ອາເມລິກາ ມາແປກ… ບອກຍາມໃດກໍ່ກຽມພ້ອມໃຫ້ການພົບປະສຸດຍອດກັບ ສປປ.ເກົາຫຼີ

0
288

(VOVWORLD) – ວັນທີ 25 ພຶດສະພາ, ໂຄສົກທຳນຽບຂາວທ່ານນາງ Sarah Sanders ຢືນຢັນວ່າ: ທຳນຽບຂາວ ແລະ ທ່ານປະທານາທິບໍດີ ອາເມລິກາ ໂດນັນທຣຳ ຍາມໃດກໍ່ກຽມພ້ອມໃຫ້ການພົບປະກັບການນຳ ສປປ.ເກົາຫຼີ ຄິມ ຈອງອຶນ ເຖິງວ່າກອງປະຊຸມສຸດຍອດນີ້ ຈະດຳເນີນໃນຈຸດເວລາໃດກໍ່ຕາມ.


ເມື່ອຕອບສຳພາດຕໍ່ວົງການນັກຂ່າວ, ທ່ານນາງ Sarah Sanders ໃຫ້ຮູ້ວ່າ: ພວກຂ້າພະເຈົ້າຍາມໃດກໍ່ກຽມພ້ອມ ແລະ ຖ້າຫາກກອງປະຊຸມຈະດຳເນີນໃນວັນທີ 12 ມິຖຸນາ ກໍ່ຕາມ ພວກຂ້າພະເຈົ້າກໍ່ພ້ອມແລ້ວທີ່ຈະເຂົ້າຮ່ວມ. ກ່ອນໜ້ານັ້ນ, ທ່ານປະທານາທິບໍດີ ອາເມລິກາ ໂດນັນ ທຣຳຖະແຫຼງວ່າ ການພົບປະຂັ້ນສຸດຍອດລະຫວ່າງທ່ານ ກັບ ການນຳ ສປປ.ເກົາຫຼີ ຄິມ ຈອງອຶນຍັງອາດຈະດຳເນີນ ໃນວັນທີ 12 ມິຖຸນາຈະມາເຖິງ ຕາມແຜນການທຳອິດ, ເຖິງວ່າວັນທີ 24 ພຶດສະພາ, ທ່ານ ໂດນັນທຣຳ ໄດ້ສົ່ງຈົດໝາຍເຖິງການນຳ ສປປ.ເກົາຫຼີ ແຈ້ງໃຫ້ຍົກເລີກກອງປະຊຸມສຸດຍອດນີ້ກໍ່ຕາມ.

ແລະກໍ່ໃນວັນດຽວກັນ, ທ່ານລັດຖະມົນຕີກະຊວງປ້ອງກັນປະເທດ ອາເມລິກາ James Mattis ກໍ່ກ່າວວ່າ: ກອງປະຊຸມສຸດຍອດທີ່ຖືກຍົກເລີກລະຫວ່າງ ອາເມລິກາ ແລະ ສປປ.ເກົາຫຼີ ອາດຈະຍັງຄົງໄດ້ຈັດຕັ້ງຂຶ້ນ ຖ້າຫາກ 2 ຝ່າຍບັນລຸໄດ້ຂໍ້ຕົກລົງສະບັບໜຶ່ງ.

LEAVE A REPLY

Please enter your comment!
Please enter your name here