ພາກບໍລິການການທ່ອງທ່ຽວມີສ່ວນຮ່ວມກຳນົດຫົວຂໍ້ຝຶກອົບຮົມ

0
14

ແຂວງເຊກອງໄດ້ຈັດກອງປະຊຸມປຶກສາຫາລື ຫຼື ກອງປະຊຸມປະເມີນຄວາມຕ້ອງການດ້ານການຝຶກອົບຮົມຂອງພາກທຸລະກິດພາຍໃນແຂວງຂຶ້ນ ໃນວັນທີ 22 ພຶດສະພາ 2018 ເພື່ອພ້ອມກັນກຳນົດຫົວຂໍ້ການຝຶກອົບຮົມຍົກລະດັບດ້ານການບໍລິການໃຫ້ແກ່ພາກທຸລະກິດການທ່ອງທ່ຽວເປັນຕົ້ນໂຮງແຮມ, ເຮືອນພັກ ແລະຮ້ານອາຫານ.

ກອງປະຊຸມຄັ້ງນີ້ ແມ່ນພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງເຊກອງຮ່ວມກັບອົງການສະວິດຄອນແທັກເປັນເຈົ້າພາບໄດ້ຈັດຂຶ້ນທີ່ໂຮງແຮມຫົງຄຳແຂວງເຊກອງ ໂດຍການເປັນປະທານຂອງທ່ານ ສຸບັນ ເດສົມພອງ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງ, ທ່ານ ວິລະ ຈັນທະວົງ ຜູ້ປະສານງານໂຄງການຂັ້ນສູນກາງ, ອົງການສະວິດຄອນແທັກ, ທ່ານ ຄຳຜາຍ ສຸລິວັນ ຮອງຫົວໜ້າພະແນກສຶກສາທິການ ແລະກີລາແຂວງ, ຂະແໜງການກ່ຽວຂ້ອງ ແລະຜູ້ປະກອບການທຸລະກິດທ່ອງທ່ຽວໂຮງແຮມ, ເຮືອນພັກ-ຮ້ານອາຫານເຂົ້າຮ່ວມ.


ທ່ານ ສຸບັນ ເດສົມພອງ ກ່າວວ່າ: ກອງປະຊຸມຄັ້ງນີ້ ແມ່ນກອງປະຊຸມເພື່ອປຶກສາຫາລືກຳນົດຫົວຂໍ້ການຝຶກອົບຮົມໃຫ້ແກ່ຜູ້ປະກອບການທຸລະກິດການທ່ອງທ່ຽວໂຮງແຮມ, ເຮືອນພັກ ແລະຮ້ານອາຫານພາຍໃນແຂວງ ໂດຍສະ ເພາະແມ່ນພະນັກງານທີ່ເຮັດໜ້າທີ່ການບໍລິການສ່ວນໜ້າ, ແມ່ເຮືອນ, ການບໍລິການດ້ານອາຫານ-ເຄື່ອງດື່ມ ເພື່ອເຮັດໃຫ້ເຂົາເຈົ້າຮັບຮູ້ ແລະເຂົ້າໃຈຕໍ່ລະບຽບການ, ຫຼັກການ ແລະວິທີການບໍລິການຕ້ອນຮັບແຂກ, ການປຸງແຕ່ງອາຫານທີ່ມີປະສິດທິພາບໃຫ້ນັກທ່ອງທ່ຽວທີ່ເດີນທາງມາທ່ຽວມາຊົມແຂວງເຊກອງມີຄວາມປະທັບໃຈ ແລະມີຄວາມໝັ້ນໃຈໃນຄວາມປອດໄພຕໍ່ການບໍລິການ.


ພ້ອມດຽວກັນນັ້ນ ບັນດາຜູ້ທີ່ເຂົ້າຮ່ວມກອງປະຊຸມຍັງໄດ້ຮັບຟັງສະພາບລວມຂອງການທ່ອງທ່ຽວ ແລະການບໍລິການພາຍໃນແຂວງເຊກອງ, ຮັບຟັງການນຳສະເໜີໂຄງການຝຶກອົບຮົມພື້ນຖານແຫ່ງອາຊີບ, ການປະກອບຄໍາຄິດຄຳເຫັນຂອງຜູ້ປະກອບການທຸລະກິດການທ່ອງທ່ຽວ ແລະຂະແໜງການກ່ຽວຂ້ອງຂອງພາກລັດຕື່ມອີກ, ເຊີ່ງທັງນີ້ແນໃສ່ເຮັດໃຫ້ຜູ້ທີ່ເຮັດການບໍລິການຮັບຮູ້, ການຕ້ອນຮັບແຂກ ການເວົ້າຈາ ເພື່ອສ້າງຄວາມເພີ່ງພໍໃຈໃຫ້ແກ່ລູກຄ້າທີ່ມາທ່ຽວຊົມ ແລະສ້າງຄວາມປະທັບໃຈຫຼາຍຂື້ນ.

LEAVE A REPLY

Please enter your comment!
Please enter your name here