ມາແລ້ວ! ເຢຍລະມັນ – ບຣາຊິລ ເຕັງແຊ້ມບານໂລກ 2018, ສ່ວນຮອງແຊັມເກົ່າດາວດັງເຕັມຢູ່ເຕັງ 5

0
58


ການແຂ່ງຂັນບານໂລກ 2018 ຮອບສຸດທ້າຍ ກຽມລະເບີດຄວາມມັນຂຶ້ນໃນກາງເດືອນມິຖຸນານີ້ ທີ່ປະເທດຣັດເຊຍ, ເຊິ່ງກ່ອນການແຂ່ງຂັນຈະເລີ່ມຂຶ້ນ ແອັດມິນນົກ ຂາປະຈໍາລາວອັບເດດ ໄດ້ເຫັນສື່ຕ່າງປະເທດວິເຄາະ ແລະ ເບິ່ງເຫດການຍົກໃຫ້ 10 ເຕັງແຊ້ມບານໂລກຄັ້ງນີ້ ມີດັ່ງນີ້:

-ເຕັງ 1 ຕົກເປັນຂອງ ແຊ້ມເກົ່າຢ່າງ ເຢຍລະມັນ ຮ່ວມກັບ ບຣາຊິລ ເພາະເປັນທີ່ທີມີນັກເຕະເດັ່ນຂອງເອີຣົບຫຼາຍຄົນ ນໍາໂດຍ ໂຢອາຄິມ ເລິຟ ກັບພາລະກິດປ້ອງກັນແຊ້ມ ພ້ອມພາທີມລ່າແຊ້ມສະໄໝທີ 5 ຂອງທີມຊາດເຢຍລະມັນ, ເຊິ່ງປີນີ້ຢູ່ສາຍຮ່ວມກັບ ແມັກຊິກ ແລະ ສະວີເດນ ເຊິ່ງບໍ່ໜັກປານໃດໜ້າຈະເຂົ້າຮອບໄດ້ບໍ່ຢາກ, ສ່ວນ ບຣາຊິລ ຟອມໂດເດັ່ນສຸດໆໃນຮອບຄັດເລືອກ ພ້ອມກັບມາທວງຄວາມຍິ່ງໃຫຍ່ອີກຄັ້ງ ນໍາໂດຍ ເນມາ ນັກເຕະຕົວຄວາມຫວັງສູງ.

ທີມຊາດເຢຍລະມັນ ແຊ້ມເກົ່າ
ທີມຊາດເຢຍລະມັນ
ທີມຊາດບຣາຊິນ
ເນມາ

-ເຕັງ 3 ຮ່ວມ: ສະເປນ ກັບ ຝຣັ່ງ.
ສະເປນ ແຊ້ມໂລກ 1 ສະໄໝ ຫຼັງຈາກຄອງຄວາມຍິງໃຫຍ່ຄວ້າແຊ້ມ ຢູໂຣ 2008, ບານໂລກ 2010 ແລະ ຢູໂຣ 2012, ເຊິ່ງບານໂລກປີນີ້ ຢູ່ໃນກຸ່ມ B ຮ່ວມກັບ ໂປຣຕຸເກດ ທີ່ວ່າເປັນຄູ່ແຂ່ງສໍາຄັນ, ສ່ວນອີກ 2 ທີມບໍ່ໜັກປານໃດ ອາດເຂົ້າຮອບໄດ້ບໍ່ຢາກ, ສ່ວນ ຝຣັ່ງ ຮອງແຊ້ມ ຢູໂຣ ປິຫຼ້າສຸດ ປີນີ້ລຸ້ນແຊ້ມບານໂລກ ສະໄໝທີ 2 ມີໂອກາດເຂົ້າຮອບສູງ ເພາະຮ່ວມສາຍທີ່ບໍ່ນັກປານໃດ.

ທີມຊາດສະເປນ

 

ຝຣັ່ງ

-ເຕັງ 5 ເປັນຂອງ ອາເຈນຕິນາ: ຫຼັງຈາກອົກຮັກໄດ້ຮອງແຊ້ມບານໂລກ 2014 ປີນີ້ກໍ່ເປັນປີແກ້ຕົວ ແລະ ລ່າແຊ້ມສະໄໝທີ 3 ເຖິງວ່າເກືອບຈະເອົາຕົວບໍລອດໃນຮອບຄັດເລືອກ, ແຕ່ທີມນີ້ມີ ລິໂອເນລ ເມສຊີ ທີ່ສ້າງຜົນງານຢ່າງໂດດເດັ່ນໃນລະດູການນີ້ ແລະ ບານໂລກ 2018 ຖືກຍົກໃຫ້ມີນັກເຕະດັງໆຫຼາຍທີ່ສຸດ ພ້ອມຮ່ວມສາຍທີ່ບໍ່ໜັກເຂົ້າຮອບໄດ້ບໍ່ຢາກ.

