ເດັກຫົວດື້ ສ້າງຄວາມເດືອດຮ້ອນໃຫ້ສັງຄົມ

0
30

 

ເບິ່ງຄຣິບນີ້ເປັນອຸທາຫອນສອນໃຈພໍ່ແມ່ຜູ້ປົກຄອງທີ່ມີເຮືອນຕິດແຄມທາງໃຫຍ່ ໃຫ້ໝັ່ນເຕືອນສະຕິລູກຫຼານບໍ່ໃຫ້ອອກຫຼິ້ນນອກທາງເພາະອັນຕະລາຍເຖິງຕາຍໄດ້ ເນື່ອງມາຈາກຄວາມເຜີຕົວຂອງເດັກຫຼິ້ນບໍ່ເບິ່ງໜ້າເບິ່ງຫຼັງ ທີ່ສຳຄັນເຮັດໃຫ້ຊາວບ້ານເດືອດຮ້ອນ.

ເຫດການນີ້ເກີດຂຶ້ນທີ່ປະເທດໄທ ປະກົດວ່າມີເດັກນ້ອຍຄົນໜຶ່ງປະມານ 10 ກວ່າປີ ຫຼິ້ນບານຢູ່ໜ້າເຮືອນຕິດແຄມທາງໃຫຍ່ ຫຼິ້ນໄປຫລິ້ນມາໜ່ວຍບານກິ້ງອອກມາກາງທາງ ແລະຂ້າມໄປອີກຝາກໜຶ່ງ ເດັກຄົນດັ່ງກ່າວກໍ່ແລ່ນນຳບານໄປເຕະໜ່ວຍບານກັບມາ ແຕ່ທ້າວບໍ່ສົນໃຈເບິ່ງໜ້າຫຼັງໃດໆທັງນັ້ນ ກົງກັນຂ້າມຍັງໄລ່ບານມາຄືກັບເຕະບານຢູ່ເດີ່ນຫຍ້າເຮັດໃຫ້ລົດຈັກອີກຄັນທີ່ແລ່ນມາຮອດຈຸດນັ້ນພໍດີຕ້ອງຊວຍໄປນຳເຈັບສາຫັດ, ລົດກໍ່ເພໜັກເສຍທັງເງິນເສຍທັງສຸຂະພາບ ຈິ່ງຝາກເຕືອນໃຫ້ບອກລູກຫຼານດ້ວຍ.

ພາຍຫຼັງຄຣິບເຫດການ ທີ່ມີພົນລະເມືອງທີ່ມາຈອດລົດໃກ້ຈຸດເກີດເຫດຖ່າຍໄວ້ຖືກເຜີຍແຜ່ອອກໄປ ປະຊາຊົນຈຳນວນຫຼວງຫຼາຍອອກມາປະກອບຄຳຄິດເຫັນ ຊຶ່ງສ່ວນໃຫຍ່ຕ່າງກໍ່ສະແດງຄວາມເຫັນໃຈຕໍ່ຄົນທີ່ຂັບຂີ່ລົດຈັກຕ້ອງມາຊວຍເພາະເດັກດື້ຫຼິ້ນບໍ່ຈັກກາລະເທສະ ທັງຕຳໜິການເບິ່ງແຍງລູກຫຼານຂອງຜູ້ປົກຄອງເດັກຄົນດັ່ງກ່າວ.

ນີ້ເປັນພຽງເຫດການອຸທາຫອນທີ່ເກີດຂຶ້ນຢູ່ບ້ານເຂົາ ເຖິງຂັ້ນເກີດອຸປະຕິເຫດ, ສ່ວນບ້ານເຮົາກໍ່ປະກົດເຫັນຫຼາຍໆເຮືອນທີ່ຮັກລູກແຮງແພງລູກຫຼາຍກໍ່ມັກຊື້ເຄື່ອງຫຼິ້ນ ມາໃຫ້ລູກຂີ່ອອກໄປໜ້າທາງຢ່າງເປີດແປນ ລະວັງໄວ້ກໍ່ດີ ເພື່ອຫຼີກລ້ຽງຜົນຕາມມາທີ່ອາດເຮັດໃຫ້ທ່ານຕ້ອງເສຍໃຈ ລູກຫຼານເສຍອະນາຄົດໄດ້.

 

ເບິ່ງຄຣິບວີດິໂອຕາມລິ້ງນີ້

https://www.facebook.com/yousharesocialnews/videos/vb.319355455218438/378687399285243/?type=2&theater

 

LEAVE A REPLY

Please enter your comment!
Please enter your name here