ເມສຊີ ກຽມຂຶ້ນຮັບເກີບຄໍາຂອງເອີຣົບ ສະໄໝທີ 5 ຫຼັງຍິງໄດ້ຫຼາຍທີ່ສຸດໃນ 5 ລີກເໜືອ ຊາລາ – ໂຣນັລໂດ

0
46


ລິໂອເນລ ເມສຊີ ກອງໜ້າຂອງ ບາເຊໂລນາ ກຽມຈະຂຶ້ນຮັບລາງວັນເກີບຄໍາຂອງວົງການບານເຕະເອີຣົບ ເປັນສະໄໝທີ 5 ໃນລະດູການນີ້ ຈາກຜົນງານທີ່ຍິງໄປ 34 ປະຕູ ໃນລະດູການນີ້ໃຫ້ກັບ ບາເຊໂລນາ ຄວ້າແຊ້ມລາລີກາ ສະເປນ ໄປຄອງໄດ້ສໍາເລັດ.


ພາຍຫຼັງຈົບການແຂ່ງຂັນບານເຕະ ລາລີກາ ສະເປນ ຢ່າງເປັນທາງການ ເມສຊີ ຍິງໄດ້ 34 ປະຕູຄວ້າດາວຍິງສູງສຸດຂອງ ລີກດັ່ງກ່າວ ແລະ ຜົນງານດັ່ງກ່າວ ເຮັດໃຫ້ ເມສຊີ ຍິງໄດ້ຫຼາຍກວ່າຄົນອື່ນໆໃນ 5 ລີກຊັ້ນນໍາຂອງເອີຣົບ ເຮັດໃຫ້ເປັນທີ່ແນ່ນອນແລ້ວວ່າ ເມສຊີ ຈະໄດ້ເກີບຄໍາຂອງເອີຣົບ ເພາະຍິງໄດ້ຫຼາຍກວ່າອັນດັບ 2 ຢ່າງ ໂມຮາເໝັດ ຊາລາ ກອງໜ້າຂອງ ລິເວີພູລ ທີ່ຍິງໄດ້ 32 ປະຕູໃນລີກ ແລະ ອັນດັບ 3 ແຮຣີ ເຄນ ຍິງໄດ້ 30 ປະຕູ.


ນອກຈາກນີ້, ເຮັດໃຫ້ ເມສຊີ ຄວ້າລາງວັນນີ້ເປັນຄັ້ງທີ 5 ຫຼາຍກວ່າ ຄຣິສເຕຍໂນ ໂຣນັລໂດ ທີ່ໄດ້ລາງວັນນີ້ໄປ 4 ສະໄໝ ສົ່ງຜົນໃຫ້ລາວກາຍເປັນນັກເຕະທີ່ຄວ້າລາງວັນນີ້ິໄປຄອງ ຫຼາຍທີ່ສຸດໃນປັດຈຸບັນ, ເຊິ່ງລາງວັນນີ້ຈະມີການມອບຢ່າງເປັນທາງການໃນໄວໆນີ້ ແອັດມິນນົກ ຂາປະຈໍາລາວອັບເດດ ຈະລາຍງານໃຫ້ຊາບທັນທີທີ່ມີການມອບລາງວັນ.

LEAVE A REPLY

Please enter your comment!
Please enter your name here