ຄົນຊົ່ວຟ້າລົງໂທດ ຈັບໄດ້ແລ້ວໂຈນປຸ້ນຄຳມື້ເຊົ້ານີ້ທີ່ສະຫວັນນະເຂດ

0
5747

ຜູ້ກໍ່ເຫດເອົາຂອງແຂງຕີຄົນສູງອາຍຸເພື່ອປຸ້ນຄຳ 5 ບາດທີ່ລາວອັບເດດໄດ້ລົງຂ່າວໄປມື້ສວາຍນີ້ ທັນທີທີ່ເກີດເຫດພີ່ນ້ອງໄດ້ແຈ້ງຫາເຈົ້າໜ້າທີ່ເພື່ອຕິດຕາມຕົວ ແລະກໍ່ສາມາດຈັບໄດ້ບໍ່ເທົ່າໃດຊົ່ວໂມງຫຼັງຈາກນັ້ນ ຂໍຊົມເຊີຍເຈົ້າໜ້າທີ່ຢ່າງສຸດໃຈ, ສ່ວນຄົນຮ້າຍກໍ່ກຽມຕົວໄປຮັບກຳຢູ່ຄຸກໃຫ້ສາສົມກັບສິ່ງທີ່ກໍ່ຂຶ້ນ.

ຕາມຂໍ້ອມູນໃຫ້ຮູ້ວ່າ: ຜູ້ກໍ່ເຫດເປັນຜູ້ຍີງໄວ 48 ປີຊື່ນາງແຂກ ປະຈຸບັນຢູ່ບ້ານໜອງເດີນ (ບໍ່ໄດ້ລະບຸເມືອງ ແລະແຂວງ) ທາງເຈົ້າໜ້າທີ່ໄດ້ແມ່ນໄດ້ໃຊ້ເວລາຕິດຕາມຈັບຕົວຜູ້ກ່ຽວພຽງ 2-3 ຊົ່ວໂມງກໍ່ນຳຈັບໄດ້ຢູ່ບໍລິເວນຫຼັກເກົ້າທາງໂຮງຮຽນ SOS, ຕອນນີ້ກໍ່ປ່ອຍໃຫ້ແກ້ໄຂໄປຕາມຂະບວນການຂອງກົດໝາຍເພື່ອຕັດສິນຕາມສົມຄວນ.

 

 

ຕາມລາຍງານຈາກໜ່ວຍກູ້ໄພແຂວງ ສະຫວັນນະເຂດໃຫ້ຮູ້ວ່າມື້ນີ້ ວັນທີ27ເດືອນພືດສະພາປີ2018 ເວລາປະມານ 11:15 ນາທີ ໜ່ວຍກູ້ໄພສະຫວັນນະເຂດ ໄດ້ຮັບແຈ້ງເຫດວ່າ ມີຄົນຕີປຸ້ນເອົາຄຳຜູ້ເຖົ້າ ນອນຢູ່ເຮືອນທີ່ເຂດ
ບ້ານ ໄຊຍະພູມ ນະຄອນໄກສອນ ແຂວງສະຫວັນນະເຂດ.

 

ໃນຈຸດເກີດເຫດທາງທິມງານໄດ້ເຂົ້າຊ່ວຍເຫລືອຜູ້ເຖົ້າທີ່ນອນຢູ່ເຮືອນ ຖືກຄົນຮ້າຍເຂົ້າມາປຸ້ນເອົາຄຳ ໄດ້ທັງຫມົດ5ບາດ ເປັນສາຍແຂນບາດເຈັບ1ຄົນເປັນຍີງສູງອາຍຸ ມີອາການຫົວແຕກ ແລະ ບາດແຜທີ່ແຂນ ເພາະສະນັ້ນທາງທີມງານໄດ້ປະຖົມພະຍາບານຂັ້ນຕົ້ນ ແລ້ວນຳສົ່ງໂຮງຫມໍ ແຂວງສະຫວັນນະເຂດ.

 

LEAVE A REPLY

Please enter your comment!
Please enter your name here