ຫົວພັນ ສະຫລອງແກ້ວຫຼັກເມືອງ ຄົົບຮອບ10 ປີ ຕິດພັນກັບປີທ່ອງທ່ຽວລາວ 2018

0
38


ໃນວັນທີ 18 ພຶດສະພານີ້ ແຂວງຫົວພັນໄດ້ຈັດພິທີສະເຫລີມສະຫລອງໜ່ວຍແກ້ວຫລັກເມືອງຄົບຮອບ 10 ປີ ທີ່ບໍລິເວນ ຫນ່ວຍແກ້ວຫລັກເມືອງ   ໂດຍມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີທ່ານ ວັນໄຊ ແພງຊຸມມາ ເຈົ້າແຂວງໆຫົວພັນ, ມີແຂກຖືກເຊີນ, ຕະຫຼອດຮອດຊາວແຂວງຫົວພັນເຂົ້າຮ່ວມ.

ຫນ່ວຍແກ້ວຫລັກເມືອງ ເມືອງຊຳເໜືອ ແຂວງຫົວພັນ ໄດ້ສຳເລັດການກໍ່ສ້າງໃນປີ 2008 ມາເຖິງປັດຈຸບັນ ຫນ່ວຍແກ້ວໄດ້ກາຍເປັນສັນຍາລັກຫນຶ່ງທີ່ສະແດງເຖິງຄວາມຮູ້ບຸນຄຸນ ຕໍ່ວິລະກຳອັນລ້ຳເລີດຂອງບັນພະບູລຸດ, ພະນັກງານນັກຮົບ ແລະ ປະຊາຊົນບັນດາເຜົ່າທີ່ໄດ້ເສຍສະຫລະຊີວິດ ເພື່ອຊາດ ເພື່ອຜືນແຜນດິນແຂວງຫົວພັນ ເປັນການຢັ້ງຢືນວ່າ ປະຊາຊົນບັນດາເຜົ່າທີ່ດຳລົງຊີວິດຢູ່ດິນແດນແຫ່ງນີ້ ມີມູນເຊື້ອຄວາມສາມັກຄີ ຮັກຫອມຕອມຕຸ້ມເປັນປຶກແຜ່ນແຫນ້ນຫນາ.

ມີວັດທະນະທຳ ຮີດຄອງປະເພນີ ຂະນົບທຳນຽມອັນດີງາມ ແລະ ມີນ້ຳໃຈເດັດດ່ຽວ ອົງອາດກ້າຫານ ຕໍ່ສູ້ບໍ່ຍອມຈຳນົນມາແຕ່ດຶກດຳບັນ, ດັ່ງຄຳຂວັນທີ່ໄດ້ບັນທຶກຢູ່ໃນເສົາຫນ່ວຍແກ້ວວ່າ: “ຢູ່ຮ່ວມກັນຢ່າງສັນຕິສຸກ ບຸກບືນສ້າງຄວາມຈະເລີນ ປົກຄອງບ້ານເມືອງດ້ວຍຄວາມຍຸຕິທຳ ນຳພາປະຊາຊົນຢູ່ເຢັນເປັນສຸກ”.

ການສະເຫລີມສະຫລອງຫນ່ວຍແກ້ວຄົບຮອບ 10 ປີຕິດພັນກັບການສົ່ງເສີມທ່ອງທ່ຽວລາວ ຄັ້ງນີ້ ມີຫລາຍກິດຈະກຳເຊັ່ນ: ການແຫ່ກອງບຸນ ແລະ ຕົ້ນກາລະພຶກຂອງພະແນກການ, ເມືອງ ແລະ ປະຊາຊົນອ້ອມຂ້າງເທສະບານແຂວງ, ງານຕະຫຼາດນັດ ແລະ ວາງສະແດງສິນຄ້າ, ເທສະການອາຫານ, ການສະແດງສິລະປະ, ແຂ່ງຂັນກິລາປະເພນີ, ຂີ່ລົດຖີບ, ຍ່າງມາລາທອນເພື່ອສຸຂະພາບ ແລະ ຂະບວນຄາລາວານລົດ ທ່ອງທ່ຽວຜາຖີ່.

LEAVE A REPLY

Please enter your comment!
Please enter your name here