ນາຍົກມາເລເຊຍ ມະຫາເທສັ່ງຕັດເງິນເດືອນຄະນະລັດຖະມົນຕີ10% ແບ່ງເບົາພາລະໜີ້ສິນປະເທດ

0
15
FILE - In this May 16, 2018, file photo, Malaysian Prime Minister Mahathir Mohamad speaks during a press conference in Putrajaya, Malaysia. Mahathir has unveiled a mix of senior politicians, lawyers and a lecturer in his new Cabinet after a stunning electoral victory last week. (AP Photo/Vincent Thian, File)

ສຳນັກຂ່າວຕ່າງປະເທດລາຍງານຈາກນະຄອນກົວລາລຳເປີປະເທດມາເລເຊຍເມື່ອວັນທີ 23 ພຶດສະພາວ່າ: ດຣ.ມະຫາເທ ໂມຮັມຫມັດ ນາຍົກລັດຖະມົນຕີມາເລເຊຍກ່າວພາຍຫຼັງສຳເລັດການປະຊຸມຄະນະລັດຖະມົນ ເມື່ອວັນພຸດວ່າທີ່ປະຊຸມມີມະຕິເຫັນພ້ອມໃຫ້ປັບຫລຸດເງິນເດືອນຂອງລັດຖະມົນຕີທຸກຄົນລວມໂຕເຂົານຳ 10% ເພື່ອເປັນການຮ່ວມບັນເທົາພາລະການເງິນຂອງປະເທດ ໂດຍ ດຣ.ມະຫາເທ ອາຍຸ 92 ປີ ກ່າວດ້ວຍວ່າ ເຂົາເປັນຜູ້ສະເໜີແນວຄິດຫລຸດເງິນເດືອນເຂົ້າສູ່ທີ່ປະຊຸມເອງ ຊື່ງເປັນມາດຕະການດຽວກັບໃນໄລຍະທີ່ເຂົາຮັບຕຳແໜ່ງນາຍົກລັດຖະມົນຕີເປັນຄັ້ງທຳອິດ ເມື່ອປີ 1980.


ຜູ້ນຳມາເລເຊຍກ່າວຕໍ່ໄປວ່າ ລັດຖະມົນຊຸດປັດຈຸບັນຈະພະຍາຍາມເຮັດທຸກວິຖີທາງຕາມຂະບວນການທາງກົດໜາຍ ເພື່ອລົດໜີ້ສາທາລະນະຂອງປະເທດທີ່ໃນຕອນນີ້ສູງເກີນກວ່າ 1 ລ້ານລ້ານຮິງກິດ (ປະມານ 8.2 ລ້ານລ້ານບາດ) ຄິດເປັນ 65% ຂອງຜະລິດຕະພັນມວນລວມໃນປະເທດ (ຈີດີພີ) ເຊື່ງວິທີການຂອງເຂົາລວມເຖິງການຍຸບໜ່ວຍງານ “ທີ່ບໍ່ຈຳເປັນ” ເຊື່ງສ່ວນໃຫ່ຍກໍ່ຕັ້ງໃນສະໄໜລັດຖະບານອົງທ່ານນາຈິບ ຣາຊັດ ເຊັ່ນ ຄະນະລັດຖະມົນຕີນັກວິຊາການແຫ່ງຊາດ (ເອັນພີເອັນ) ແລະຄະນະກຳມະທິການການຂົນສົ່ງສາທາລະນະທາງບົກ (ເອສພີເອດີ) ໂດຍໃຫ້ຖ່າຍໂອນງານທັງໜົດກັບໄປຍັງກະຊວງທີ່ກ່ຽວຂ້ອງຄືກະຊວງສຶກສາທິການແລະກະຊວງຄົມມະນາຄົມຕາມລຳດັບ.

ຂະນະດຽວກັນ ດຣ.ມະຫາເທຍັງກ່າວເຖິງ “ການທົບທວນ” ແລະ “ການກວດສອບ” ໂຄງການຮ່ວມທືນເມກາໂປເຈັກກັບນານາປະເທດ ທີ່ລັດຖະບານຂອງທ່ານນາຈິບດຳເນີນການໄວ້ ຊື່ງຜູ້ນຳມາເລເຊຍກ່າວວ່າ ຈະມີການຍົກເລີກ “ບາງໂຄງການ” ແຕ່ຍົງສົ່ງວົນລາຍຊື່ລະອຽດ ປະເດັ່ນຕໍ່ມາກ່ຽວກັບພາລະກິດຄົ້ນຫາເບາະແສເຄື່ອງບິນໂດຍສານຂອງມາເລເຊຍ ແອໄລນ໌ ຖ້ຽວບິນເອັມເອຊ 370 ທີ່ຫາຍຊາບສູນໄປຕັ້ງແຕ່ປີ 2014 ວ່າເຂົາຫວັງໃຫ້ການຄົ້ນຫາດຳເນີນຕໍ່ໄປ ເນື່ອຈາກຄອບຄົວຂອງຜູ້ສູນຫາຍທັງ 239 ຄົນ ຍັງຄົງຖ້າຄຳຕອບ ແຕ່ຈະມີການພິຈາລະນາຂໍ້ຕົກລົງການຄົ້ນຫາລະຫວ່າງລັດຖະບານກັບບໍລິສັດເອກະຊົນ ແລະອາດຈະມີການຍົກເລີກ “ຖ້າຈຳເປັນ” ນອກຈາກນີ້ຜູ້ນຳມາເລເຊຍຢືນຍັນວ່າ ລາຄານ້ຳມັນເບນຊິນໃນປະເທດຈະຍັງຄົງບໍ່ປ່ຽນແປງ ແມ້ນລາຄານ້ຳມັນດິບໃນຕະຫຼາດໂລກຂື້ນສູງເກີນກວ່າ 70 ດອລລາ (ປະມານ 2.240 ບາດ) ຕໍ່ບາເຣລແລ້ວກໍ່ຕາມ

ຄວາມເຄື່ອນໄຫວດັງກ່າວຂອງ ດຣ.ມະຫາເທເກີດຂື້ນ ຫຼັງທ່ານນາຈິບເຂົ້າໃຫ້ປາກຄຳກັບຄະນະກຳມະທິການຕໍ່ຕ້ານການຄໍລັບຊັ່ນ (ເອັມເອຊີຊີ) ທີ່ນະຄອນກົວລາລຳເປີ ເມື່ອວັນອັງຄານທີ່ຜ່ານມາ ກ່ຽວກັບ “ທີ່ໄປທີ່ມາ” ຂອງເງິນ 10,6 ລ້ານດອລລາ (ປະມານ 339,2 ລ້ານບາດ) ຈາກກອງທຶນດ້ານພະລັງງານ “ເອສອາຊີ ອິນເຕີເນຊັ່ນແນລ” ຊື່ງເປັນໜື່ງໃນກອງທຶນຍ່ອຍຂອງກອງທືນພັດທະນາແຫ່ງຊາດ “ວັນເອັມດີບີ” ແລະເງີນຈຳນວນດັ່ງກ່າວປະກົດຢູ່ໃນບັນຊີເງີນຝາກສ່ວນໂຕຂອງອະດີດຜູ້ນຳມາເລເຊຍເມື່ອປີ 2015.

LEAVE A REPLY

Please enter your comment!
Please enter your name here