ໜ້າລຸ້ນ! ເຈ້ ໂບ ປະກົດຕົວທີ່ ມາສເຕີ 7 ມີສິດເປັນສ່ວນໜຶ່ງຂອງທີມລຸຍລາວລີກ ນັດທີ່ເຫຼືອ

0
94


ມີເລື່ອງທີ່ໜ້າຈັບຕາ ແລະ ເປັນເລື່ອງທີ່ຢາກໄດ້ຄໍາຕອບໄວໆ ສໍາລັບ ສາວພິຈິກາ ບຸນກວ້າງ ( ເຈ້ ໂບ ) ປະທານສະໂມສອນ ນະຄອນຫຼວງ ຢູໄນເຕັດ ຊຸດລຸຍບານເຕະສາຍ ກ 2018 ປະກົດຕົວທີ່ ສະໂມສອນມາສເຕີ 7 ສະໂມສອນນ້ອງໃໝ່ອງຂອງ ລາວພຣີເມຍລີກ.


ເຈ້ໂບ ໄດ້ຖືກຮັບເຊິນໄປຮ່ວມງານເຊັນສັນຍານັກເຕະໃໝ່ຂອງສະໂມສອນ ມາສເຕີ 7 ແລະ ໄດ້ມີໂອກາດໄດ້ເລົ່າເລື່ອງລາວວ່າ: ກວ່າຈະມີທີມ ເຮັດຈັງໃດ ເຈີປັນຫາຫຍັງແນ່ ແລະ ຜ່ານປັນຫາມາໄດ້ແນວໃດ ເຊິ່ງກໍ່ໄດ້ຮັບການຕ້ອນຮັບຢ່າງດີຈາກແຟນບານ ແລະ ນັກເຕະຂອງ ສະໂມສອນ ມາສເຕີ 7.


ຢ່າງໃດກໍ່ຕາມ, ຫຼັງຈົບພິທີໄດ້ມີແຫຼ່ງຂ່າວວົງໃນ ບອກຕໍ່ ແອັດມິນນົກ ຂາປະຈໍາລາວອັບເດດ ວ່າ: ເຈ້ ໂບ ກຽມເປັນສ່ວນໜຶ່ງຂອງ ມາສເຕີ 7 ໃນການນໍາທີມລຸຍ ເປບຊີ ລາວພຣີເມຍລີກ 2018 ໃນນັດທີ່ເຫຼືອ ຫຼື ຮອບຂາກັບ, ເຊິ່ງປັດຈຸບັນກໍາລັງພິຈາລະນາລາຍລະອຽດ.


ຖ້າວ່າເປັນເລື່ອງ ຈິງກໍ່ຈະເຮັດໃຫ້ຄວາມຝັນຂອງ ເຈ້ໂບ ເປັນຈິງ ເພາະເປບຊີ ລາວພຣີເມຍລີກ 2018 ເຈ້ໂບ ກຽມທີມບໍ່ທັນຈິ່ງບໍ່ສາມາດພາ ນະຄອນຫຼວງ ຢູໄນເຕັດ ເຂົ້າຮ່ວມລີກສູງສຸດຂອງ ສປປ ລາວ ລວມທັງຈະເຮັດໃຫ້ ເຈ້ມີເຖິງ 2 ທີມກໍ່ເປັນໄດ້ ເພາະເປັນທີ່ແນ່ນອນແລ້ວວ່າ ເຈ້ຈະນໍາ ນະຄອນຫຼວງ ຢູໄນເຕັດ ລ່າແຊ້ມບານເຕະສາຍ ກ 2018 ທີ່ຈະເປີດສາກຂຶ້ນໃນໄວໆນີ້.


ຢ່າງໃດກໍ່ຕາມ ກໍ່ຝາກປະເດັນນີ້ເຖິງເຈ້ກະແລ້ວກັນວ່າ ຂ່າວນີ້ເປັນຈິງບໍ ແລະ ມີລາຍລະອຽດແນວໃດ ເພື່ອຕອບແຟນບານໃນບົດໜ້າ.

LEAVE A REPLY

Please enter your comment!
Please enter your name here