ໂຫດແທ້ ຂີ່ບີກໄບຍັງຊີງຊັບຄົນອື່ນ

0
11

ຕາມທຳມະດາຄົນທີ່ຂີ່ບີກໄບຈະເປັນຄົນທີ່ເງິນທອງເຫຼືອໃຊ້ ເຫຼືອຈ່າຍຊື້ມາຂີ່ຫຼິ້ນກັນພໍມ່ວນ ແຕ່ລາຍນີ້ກໍ່ຂີ່ບີກໄບຄືກັນ ຫາກວ່າເປັນໂຈນດຶງສາຍຄໍ ແບບນີ້ບໍ່ຈັກອະທິບາຍບອກໄດ້ພຽງຍິ່ງມີຍິ່ງຢາກໃຫ້ມີ ຫາເອງບໍ່ພໍຕ້ອງຊີງຕ້ອງລັກມາເສີມ ເອົາເປັນວ່າຜູ້ທີ່ມີເງິນຄຳຫຼາຍກໍ່ລະວັງກັນໄວ້ຢ່າຖືເປີດແປນເພື່ອບໍ່ໃຫ້ເກີດອັນຕະລາຍເຖິງຕົວ.

ເຫດເກີດຂຶ້ນມື້ນີ້ ວັນທີ 13/05/2018 ເວລາປະມານ 10:45 ໂມງເຊົ້າ ເບື້ອງຕົ້ນບໍ່ຮູ້ວ່າເປັນໂຈນຮູ້ພຽງວ່າເປັນລົດລ່ວງໄຟແດງແລ້ວເກີດອຸປະຕິເຫດໄປຕຳເອົາລົດເກັງ ທີ່ໄຟແດງສະໜາມບິນສາກົນວັດໄຕ, ນະຄອນຫຼວງວຽງຈັນຕໍ່ມາຈິ່ງໄດ້ຍິນຈາກການບອກເລົ່າມາວ່າ ຄົນຂັບລົດຈັກແມ່ນ ໄດ້ກໍ່ເຫດດຶງສາຍຄໍມາຈາກແຖວທົ່ງຂັນຄຳ ແລະມີຮອຍລູກປືນ 1 ນັດ ຖືກຍິງຢູ່ທີ່ຂາຊ້າຍຂອງຜູ້ກ່ຽວ ຈິ່ງຟ້າວຫນີຕາຍຍ້ອນໄປກໍ່ເຫດມາ ແຕ່ກໍ່ມາເກີດອຸປະຕິເຫດຊ້ຳ.

ຖ້າເຫດການນີ້ຜູ້ປະສົບອຸປະຕິເຫດ ເປັນໂຈນແທ້ກໍ່ຖືວ່າເປັນຄວາມໂຊກຮ້າຍຂອງເຂົ້າຂອງສາຍຄໍ ແລະກໍ່ເປັນຄວາມໂຊກດີຂອງຄົນອີກຫຼາຍຄົນທີ່ຈະຕົກເປັນເຫຍື່ອ ຖ້າໂຈນອັນຕະລາຍຖືກຈັບເຂົ້າຄຸກໂດຍບໍ່ເສຍແຮງໄລ່ລ່າ.

LEAVE A REPLY

Please enter your comment!
Please enter your name here