ຕາມຄາດສະຖິຕິໃໝ່ແຟນບານຫຼາຍທີ່ສຸດໃນປະຫວັດສາດລາວລີກເກີດຂຶ້ນໃນນັດ ຫຼວງພະບາງ ພົບ ປກສ

0
49


ຖືວ່າເປັນໄປຕາມຄາດ ເມື່ອອີງຕາມການລາຍງານຫຼ້າສຸດຂອງ ຫຼວງພະບາງ ຢູໄນເຕັດ ລະບຸວ່າ: ການແຂ່ງຂັນບານເຕະ ເປບຊີ ລາວພຣີເມຍລີກ 2018 ນັດລະຫວ່າງ ຫຼວງພະບາງ ຢູໄນເຕັດ ສະເໝີກັບ ລາວໂຕໂຢຕ້າ ເອັຟຊີ 1-1 ເມື່ອເດືອນທີ່ຜ່ານມາ ທີ່ສະໜາມແຂວງຫຼວງພະບາງ ມີຜູ້ຊົມເຂົ້າສະໜາມເຖິງ 4.200 ຄົນ, ຫຼ້າສຸດ ຄະນະຈັດການແຂ່ງຂັນລາຍງານ ນັດລະ ຫຼວງພະບາງ ສະເໝີກັບ ປກສ ເອັຟຊີ  2-2 ນັ້ນມີແຟນບານເຂົ້າຊົມເຖິງ 4.600 ຄົນ ເຮັດໃຫ້ເປັນນັດທີ່ມີແຟນບານເຂົ້າຊົມຫຼາຍທີ່ສຸດໃນປະຫວັດສາດ.

ກັບອົບອຸ່ນຮ່າງກາຍຂອງນັກເຕະ ຫຼວງພະບາງ ຢູໄນເຕັດ


ສະຖິຕິກ່ອນໜ້ານີ້ຕົກເປັນນັດລະຫວ່າງ ລາວໂຕໂຢຕ້າ ເອັຟຊີ ພົບກັບ ລ້ານຊ້າງ ຢູໄນເຕັດ ມີຜູ້ຊົມເຂົ້າສະໜາມເຖິງ 3.500 ຄົນ ທີ່ສະໜາມກິລາເຈົ້າອານຸວົງ ກ່ອນທີ່ ນັດລະຫວ່າງຫຼວງພະບາງ ຢູໄນເຕັດ ສະເໝີກັບ ລາວໂຕໂຢຕ້າ ເອັຟຊີ 1-1 ເມື່ອເດືອນທີ່ຜ່ານມາ ທີ່ສະໜາມແຂວງຫຼວງພະບາງ ມີຜູ້ຊົມເຂົ້າສະໜາມເຖິງ 4.200 ຄົນທໍາລາຍສະຖິຕິດັ່ງກ່າວ, ແຕ່ ຫຼ້າສຸດ ຄະນະຈັດການແຂ່ງຂັນລາຍງານນັດລະ ຫຼວງພະບາງ ສະເໝີກັບ ປກສ ເອັຟຊີ 2-2 ນັ້ນມີແຟນບານເຂົ້າຊົມເຖິງ 4.600 ຄົນ ເຮັດໃຫ້ເປັນນັດທີ່ມີແຟນບານເຂົ້າຊົມຫຼາຍທີ່ສຸດໃນປະຫວັດສາດ ແລະ ເປັນສະຖິຕິໃໝ່ປັດຈຸບັນ.


ນັດແຟນບານເຂົ້າຊົມຫຼາຍທີ່ສຸດຈັດຂຶ້ນໃນວັນທີ 17 ພຶດສະພາ ເວລາ 16:00 ໂມງ ຫຼວງພະບາງ ຢູໄນເຕັດ ຈະເປີດບ້ານນັດຕົກຄ້າງຮັບການມາຢາມຂອງ ປກສ ເອັຟຊີ ທີ່ສະໜາມແຂວງຫຼວງພະບາງ ປະກົດວ່າ:  ສະເໝີກັນ 2-2  ໂດຍ ຫລວງ​ພະ​ບາງ ໄດ​້​ປະ​ຕູ​ຈາກ : ເບີ 21 ADDA DJEZIRI ນາ​ທີ 41 ແລະ ເບີ 18 MIKAEL ANY ນາ​ທີ 69, ສ່ວນ ປກ​ສ ໄດ້​ປະ​ຕູ​ຈາກ : ເບີ 9 ສຸກ​ຈິ​ນ​ດາ ນັດ​ຜາ​ສຸກ ນາ​ທີ 10 ແລະ 84.

 

ຂອບໃຈຮູບຈາກ: ລາວພຣີເມຍລີກ

LEAVE A REPLY

Please enter your comment!
Please enter your name here