ແແຕ່ງຕັ້ງທ່ານ ໝອນແກ້ວ ສີຫາວົງ ເປັນຜູ້ພິພາກສາປະຈຳສານປະຊາຊົນເຂດ I ຂອງແຂວງສະຫວັນນະເຂດ

0
10

ວັນທີ 14 ພຶດສະພາ 2018 ສານປະຊາຊົນແຂວງສະຫວັນນະເຂດ ໄດ້ຈັດພິທີປະກາດແຕ່ງຕັ້ງຜູ້ພິພາກສາປະຈຳເຂດ I ສານປະຊາຊົນແຂວງສະຫວັນນະເຂດຂຶ້ນ ຢູ່ທີ່ຫ້ອງປະຊຸມພະແນກແຜນການ ແລະການລົງທຶນແຂວງສະຫວັນນະເຂດໂດຍການໃຫ້ກຽດເປັນປະທານຂອງທ່ານ ຄຳພັນ ສິດທິດຳພາ ກຳມະການສູນກາງພັກ ປະທານສານປະຊາຊົນສູງສຸດ, ທ່ານ ພູຄຳ ເລນິນ ປະທານສານປະຊາຊົນແຂວງສະຫວັນນະເຂດ ຕະຫຼອດຮອດພະນະນັກງານລັດຖະກອນ ແລະນັກສຶກສາຈາກສະຖາບັນຍຸຕິທຳພາກກາງເຂົ້າຮ່ວມຢ່າງພ້ອມພຽງ.

ໃນພິທີ, ທ່ານ ພູຄຳ ເລນິນ ໄດ້ຜ່ານບົດລາຍງານການເຄື່ອນໄຫວວຽກງານຂອງສານປະຊາຊົນເຂດ I ໃນໄລຍະຜ່ານມາ ແລະຈາກນັ້ນ, ໃນພິທີກໍ່ໄດ້ຂຶ້ນຜ່ານມະຕິຕົກລົງຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງຜູ້ພິພາກສາປະຈຳສານເຂດ I ແຂວງສະຫວັນນະເຂດ, ເຊິ່ງໄດ້ຕົກລົງແຕ່ງຕັ້ງທ່ານ ໝອນແກ້ວສີຫາວົງ ເປັນຜູ້ພິພາກສາປະຈຳສານປະຊາຊົນເຂດ I ຂອງແຂວງສະຫວັນນະເຂດ .

ໃນວາລະດັ່ງກ່າວ, ທ່ານ ຄຳພັນ ສິດທິດຳພາ ກໍ່ເປັນກຽດຂຶ້ນມອບຕຳແໜ່ງໃຫ້ແກ່ທ່ານໝອນແກ້ວ ສີຫາວົງ ເພື່ອເປັນກຽດໃຫ້ແກ່ການປະຕິບັດວຽກງານໃນຂັ້ນຕໍ່ໄປ ແລະໃນວາລະສຸດທ້າຍ ທ່ານ ຄຳພັນສິດທິດຳກໍ່ໄດ້ໃຫ້ຄຳໂອວາດເນັ້ນໜັກໃຫ້ບັນດາທ່ານທີ່ຖືກແຕ່ງຕັ້ງຈົ່ງເອົາໃຈໃສ່ເຮັດໜ້າທີ່ຂອງຕົນດ້ວຍຄວາມປອດໃສຍຸຕິທຳ, ບໍ່ສວຍໃຊ້ໜ້າທີ່ຕຳແໜ່ງສິດອຳນາດເພື່ອຫາຜົນປະໂຫຍດໃຫ້ແກ່ຕົນເອງຫຼືຍາດພີ່ນ້ອງ, ບໍ່ບັງຄັບນາບຂູ່ປະຕິບັດສິດໜ້າທີ່ເກີນຂອບເຂດຫຼືລະເມີດລະບຽບການດໍາເນີນຄະດີແລະພ້ອມກັນເຮັດໜ້າທີ່ຂອງຕົນດ້ວຍຄວາມຮັບຜິດຊອບ ເພື່ອເຮັດໃຫ້ວຽກງານສານປະຊາຊົນໄດ້ຮັບຄວາມໄວ້ວາງໃຈຈາກປະຊາຊົນ.

LEAVE A REPLY

Please enter your comment!
Please enter your name here