ເຈົ້າຫນ້າ ເລັ່ງສືບສວນ ອຸບັດເຫດ ລົດເມເສຍຫັກຕົກທາງ ທີ່ຖະຫນົນ 450ປີ ເຮັດໃຫ້ມີຜູ້ບາດເຈັບຈຳນວນຫຼາຍ

0
621

(ຂປລ) 28/5/2018, ຕໍາຫລວດຈະລາຈອນ ພວມສືບສວນເກັບຂໍ້ມູນຫລັກຖານ ການເກີດອຸບັດເຫດຢູ່ຖະໜົນ 450 ປີເຂດບ້ານດົງໂພນແຮ່ ເມືອງຫາດຊາຍຟອງ ນະຄອນຫລວງວຽງຈັນ .

ຈຸດເກີດເຫດເປັນບ່ອນລ້ຽວເຂົ້າທາງຮ່ອມບ້ານ ເຊິ່ງຫ່າງຈາກສາມແຍກສາງທ່ານາແລ້ງປະມານ 3 ກິໂລແມັດ. ລົດທ່ອງທ່ຽວຫມາຍເລກທະບຽນ ບສ 6789 ນະຄອນຫລວງວຽງຈັນ ນໍານັກທ່ອງທ່ຽວຫວຽດນາມ 45 ຄົນກັບມາຈາກການທ່ອງທ່ຽວປະເທດໄທ ມາເຖິງຈຸດເກີດເຫດ ມີລົດຈັກຂ້າມທາງມາຂະມະ, ຄົນຂັບ ເຊິ່ງເປັນຄົນຫວຽດນາມ ຈຶ່ງຫັກພວງມະໄລ ເຮັດໃຫ້ລົດເຈືອກຕົກລົງຮ່ອງແຄມທາງ ເລິກປະມານສາມແມັດ, ມີຜູ້ໂດຍສານ ບາດເຈັບຊາວກວ່າຄົນ,ບາດເຈັບຫນັກສາມຄົນ.

ຄົນເຈັບຖືກນຳສົ່ງໄປປິ່ນປົວຢູ່ໂຮງໝໍມິດຕະພາບ 150ຕຽງ. ສ່ວນລົດຈັກ ຊາບຂໍ້ມູນເບື້ອງຕົ້ນເປັນຄົນບ້ານທ່າມ່ວງ ເມືອງຫາດຊາຍຟອງ ນະຄອນຫລວງວຽງຈັນ ບາດເຈັບພໍສົມຄວນ.

ຖະໜົນ 450 ປິ ເປັນຖະໜົນສາຍສຳຄັນ ເວັ້ນນອກເມືອງເຊິ່ງມີລົດບັນທຸກໜັກແລ່ນຫລາຍໃນເວລາຄ້າຍຄໍ່າຫາກາງຄືນ. ຕາມຖະໜົນເສັ້ນນີ້ ມັກມີການແລ່ນລົດບໍຖືກທາງ ຕາມກົດຈະລາຈອນ ຄື ຂີ່ກັບລູກສອນ ຍ້ອນຄວາມມັກງ່າຍຂອງຜູ້ຂັບຂີ່ຈຳນວນຫນຶ່ງ ເຊິ່ງມີຄວາມສ່ຽງຕໍ່ການເກີດອຸບັດເຫດ ທີ່ສຸດ.

ລົດເມປີ້ນທ່ານາແລ້ງ

Posted by B'Beer Noy on Monday, 28 May 2018

LEAVE A REPLY

Please enter your comment!
Please enter your name here