ໜ້າເຫັນໃຈ! ຮີໂຣບານໂລກ 2014 ໃຈສະລາຍ ເມື່ອບໍ່ຕິດທີມຊາດ ເຢຍລະມັນ ລຸຍບານໂລກ 2018

0
29

ຖືວ່າເປັນເລື່ອງໜ້າເຫັນໃຈ ສໍາລັບ ມາຣິໂອ ເກິດເຊ ກອງກາງຈາກ ໂບຣຸສເຍ ດ໊ອດມູນ ຜູ້ທີ່ເປັນຮີໂຣຍິງປະຕູໄຊໃຫ້ກັບ ທີມຊາດເຢຍລະມັນ ເອົາຊະນະ ອາເຈນຕິນາ 1-0 ໃນຮອບຊີງບານໂລກ 2014 ຈົນເຮັດໃຫ້ ທີມຊາດເຢຍລະມັນ ຄວ້າແຊ້ມບານໂລກປີດັ່ງກ່າວໄປຄອງ, ແຕ່ບານໂລກ 2018 ຮອບສຸດທ້າຍທີ່ປະເທດຣັດເຊຍ ບໍ່ຖືກຄັດເລືອກເຂົ້າທີມຊາດຊຸດນີ້ຢ່າງໜ້ອຍເສຍດາຍ.

ຫຼ້າສຸດ ເກິດເຊ ອອກມາເປີດໃຈກັບເຫດການດັ່ງກ່າວວ່າ: “ ແນ່ນອນວ່າ ຂ້ອຍເສຍໃຈຫຼາຍທີ່ບໍ່ໄດ້ໄປ ບານໂລກ 2018, ຂ້ອຍຈະພະຍາຍາມເຮັດທຸກຢ່າງ ເພື່ອໃຫ້ຕົວເອງກັບມາຕິດທີມຊາດເຢຍລະມັນອີກຄັ້ງ. ຢ່າງໃດກໍ່ຕາມ ຂ້ອຍຂໍອວຍພອນໃຫ້ເພື່ອນຮ່ວມທີມ, ຄະນະຄູຝຶກ ແລະ ຜູ້ຢູ່ເບື້ອງຫຼັງທີມ ປ້ອງກັນແຊ້ມໃຫ້ໄດ້ ”.

ເກິດເຊ ຜູ້ຍິງປະຕູໄຊໃຫ້ ເຢຍລະມັນ ຊະນະ ອາເຈນຕິນາ ໃນການຕໍ່ເວລາພິເສດນັດຊີງ ບານໂລກ 2014

ສໍາລັບ ສາເຫດທີ່ ເກິດເຊ ບໍ່ຕິດທີມຊາດ ນັ້ນອາດເນື່ອງມາຈາກການທີ່ບໍ່ໄດ້ລົງສະໜາມໄປຕະຫຼອດລະດູການທີ່ຜ່ານມາ ເນື່ອງຈາກເປັນໂລກລະບົບຍ່ອຍບໍ່ປົກກະຕິ ກ່ອນທີ່ຈະຫາກໍ່ກັບມາຫຼິ້ນໄດ້ໃນລະດູການນີ້ ເຮັດໃຫ້ ຜູ້ຈັດການທີມບໍ່ເລືອກມາຕິດທີມຊາດ.


ສໍາລັບ ໂຢອາຄິມ ເລິຟ ຜູ້ຈັດການທີມຊາດເຢຍລະມັນ ປະກາດລາຍຊື່ 27 ນັກເຕະເບື້ອງຕົນ ຊຸດທີ່ຈະໄປແຂ່ງຂັນບານໂລກ 2018 ທີ່ປະເທດຣັດເຊຍ ອອກມາໃນວັນອັງຄານທີ 15 ພຶດສະພາ 2018 ກ່ອນຈະຄັດໃຫ້ເຫຼືອ 23 ຄົນສຸດທ້າຍ ກ່ອນວັນທີ 4 ມິຖຸນາ 2018.


ລາຍຊື່ 27 ນັກເຕະທີມຊາດເຢຍລະມັນ ມີດັ່ງນິ້ີ້:
+ຜູ້ຮັກສາປະຕູ: ແບນ ເລໂນ ຈາກໄບເອີ ເລເວີຄູເຊນ, ມານູເອລ ນອຍເອີ ຈາກບາເຢິນມິວນິກ, ມາກ-ອັນເດຣ ແຕ ສະເຕເກັນ ຈາກບາເຊໂລນາ, ເຄວິນ ແທຣ໊ບ ຈາກປາຣີສ ແຊງແຊກແມງ.


+ກອງຫຼັງ: ເຢໂຣມ ບົວເຕັງ ຈາກບາເຢິນ, ມັດທິອັສ ກິນເທີ ຈາກໂບຣຸສເຊຍ ມືນເຊນກລັດບັກ, ມັດ ຮຸມເມິລ ຈາກບາເຢິນ, ໂຢນາສ ເຮັກເຕີ ຈາກ ໂຄໂລນ, ໂຢຊົວ ຄິມມິຊ ຈາກບາເຢິນ, ອັນໂຕນິໂອ ຣີດິເກີ ຈາກເຊລຊີ, ນິຄລາສ ຊູເລີ ຈາກບາເຢິນ, ມາວິນ ເພລດເທນຮາດ ຈາກແຮທາເບີລິນ ແລະ ໂຈນາທານ ທາ ຈາກເລເວີຄູເຊນ.


+ກອງກາງ: ຢູລຽນ ບຣັນ ຈາກເລເວີຄູເຊນ, ຢູລຽນ ດຣັກເລີ ຈາກປາຣີສ, ອິລຄາຍ ກຸນໂດກັນ ຈາກແມນຊິຕີ້, ຊາມີ ເຄດິຣາ ຈາກຢູເວນຕຸສ, ໂທນີ ໂຄຣສ ຈາກຣີລ ມາດຣິດ, ເມຊຸດ ໂອຊິລ ຈາກອາເຊນອລ, ລີອອນ ໂກເຣັດກ້າ ຈາກຊາເກ້ 04, ເຊບາສຕຽນ ຣູດີ ຈາກບາເຢິນ ແລະ ມາໂຄ ຣອຍສ໌ ຈາກດ໊ອດມູນ.


+ກອງໜ້າ: ເລຣອຍ ຊາເນ ຈາກແມນຊິຕີ້, ນິລສ໌ ພີເຕີເຊນ ຈາກໄຟບວກ, ຕິໂມ ແວເນີ ຈາກໄລຊິກ, ມາຣິໂອ ໂກເມຊ ຈາກສະຕຸ໊ດກາດ ແລະ ໂທມັສ ມຸລເລີ ຈາກບາເຢິນ.

LEAVE A REPLY

Please enter your comment!
Please enter your name here