ກວດພົບລະເບີດສະໄໝສົງຄາມ ໜັກ 340 ກິໂລ ຫ່າງຈາກເຂດຊຸມຊົນພຽງ 150 ແມັດ ຢູ່ເມືືອງບົວລະພາ

0
95

ໃນອາທິດທີ່ຜ່ານມາ ທາງອົງການ MAG Laos  ໄດ້ພົບລະເບີດໃຫ່ຍຂະໜາດນໍ້າໜັກ 750 ປອນ ຫຼື 340 ກິໂລ ເຊິ່ງຫ່າງຈາກເຂດຊຸມຊົນ 150 ແມັດ ແລະ ເລິກຈາກໜ້າດີນ 170 ຊັງຕີແມັດ ຢູ່ບ້ານໂພນ ເມືອງບົວລະພາ ແຂວງຄໍາມ່ວນ.


ຜ່ານຈາກການກວດສອບຂອງຊ່ຽວຊານ ແລະ ວິຊາການ ເຫັນວ່າລະເບິດດັ່ງກ່າວມີຄວາມປອດໄພໃນການເຄື່ອນຍ້າຍເພື່ອໄປທຳລາຍໃນເຂດທີ່ມີການກຳນົດໄວ້.

ຕາມການລາຍງານຂອງໜັງສືພິມກອງທັບໃນເດືອນ ກໍລະກົດປີຜ່ານມາໃຫ້ຮູ້ວ່າ: ລັດຖະບານ ແຫ່ງ ສປປລາວ ໄດ້ໃຫ້ຄວາມສຳຄັນໃນການແກ້ ໄຂບັນຫາລະເບີດບໍ່ທັນແຕກ, ໂດຍໄດ້ອອກຄຳສັ່ງເລກທີ 39/ນຍ ລົງວັນທີ 28 ກັນຍາ 2016 ວ່າດ້ວຍການເພີ່ມທະວີ ວຽກງານການແກ້ໄຂບັນ ຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອເຮັດໃຫ້ແຕ່ນີ້ຮອດປີ 2030 ຮັບປະກັນໃຫ້ຈຳນວນຜູ້ ຖືກບາດເຈັບ ແລະ ເສຍຊີວິດ ຈາກລະເບີດບໍ່ທັນແຕກໃນແຕ່ ລະປີຫລຸດລົງເທື່ອລະກ້າວຈົນ ຮອດຈຸດຕໍ່າສຸດ, ຮັບປະກັນໃຫ້ ສຳເລັດການກວດກູ້ລະເບີດບໍ່ ທັນແຕກຕົກຄ້າງຢູ່ບັນດາພື້ນທີ່ ບຸລິມະສິດພັດທະນາ, ບັນດາ ບ້ານທີ່ທຸກຍາກ ແລະ ຮັບປະກັນ ໃຫ້ຜູ້ລອດຊີວິດຈາກລະເບີດບໍ່ ທັນແຕກທັງໝົດໄດ້ຮັບການ ຊ່ວຍເຫຼືອທາງ ດ້ານການປິ່ນປົວ, ຟື້ນຟູສຸຂະພາບ ແລະ ຊ່ວຍເຫຼືອ ຜູ້ຖືກເຄາະຮ້າຍຈາກລະເບີດບໍ່ ທັນແຕກທີ່ທຸກຍາກໄດ້ຮັບການ ປະກອບອາຊີບ.

ຄະນະກຳມະການຄຸ້ມຄອງ ແຫ່ງຊາດເພື່ອການແກ້ໄຂບັນ ຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ ( ຄຊລ ) ໄດ້ເປີດ ເຜີຍໃຫ້ຮູ້ເມື່ອບໍ່ດົນນີ້ວ່າ: ຕະ ຫຼອດໄລຍະຜ່ານມາ (1996- 7/2016) ເນື້ອທີ່ມີຫຼາຍ ກວ່າ 60 ພັນເຮັກຕາໄດ້ຮັບການກວດ ກູ້, ໃນນັ້ນ 40 ພັນກວ່າເຮັກຕາ ແມ່ນເນື້ອທີ່ກະສິກຳ, ຫຼາຍກວ່າ 20 ພັນເຮັກຕາແມ່ນເນື້ອທີ່ພັດ ທະນາຕ່າງໆ, ລະເບີດບໍ່ທັນແຕກ ຫຼາຍກວ່າ 1,7 ລ້ານໜ່ວຍໄດ້ ຖືກທຳລາຍ. ໃນນັ້ນ, ມີລະເບີດ ບົມໃຫຍ່ຫຼາຍກວ່າ 7.500 ໜ່ວຍ, ລະເບີດລູກຫວ່ານ 8 ແສນກວ່າໜ່ວຍ, ລະເບີດຝັງດິນ 7 ພັນກວ່າໜ່ວຍ ແລະ ລະເບີດ ຊະນິດອື່ນໆ 9 ແສນກວ່າໜ່ວຍ.
ສປປ ລາວ ເປັນປະເທດທີ່ ຖືກ ຖິ້ມລະເບີດທາງອາກາດຢ່າງ ໜັກໜ່ວງທີ່ສຸດໃນໄລຍະສົງ ຄາມອິນດູຈີນ ໃນປີ 1964-1973, ມີລະເບີດຖືກຖິ້ມລົງໃສ່ ແຜ່ນດິນລາວຫຼາຍກວ່າ 2 ລ້ານ ໂຕນ, ໃນນັ້ນສ່ວນຫຼາຍ ແມ່ນ ລະເບີດລູກຫວ່ານ ( ບົມບີ ) ລະເບີດດັ່ງກ່າວມີປະມານ 270 ລ້ານໜ່ວຍ ແລະ ຍັງມີຈຳນວນ ທີ່ຍັງບໍ່ທັນແຕກ, ນັກວິຊາການ ຄາດວ່າຍັງປະມານ 30%.

ແຫລ່ງທີ່ີມາຈາກ:mag uxo visitor information centres lao pdr

 

LEAVE A REPLY

Please enter your comment!
Please enter your name here