ສປປເກົາຫຼີ ທຳລາຍນິຄົມນິວເຄລຍປຸງກະເຢ-ຣີ ແລ້ວເພື່ອສະແດງຄວາມຈິງໃຈ. ແຕ່ທຣຳ ປະກາດ ຍົດເລີກການພົບປະສູງສຸດກັບ ທ່ານ ຄິມ ຈອງອຶນແລ້ວ

0
116
In this Thursday, May 24, 2018 photo, facilities of North Korea's nuclear test site are blown up in Punggye-ri, North Korea. (Korea Pool/Yonhap via AP)

ສຳນັກຂ່າວຕ່າງປະເທດລາຍງານ 24 ພຶດສະພາ 2018 ວ່າ: ສື່ມວນຊົນຕ່າງປະເທດທີ່ໄດ້ຮັບເຊີນໃຫ້ໄປຮ່ວມສັງເກດການທຳລາຍອຸໂມງໃຕ້ດິນຂອງນິຄົມນິວເຄລຍປຸງກະເຢ-ຣີ ທາງພາກຕາເວັນອອກສຽງເໜືອຂອງສປປເກົາຫຼີ ໃນວັນພະຫັດນີ້ ລາຍງານວ່າ: ມີການລະເບີດຖິ້ມຢ່າງຕໍ່ເນື່ອງຕະຫຼອດວັນທີ່ຜ່ານມາ ແລະ ຜູ້ສື່ຂ່າວ 3 ຄົນໄດ້ລົງໄປສຳຫຼວດອຸໂມງໃຕ້ດິນດ້ວຍຕົນເອງ ໂດຍທ່ານ ທອມ ເຊເຊຍ ຜູ້ສື່ຂ່າວຈາກ Skynews ສື່ປະເທດອັງກິດກ່າວວ່າ ມີການລະເບີດແຮງຈົນຮູ້ສຶກໄດ້, ມີຝຸ່ນໄຫງ່ໄປທົ່ວ, ມີຄວາມຮ້ອນແຜ່ອອກມາ ແລະ ສຽງດັງແຮງຫຼາຍ.

ນິຄົມນິວເຄລຍປຸງກະເຢ-ຣີ ຕັ້ງຢູ່ໃນສາຍພູໃນແຂວງຮຳຢອງເໜືອ ໃກ້ກັບຊາຍແດນຈີນ ແລະ ເປັນພຽງນິຄົມພຽງແຫ່ງດຽວທີ່ເກົາຫຼີເໜືອມີໄວ້ໃຊ້ສຳລັບການທົດລອງນິວເຄລຍ ໂດຍມີການທົດລອງລະເບີດນິວເຄຼຍໃຕ້ດິນມາແລ້ວ 6 ຄັ້ງ ແລະ ຄັ້ງທີ່ຮຸນແຮງທີ່ສຸດເກີດຂຶ້ນເມື່ອເດືອນກັນຍາ 2017 ທາງລັດຖະບານເກົາຫຼີເໜືອລະບຸວ່າເປັນ H-Bomb.

Suthichai Live: ทรัมป์ยกเลิกแผนเจอคิม! (2)

Posted by Suthichai Yoon on Thursday, 24 May 2018

ສຳນັກງານອາວຸດນິວເຄລຍເກົາຫຼີເໜືອລະບຸວ່າ ນິຄົມນິວເຄລຍປຸງກະເຢ-ຣີ ຖືກທຳລາຍໝົດກ້ຽງແລ້ວ ເພື່ອເປັນຫຼັກປະກັນເຖິງຄວາມໂປ່ງໃສ ຂອງການຢຸດຕິການທົດລອງນິວເຄລຍ ເຊິ່ງທາງຝ່າຍ ສ.ເກົາຫຼີກໍ່ພໍໃຈກັບຄຳປະກາດດັ່ງກ່າວ.

ທ່ານ ໂນຄະຢູ-ດຸກ ໂຄສົກກະຊວງການຕ່າງປະເທດສເກົາຫຼີຖະແຫຼງກວ່າ ຖືວ່າເປັນບາດກ້າວສຳຄັນສຳລັບການປົດອາວຸດນິວເຄລຍທີ່ຈະຕ້ອງດຳເນີນໃນຂັ້ນຕໍ່ໄປ.

