2 ສ່ຽວທີ່ໜ້າອີ່ຕົນທີ່ສຸດໃນຮອບຊີງ ຢູຟາ! ຊາລາ – ຄາຣິອຸສ ນໍ້າຕາຕົກທັງຄູ່

0
424


ກິ່ນອາຍຂອງນັດຊີງຊະນະເລີດບານເຕະ ຢູຟາ ແຊ້ມປ້ຽນລີກ ຂອງຄໍ່າຄືນວັນທີ 26 ພຶດສະພາ 2018 ທີ່ ຣີິລ ມາດຣິດ ເອົາຊະນະ ລິເວີພູລ 3-1 ຄວ້າແຊ້ມໄປຄອງຍັງຢູ່ໃນໃຈທ່ານ ແລະ ແອັດມິນນົກ ຂາປະຈໍາລາວອັບເດດ ສະເໝີ ເພາະເປັນແຟນຕົວຢືນຂອງ ລິເວີພູລ, ເຊິ່ງນັດດັ່ງກ່າວເກີດເລື່ອງທີ່ໜ້າອີ່ຕົນ ແລະ ໜ້າເສົ້າຫຼາຍ ໂດຍສະເພາະ 2 ສ່ຽວຢ່າງ ໂມຮາເໝັດ ຊາລາ ກັບ ຄາຣິອຸສ ຕ້ອງນໍ້າຕາຕົກໄປຕາມໆກັນ ເຖິງວ່າຈະມີເລື່ອງທີ່ບໍ່ໜ້າໃຫ້ອະໄພ, ແຕ່ກໍ່ເປັນເລື່ອງທີ່ໜ້າເຫັນໃຈ ເພາະໝາກບານໜ່ວຍມົນໆເກີດຂຶ້ນໄດ້ທຸກຢ່າງ.


ເລີ່ມກັນທີ່ ຊາລາ ເປັນຕົວຄວາມຫວັງຂອງ ລິເວີພູລ ແລະ ແອັດມິນນົກ ລວມເຖິງແຟນໆຫຼາຍຄົນຂອງທີມນີ້, ແຕ່ກັບເກີດເລື່ອງຊ໊ອກຕັ້ງແຕ່ຕົ້ນເກມ ເມື່ອໄດ້ຮັບບາດເຈັບຈາກການບຽດກັບ ຣາມອສ ກອງຫຼັງຂອງ ຣີລ ມາດຣິດ ຈົນລົ້ມລົງ ແລະ ຈັງຫວະທີ່ລົ້ມບ່າໄຫຼ່ກະທົບກັບພື້ນຢ່າງໜັກ ຈົນເຮັດໃຫ້ຫຼິ້ນຕໍ່ບໍ່ໄຫວຕ້ອງຍ່າງອອກສະໜາມດ້ວຍນໍ້າຕາ.


ຫຼ້າສຸດ ເຈີເກັນ ຄລ໊ອບ ຜູ້ຈັດການທີມຂອງລິເວີພູລ ອອກມາເປີດເຜີຍຂ່າວຮ້າຍວ່າ: ການເສຍ ຊາລາ ໄປຕັ້ງແຕ່ຕົ້ນເກມ ເຮັດໃຫ້ຈຸດປ່ຽນຂອງເກມໄປທາງໃໝ່ ເຮັດໃຫ້ນັກເຕະທຸກຄົນເສຍກໍາລັງໃຈໄປຫຼາຍ ເພາະຕ້ອງເສຍນັກເຕະຄົນສໍາຄັນໄປ. ຢ່າງໃດກໍ່ຕາມ, ຕໍ່ຈາກນີ້ຂໍພາວະນາໃຫ້ ຊາລາ ບໍ່ເຈັບໜັກ ເພາະວ່າຕາມທີ່ເບິ່ງແລ້ວການປະທະດັ່ງກ່າວ ໜັກຫຼາຍປານກັບນັກມວຍປໍ້າ ອາດເຮັດໃຫ້ລາວພາດໄປຊ່ວຍທີມ ເອຢິບ ລຸຍບານໂລກ 2018 ກໍ່ເປັນໄດ້.


ອີກຄົນໜຶ່ງທີ່ໜ້າອີ່ຕົ້ນຄື ລໍຣິສ ຄາຣິອຸສ ຜູ້ຮັກສາປະຕູຊາວເຢຍລະມັນຂອງ ລິເວີພູລ ທີ່ຫຼິ້ນຜິດພາດເສຍປະຕູໄປແບບງ່າຍໆເຖິງ 2 ປະຕູ ຈາກຈັງຫວະທີ່ເສຍປະຕູທໍາອິດໃຫ້ກັບ ເບນເຊມາ ແລະ ໜ່ວຍທີ 3 ຈາກການຍິງໄກຂອງ ເບລ ທີ່ເປັນຜູ້ຫຼິ້ນຕົວສໍາຮອງຄົນທໍາອິດທີ່ຍິງໄດ້ 2 ປະຕູໃນຮອບຊີງຊະນະເລີດ ຢູຟາ ແຊັມປ້ຽນລີກ ແລະ ຄວ້າລາງວັນນັກເຕະດີເດັ່ນປະຈໍານັດດັ່ງກ່າວໄປອີກດ້ວຍ

ຄາຣິອຸສ

ຈົບການແຂ່ງຂັນ ຄາຣິອຸສ ຜູ້ຮັກສາປະຕູຂອງ ລິເວີພູລ ອອກມາຂໍໂທດດ້ວຍນໍ້າຕາວ່າ: ຂ້ອຍຮູ້ສຶກເສຍໃຫ້ຫຼາຍ ແລະ ໂສກເສົ້າທີ່ສຸດ ຕໍ່ເພື່ອນຮ່ວມທີມຂອງຂ້ອຍທີ່ພະຍາຍາມ ໃຫ້ກໍາລັງໃຈຂ້ອຍ ວ່າບໍ່ເປັນຫຍັງ ເຮັດດີທີ່ສຸດແລ້ວ ແຕ່ຂ້ອຍເສຍໃຈຫຼາຍທີ່ສຸດ ແລະ ຮັບສິ່ງທີ່ເກີດຂຶ້ນບໍ່ໄດ້.


ສໍາລັບ ແຊ້ມ ຄັ້ງນີ້ ເຮັດໃຫ້ ຣີລ ມາດຣິດ ສ້າງປະຫວັດສາດເປັນທີມທໍາອິດທີ່ ຄວ້າແຊ້ມລາຍການນີ້ເປັນສະໄໝທີ 3 ຕິດຕໍ່ກັນ ນັບຕັ້ງແຕ່ປ່ຽນຊື່ມາເປັນ ຢູຟາ ແຊ້ມປ້ຽນລີກ ແລະ ລວມທັງໝົດເປັນແຊ້ມສະໄໝທີ 13

ເບລ

 

LEAVE A REPLY

Please enter your comment!
Please enter your name here