ໃຈລະລາຍງາມແທ້ເດສາວນ້ຳກັດໂຢລະປາ

0
196

ໃນທ້າຍອາທິດຜ່ານມາ ທີ່ຕາດນ້ຳກັດຢໍລະປ່າ ໄດ້ຈັດກິດຈະກຳຄົ້ນຫານາງແບບ ເພື່ອຖ່າຍໂຄສະນາບັນດາກິດຈະກຳໃຫມ່ທີ່ທາງນ້ຳກັດຈະສ້າງຂື້ນ ແລະ ຈະສຳເລັດໃນອີກບໍ່ດົນນີ້, ໂດຍມີນາງແບບເຂົ້າຮ່ວມຈຳນວນ 10 ຄົນ ຄັດເລືອກເອົາ 5 ຄົນເພື່ອເປັນນາງແບບໃຫ້ແກ່ນ້ຳກັດຢໍລະປ່າ.

ບັນດານ້ອງນາງສາວ 10 ຄົນທີ່ເຂົ້າຮອບຄັດເລືອກນີ້ແມ່ນໄດ້ຄັດເລືອກມາຈາກໂຮງຮຽນ ມສ ເມືອງ ແລະ ມສ ແຂວງ ອຸດົມໄຊ, ທັງນີ້ກໍ່ເພື່ອເປັນການສົ່ງເສີມບັນດານັກຮຽນທ່ີ່ຢູ່ພາຍໃນແຂວງອຸດົມໄຊ ກ້າສະແດງອອກໃນເວທີສາກົນ ແລະ ທັງເປັນການສົ່ງເສີມຄົນໃນທ່ອງຖີ່ນໃຫ້ໃຫ້ມີວຽກເຮັດງານທຳ ແລະ ມີສ່ວນຮ່ວມໃນການພັດທະນາຕາດນ້ຳກັດໃຫ້ດີຂື້ນເລື້ອຍໆ.

 

ເຫຼົ່ານາງສາວທີ່ຖືກຄັດເລືອກແມ່ນຈະໄດ້ຮ່ວມຖ່າຍໂຄສະນາບັນດາກິດຈະກຳທີ່ສ້າງຂື້ນໃຫມ່ ຊຶ່ງເປັນລັກສະນາທ້າທາຍ ເໝາະສຳລັບຄົນທີ່ມັກປະຈົນໄພ ເປັນຕົ້ນແມ່ນຂີ່ລົດ ເອທີວີ ໄຕ່ຂົວໄມ້ຂ້າມນ້ຳກັດ, ໄຕ່ໜ້າຜາ, ຂີ່ໂອນຊາກາງສາຍນ້ຳ ເຫລົ່ານີ້ເປັນຕົ້ນ, ສະນັ້ນຈີ່ງຕ້ອງການຄົນທີ່ມາເປັນນາງແບບຕ້ອງມີໃຈກ້າຫານ ບໍ່ຢ້ານຄວາມສູງ, ເປັນຄົນທີ່ມີບຸກຄະລິກດີ ແລະ ພຽບພ່້ອມທຸກດ້ານ.

ເຂົ້າຮ່ວມໃນກິດຈະກຳດັ່ງກ່າວມີທ່ານ ສົມເພັດ ມ້າວປະເສີດ ປະທານບໍລິສັດແຟເຊັດ ພັດທະນາການທ່ອງທ່ຽວ ຜູ້ສຳປະທານຕາດນ້ຳກັດ ພ້ອມດ້ວຍທີມງານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຂອບໃຈຮູບຈາກ: ນ້ຳກັດໂຢລະປາ ແລະ ເນື້ອຂ່າວຈາກເວັບວິທະຍຸ-ໂທລະພາບແຂວງອຸດົມໄຊ

LEAVE A REPLY

Please enter your comment!
Please enter your name here