຂັ້ນໄດຂອງບັນດາການກະທຳທີ່ເປັນປໍລະປັກກັນຫຼ້າສຸດຢູ່ຕາເວັນອອກກາງ ທີ່ກ່ຽວຂ້ອງເຖິງອີຣານ ແລະ ອິດສະຣາແອນ ແມ່ນບັນຫາກ່ຽວກັບ “ສົງຄາມ ແລະ ສັນຕິພາບ” ຢູ່ພາກພື້ນນີ້.

ໂດຍມີທັດສະນະດຽວກັນຄືດັ່ງກ່າວ, ໂຄສົກຂອງທ່ານນາງນາຍົກລັດຖະມົນຕີອັງກິດ Theresa May ກໍ່ສະແດງຄວາມວິຕົກກັງວົນກ່ຽວກັບສະພາບຄວາມເຄັ່ງຕຶງລະຫວ່າງອີຣານ ແລະ ອິດສະຣາແອນ, ພ້ອມທັງຮຽກຮ້ອງໃຫ້ລັດເຊຍ ນຳໃຊ້ຜົນສະທ້ອນຂອງຕົນຢູ່ຊີຣີ ເພື່ອສະກັດກັ້ນບໍ່ວ່າການເຄື່ອນໄຫວບຸກໂຈມຕີ ຄັ້ງຕໍ່ໆໄປຂອງອີຣານ ແນໃສ່ອິດສະຣາແອນ.

LEAVE A REPLY

Please enter your comment!
Please enter your name here