ປາໂທ! ເຈົ້າຫນ້າທີ່ຢຶດໝູນ້ອຍແຊ່ແຂງ 136 ໂຕ ນຳເຂົ້າຜິດກົດໝາຍ… ຫາກກະຈ່າຍສູ່ຕະຫຼາດຈັກຊິເປັນແນວໃດ

0
361

 

ອີງຕາມການລາຍງານຂອງໜັງສືພິມຄວາມສະຫງົບໃຫ້ຮູ້ວ່າ: ໃນວັນທີ 15 ພຶດສະພາ 2018, ກົມຕໍາຫຼວດສິ່ງແວດລ້ອມ ກົມໃຫຍ່ຕຳຫຼວດ ກະຊວງ ປກສ ກວດພົບໝູນ້ອຍ ແຊ່ແຂງຈໍານວນ 136 ໂຕ ທີ່ນຳເຂົ້າບໍ່ຖືກຕ້ອງ, ຢູ່ເຮືອນເຊົ່າຂອງ ນາງ ເລທິຢາງ ອາຍຸ 36 ປີ ສັນຊາດຫວຽດນາມ ພັກເຊົາຢູ່ບ້ານຄໍາສະຫວາດ ເມືອງໄຊເສດຖາ ນະຄອນຫຼວງວຽງຈັນ ໄປທໍາລາຍຖິ້ມ.

ພັທ ບຸນໄລ ສີຍາຮັກ ຫົວໜ້າຫ້ອງການ ກົມຕໍາຫຼວດສິ່ງແວດລ້ອມ ໄດ້ໃຫ້ຮູ້ວ່າ: ໃນວັນທີ 14 ພຶດສະພາ 2018 ໄດ້ຮັບແຫຼ່ງຂ່າວຈາກພົນລະເມືອງດີວ່າ ມີຄົນຫວຽດນາມ ຄ້າຂາຍໝູນ້ອຍບໍ່ຖືກຕ້ອງຢູ່ເຂດບ້ານຄໍາສະຫວາດ ເມືອງໄຊເສດຖາ ນະຄອນຫຼວງວຽງຈັນ. ຈາກນັ້ນ, ກົມຕໍາຫຼວດສິ່ງແວດລ້ອມ ຈຶ່ງໄດ້ລົງເກັບກໍາຂໍ້ມູນ ແລະ ກວດກາ ເຮືອນເຊົ່າຂອງ ນາງ ເລທິຢາງ ພົບໝູນ້ອຍແຊ່ແຂງ 92 ໂຕ ໜັກ 280 ກິໂລກຼາມ ແລະ ໝູນ້ອຍທີ່ຫໍ່ໄວ້ຈໍານວນ 44 ໂຕ ລວມເປັນ 136 ໂຕ; ຜ່ານການກວດກາຮ່ວມກັບພາກສ່ວນທີ່ກ່ຽວຂ້ອງ, ເຫັນວ່າຜົນກວດກາຊີ້ນໝູດັ່ງ ກ່າວແມ່ນມີສານເຄມີທີ່ສົ່ງຜົນກະທົບຕໍ່ຊີວິດ ແລະ ສຸຂະພາບຂອງຜູ້ບໍລິໂພກ ຈຶ່ງໄດ້ຢຶດເອົາໄປທໍາລາຍຖິ້ມ.

ພາບປະກອບຂ່າວຈາກອິນເຕີເນັດ

ສ່ວນນາງ ເລທິຢາງ ຖືກນຳຕົວໄປສຶກສາອົບຮົມ ແລ້ວເຮັດບົດບັນທຶກໄວ້ ເພື່ອເປັນຫຼັກຖານບໍ່ ໃຫ້ຜູ້ກ່ຽວກັບ ມາກະທໍາຜິດອີກ.

 

LEAVE A REPLY

Please enter your comment!
Please enter your name here