ຕຳປະສານງານ 4 ຄັນຊ້ອນ

0
24

 

ເມືອງໃຫຍ່ໃນໂມງເຂົ້າການມັກເປັນທີ່ມາຂອງການເກີດອຸປະຕິເຫດ ຍ້ອນວ່າຕ່າງຄົນຕ່າງຟ້າວໄປວຽກຂອງໃຜລາວ ແລະເສັ້ນທາງທີ່ດີແລ່ນສະດວກນັ້ນກໍ່ເປັນອີກໜຶ່ງສິ່ງທີ່ເຮັດໃຫ້ຜູ້ໃຊ້ລົດໃຊ້ຖະໜົນແລ່ນໄດ້ຕາມໃຈຊອບ ນັ້ນກາຍເປັນສິ່ງທ້າທາຍຕໍ່ການຄວບຄຸມບັນຫາອຸປະຕິເຫດທີ່ຈະເກີດຂຶ້ນ.

ດັ່ງເຫດການທີ່ເກີດຂຶ້ນເວລາປະມານ 9:25 ໂມງຂອງວັນທີ 21 ພຶດສະພາ 2018 ນີ້ໄດ້ເກີດເຫດລົດຕໍາກັນ 3 ຄັນຊ້ອນ ແລະໄປເກາະເອົາອີກໜຶ່ງຄັນທີ່ຈອດຢູ່ແຄມທາງລວມເປັນ 4 ຢູ່ເສັ້ນທາງຕັດໃຫມ່ (ບ້ານໜອງບຶກຫາໜອງບົວທອງ) ຢູ່ຂ້າງສໍານັກງານຝ່າຍປະຕິບັດການໄຟຟ້ານະຄອນຫຼວງວຽງຈັນ.

ໃນນັ້ນມີລົດຟອດຈູເນີ,  ລົດມິຊູບິຊິ ແລະ ລົດທີ່ຕຳທັງຫຼັງສຸດແມ່ນລົດນ້ຳກ້ອນ ແຕ່ໂຊກດີ ທີ່ບໍ່ມີໃຜໄດ້ຮັບບາດເຈັບ. ສ່ວນລົດໄດ້ຮັບຄວາມເສຍຫາຍສົມຄວນ ໂດຍສະເພາະລົດຂົນສົ່ງນໍ້າກ້ອນ.

 

 

 

 

 

 

LEAVE A REPLY

Please enter your comment!
Please enter your name here