ເມສຊີ ເບີ 10

-ເຕັງ 6 ເປັນຂອງ ເບລຢຽມ

-ເຕັງ 7 ອັງກິດ

 

-ເຕັງ 8 ໂປຣຕຸເກດ

-ເຕັງ 9 ອູຣູກວາຍ

-ເຕັງ 10 ໂຄຣເອເຊຍ.

 

ສໍາລັບ ສະຫະພັນບານເຕະນາໆຊາດ (ຟີຟາ) ໃຫ້ຄໍານິຍາມຊື່ຂອງແຕ່ລະກຸ່ມໄດ້ໃຈແຟນບານ ໂດຍອີງຕາມການວິເຄາະທີມໃນແຕ່ລະກຸ່ມ ກ່ອນທີ່ການແຂ່ງຂັນຈະເລີ່ມຂຶ້ນຢ່າງເປັນທາງການໃນໄວໆນີ້ ຕາມເວັບໄຊທ໌ຂອງ ຟີຟາ ມາເບິ່ງນໍາກັນເລີ່ມ.


1.ກຸ່ມ A ປະກອບມີ: ຣັດເຊຍ, ຊາອຸດິອາຣະເບຍ, ເອຢິບ ແລະ ອູຣູກວາຍ ໂດຍຟີຟາ ໃຫ້ຄໍານິຍາມວ່າ ເຈົ້າພາບກັບບົດທົດສອບໃນການພົບທີມອາຣັບ.


2.ກຸ່ມ B ປະກອບມີ: ໂປຣຕຸເກດ, ສະເປນ, ໂມຣ໊ອກໂກ ແລະ ອີຣານ ວ່າ ການພົບກັນຂອງ 2 ຊາດລະດັບເຮວີເວດຂອງ ເອີຣົບ.


3.ກຸ່ມ C ປະກອບມີ: ຝຣັ່ງ, ອົດສະຕຣາລີ, ເດັນມາກ ແລະ ເປຣູ ວ່າ ການແບ່ງກຸ່ມທີ່ຖືກໃຈຝຣັ່ງ.


4.ກຸ່ມ D ປະກອບມີ: ອາເຈນຕິິນາ, ໂຄເອເຊຍ, ໄອຊ໌ແລນ ແລະ ໄນຈີເຣຍ ວ່າ ອາເຈນຕິນາ ແລະ ໂຄຣເອເຊຍ ຜະເຊີນໜ້າກັບງານໜັກ.


5.ກຸ່ມ E ປະກອບມີ: ບຣາຊິນ ແຊ້ມ 5 ສະໄໝ, ສະວິດ, ຄອສຕາຣິກາ ແລະ ເຊີເບຍ ວ່າ ບໍ່ແມ່ນງານງ່າຍຂອງທີມແຊ້ມໂລກ 5 ສະໄໝ.


6.ກຸ່ມ F ເຢຍລະມັນ ແຊ້ມເກົ່າ, ແມັກຊິກ, ສະວີເດນ ແລະ ສ ເກົາຫຼີ ວ່າ ທີມທີ່ເຫຼືອຄົງຕ້ອງເໜື່ອຍຫາກຈະຕາມ ເຢຍລະມັນ ໃຫ້ທັນ.


7.ກຸ່ມ G ມີທີມດັງຂອງເອີຣົບ 2 ທີມໄດ້ແກ່: ອັງກິດ ແລະ ເບລຢ້ຽມ ຮ່ວມສາຍກັບ ຕູນີເຊຍ ແລະ ປານາມາ ວ່າ ສະໄໝຄໍາທີ່ກໍາລັງຈະຮ້ອນແຮງຂອງ 2 ທີມເອີຣົບ ເນື່ອງຈາກ ອັງກິດ ກັບ ເບລຢ້ຽມ ໃຊ້ນັກເຕະອາຍຸນ້ອຍເປັນແກນຫຼັກ.


8.ກຸ່ມ H ປະກອບມີ: ໂປແລນ, ເຊເນກັລ, ໂຄລົມເບຍ ແລະ ຍີ່ປຸ່ນ ວ່າ ໂປແລນ ກັບໂອກາດຂອງກຸ່ມທີ່ຍັງເປີດກວ້າງ.
ສໍາລັບ ການແຂ່ງຂັນບານໂລກ 2018 ຮອບສຸດທ້າຍຈະເປີດສາກຂຶ້ນໃນວັນທີ 14 ມິຖຸນານີ້ ທີ່ປະເທດຣັດເຊຍ.

LEAVE A REPLY

Please enter your comment!
Please enter your name here