ເກີດເຫດໂຈນປຸ້ນຄຳຈາກຜູ້ເຖົ້າ

0
201

ເກີດເຫດໂຈນປຸ້ນຄຳອີກແລ້ວ ເທື່ອນີ້ເກີດກັບຜູ້ເຖົ້າທີ່ບໍ່ມີແຮງສູ້ນອນຢູ່ເຮືອນ ແຕ່ໂຈນໃຈບາບເອົາຂອງແຂງໄປຕີຫົວປຸ້ນຄຳໄປຕັ້ງ 5 ບາດ ເຫດເກີດທີ່ສະຫວັນນະເຂດເຊົ້າມື້ນີ້ເອງ.

 

ຕາມລາຍງານຈາກໜ່ວຍກູ້ໄພແຂວງ ສະຫວັນນະເຂດໃຫ້ຮູ້ວ່າມື້ນີ້ ວັນທີ27ເດືອນພືດສະພາປີ2018 ເວລາປະມານ 11:15 ນາທີ ໜ່ວຍກູ້ໄພສະຫວັນນະເຂດ ໄດ້ຮັບແຈ້ງເຫດວ່າ ມີຄົນຕີປຸ້ນເອົາຄຳຜູ້ເຖົ້າ ນອນຢູ່ເຮືອນທີ່ເຂດ
ບ້ານ ໄຊຍະພູມ ນະຄອນໄກສອນ ແຂວງສະຫວັນນະເຂດ.

ໃນຈຸດເກີດເຫດທາງທິມງານໄດ້ເຂົ້າຊ່ວຍເຫລືອຜູ້ເຖົ້າທີ່ນອນຢູ່ເຮືອນ ຖືກຄົນຮ້າຍເຂົ້າມາປຸ້ນເອົາຄຳ ໄດ້ທັງຫມົດ5ບາດ ເປັນສາຍແຂນບາດເຈັບ1ຄົນເປັນຍີງສູງອາຍຸ ມີອາການຫົວແຕກ ແລະ ບາດແຜທີ່ແຂນ ເພາະສະນັ້ນທາງທີມງານໄດ້ປະຖົມພະຍາບານຂັ້ນຕົ້ນ ແລ້ວນຳສົ່ງໂຮງຫມໍ ແຂວງສະຫວັນນະເຂດ, ສ່ວນຄະດີ ທາງເຈົ້າຫນ້າທີ່ກຳລັງນຳຈັບຜູ້ກະທຳຜິດມາດຳເນີນຄະດີຕໍ່ໄປ

ຄຳເປັນເຄື່ອງປະດັບທີ່ຄົນລາວມັກໃສ່ຢູ່ບ້ານຢູ່ເຮືອນ, ອອກງານ, ບາງຄົນບໍ່ມັກໃສ່ເອ້ຢ້ອງກໍ່ຈະໄປຊື້ມາເກັບສະສົມ ຢ່າງໃດກໍ່ດີຍຸກນີ້ດີແທ້ບໍ່ຄວນເກັບສິ່ງຂອງວັດຖຸມີຄ່າຕິດຕົວຫຼາຍ ເພາະອັນຕະລາຍເຖິງຊີວິດ ຕົ້ນຕໍແມ່ນຜູ້ເຖົ້າຜູ້ແກ່ທີ່ເຮືອນເອົາລູກຫຼານບໍ່ຮູ້ໂຈນໃກ້ໄກຈະໄປປຸ້ນເອົາຕອນໃດ.

LEAVE A REPLY

Please enter your comment!
Please enter your name here