ນ້ຳກັດໂຢລະປາຂຸມຊັບກາງປ່າໄດ້ລາງວັນຍອດຜູ້ຊົມຫຼາຍເປັນປີທີ 2

0
26

ເວົ້າເຖິງສະຖານທີ່ທ່ອງທ່ຽວໃນລາວມີຫຼາຍແຫຼ່ງທີ່ງົດງາມໜ້າສົນໃຈ ໜ້າທ່ຽວຊົມແຕ່ນ້ຳກັດໂຢລະປາ ແຫຼ່ງທ່ອງທ່ຽວທີ່ເກີດໃໝ່ໃນແຂວງອຸດົມໄຊນັບວ່າມາແຮງແຊງທາງໂຄ້ງຢ່າງຄາດບໍ່ເຖິງຍ້ອນເພິ່ນໝູນໃຊ້ເຕັກໂນໂລຊີເປັນຕົວຊ່ວຍໃນການກະຈາຍຂໍ້ມູນຂ່າວສານ ໂຄສະນາໃຫ້ສັງຄົມຮັບຮູ້.

ເມື່ອຫຼ້າສຸດນີ້ຫາກໍ່ໄດ້ຮັບລາງວັນແຫຼ່ງທ່ອງທ່ຽວທີ່ມີຜູ້ເຂົ້າຊົມຫຼາຍສຸດຈາກເວັບໄຊ www.tripadvisor.com ຖືເປັນປີທີສອງຕິດຕໍ່ກັນທີ່ນ້ຳກັດໂຢລະປາ ໄດ້ຮັບລາງວັນດັ່ງກ່າວ, ຂະນະທີ່ລັດຖະບານເອງກໍ່ຍອມຮັບວ່າ ນ້ຳກັດໂຢລະປາເປັນແຫຼ່ງທ່ອງທ່ຽວທີ່ປະສົບຜົນສຳເລັດໄວທີ່ສຸດ ຍ້ອນຜູ້ປະກອບການໝູນໃຊ້ສື່ສັງຄົມອອນລາຍທີ່ມີຄົນເຂົ້າເຖິງຫຼາຍທີ່ສຸດ ເປັນຊ່ອງທາງໃນການເຮັດການຕະຫຼາດ.

 

TripAdvisor ເປັນເວັບໄຊສູນລວມດ້ານການທ່ອງທ່ຽວທີ່ໃຫຍ່ສຸດຂອງໂລກໃນປະຈຸບັນ ໃນນັ້ນໄດ້ລວບລວມເອົາ ບັນດາສະຖານທີ່ສວຍງາມຄົນຖາມຫາຫຼາຍທີ່ສຸດ, ໂຮງແຮມສຸດຫຼູ, ສາຍການບິນລາຄາຖືກ ແລະປັດໄຈອື່ນທີ່ປິ່ນອ້ອມການທ່ອງທ່ຽວມາລວມຢູ່ບ່ອນດຽວກັນ ນອກຈາກນີ້ຍັງມີແອັບສຳລັບການເຊີດຫາການບໍລິການທ່ອງທ່ຽວ ບໍ່ວ່າຈະກ່ອນອອກເດີນທາງ ຫຼື ກຳລັງທ່ອງທ່ຽວຢູ່ ເພື່ອໃຫ້ໄດ້ໄປຫາຈຸດທີ່ຕ້ອງການໄດ້ໄວ ແລະຄຸ້ມຄ່າທີ່ສຸດ.

 

 

 

 

LEAVE A REPLY

Please enter your comment!
Please enter your name here