ຕໍ່ມາທຳນຽບຂາວໄດ້ຖະແຫຼງວ່າ ທ່ານ ໂດໂນ ທຣຳ ໄດ້ແຈ້ງຕໍ່ທ່ານ ຄິມ ຈອງອຶນ ຜູ້ນຳສປປເກົາຫຼີວ່າ ການປະຊຸມສຸດຍອດຕາມກຳນົດໃນວັນທີ 12 ມິຖຸນານີ້ ທີ່ປະເທດສິງກະໂປນັ້ນຈະບໍ່ເກີດຂຶ້ນ ເພາະທ່າທີ່ອັນເປັນປໍລະປັກຫຼ້າສຸດທີ່ສປປເກົາຫຼີສະແດງອອກມາ.

ໂດຍທ່ານ ໂດໂນ ທຣຳ ກ່າວວ່າ: ເປັນທີ່ໜ້າເສຍດາຍ ເມື່ອພິຈາລະນາຈາກທ່າທີ່ທີ່ເປັນສັດຕູທີ່ສະແດງອອກມາຈາກຄຳຖະແຫຼງການຫຼ້າສຸດຂອງຜູ້ນຳສປປເກົາຫຼີ ຈຶ່ງເຮັດໃຫ້ທ່ານຄິດວ່າຍັງບໍ່ເໝາະສົມສຳລັບເວລານີ້ທີ່ຈະມີການປະຊຸມຮ່ວມກັນທັງທີ່ມີການວາງແຜນຮ່ວມ.

ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ຖະແຫຼງວ່າ:ປະເທດນີ້ພ້ອມແລ້ວທີ່ຈະຖອນຕົວອອກຈາກການເຈລະຈາກັບ ສປປ.ເກົາຫຼີ ຖ້າຫາກບັນດາການເຈລະຈາຈະມາເຖິງກ່ຽວກັບໂຄງການນິວເຄຼຍຂອງ ພຽງຢາງ ໄປເຂວທິດ.

ພ້ອມກັນນັ້ນ, ທ່ານ Pompeo ກໍ່ຢືນຢັນວ່າ: ບັ້ນຮົບຂອງ ອາເມລິກາ ພ້ອມກັບບັນດາຄູ່ຮ່ວມມືໄດ້ເກ້ຍກ່ອມໃຫ້ ພຽງຢາງ ປະລະໂຄງການນິວເຄລຍ ທີ່ພວມມີໝາກຜົນທີ່ດີ. ຫຼັກໝັ້ນຂອງ ອາເມລິກາ ຈະບໍ່ປ່ຽນແປງຈົນຮອດຂະນະທີ່ ວໍຊິງຕັນ ເຫັນໄດ້ບັນດາບາດກ້າວເດີນທີ່ເປັນໜ້າໄວ້ເນື້ອເຊື່ອໃຈ, ຕາມນັ້ນແລ້ວ ແມ່ນສາມາດບັນລຸໄດ້ເປົ້າໝາຍປອດນິວເຄລຍໃນແຫຼມ ເກົາຫຼີ ຢ່າງສົມບູນ, ມີການກວດກາ ແລະ ບໍ່ສາມາດຕ່າວປີ້ນໄດ້.

ກ່ອນຫນ້ານີ້, ທ່ານ​ລູ້​ຄ່າງ ໂຄ​ສົກ​ກະ​ຊວງ​ການ​ຕ່າ​ງ​ປະ​ເທດ​ຈີນ​ກ່າວ​ວ່າ, ຫວັງ​ວ່າ​ ສ​ປ​ປ ເກົາ​ຫຼີ​ແລະ​ອາ​ເມ​ລິ​ກາ​ຈະ​ກຳ​ໂອ​ກາດ​ໃນ​ປັດ​ຈຸ​ບັນ, ແລະ​ໄປ​ຕາມ​ທິດ​ທາງ​ດຽວ​ກັນ, ແກ້​ໄຂ​ຄວາມ​ເປັນ​ຫ່ວງ​ຂອງ​ຕົນ​ຢ່າງ​ດຸນ​ດ່ຽງ. ​ແລະ​ຫວັງ​ວ່າ​ການ​ພົບ​ປະ​ກັນ​ລະ​ຫວ່າງ​ຜູ້​ນຳ​ສອງ​ປະ​ເທດ​​ຈະຈັດ​ຂຶ້ນ​ຢ່າງ​ສະ​ດວກ​ແລະ​ໄດ້​ຮັບ​ໝາກ​ຜົນ​ຢ່າງ​ຕັ້ງ​ໜ້າ.

LEAVE A REPLY

Please enter your comment!
Please enter your name here