ຊົມເຊີຍ ເຈົ້າຫນ້າທີ່ ໃຊ້ເວລາບໍ່ດົນ ກໍສາມາດນຳຈັບ​ຕົວ​ຜູ້ກໍ່​ເຫດ​ປຸ້ນ​ທະນາຄານ​ພົງ​ສະຫວັນ ​ແລະ ທະນາຄານ​ສົ່ງ​ເສີມ​ກະສິກຳ​​ໄດ້​

0
3606

ໜັງສືພິມລາວຳກທະນາສະບັບວັນທີ29 ພຶດສະພາລາຍງານວ່າ: ໃນ​ວັນ​ທີ 26 ພຶດສະພາ ນີ້, ທ່ານ ພັນ​ໂທ ຈັນ​ຫອມ ​ແກ້ວ​ສຸລະ​ໄຊ ຫົວໜ້າຫ້ອງ​ຕຳຫລວດ ນະຄອນຫລວງວຽງຈັນ, ​ໄດ້​ຖະ​ແຫລ​ງຂ່າວ​ການ​ຈັບ​ຕົວ ຜູ້​ຕ້ອງ​ຫາກໍ່​ເຫດ​ປຸ້ນ​ທະນາຄານ​ພົງ​ສະຫວັນ ​ແລະ ທະນາຄານ ສົ່ງ​ເສີມ​ກະສິກຳ ສາຂາ​ທ່າ​ງ່ອນ ​ເມື່ອ ​ເດືອນ​ເມສາ ​ແລະ ພຶດສະພາ ຜ່ານ​ມານີ້, ​ຄື: ທ້າວ ສົມ​ສະນິດ ອາຍຸ 28 ປີ, ຢູ່​ບ້ານ ດົງໝາກຄາຍ ​ເມືອງ ​ໄຊ​ທານີ​ ນະຄອນຫລວງວຽງຈັນ.

ເຈົ້າໜ້າທີ່ນຳຈັບກຸ່ມຄົນຮ້າຍປຸ້ນທະນາຄານໄດ້ສຳເລັດ

ຂໍຊົມເຊີຍເຈົ້າໜ້າທີ່ ທີສາມາດນຳຈັບຄົນຮ້າຍ ກໍ່ເຫດປຸ້ນຊິງຊັບທະນາຄານໄດ້ ຊຶ່ງເປັນຄົນດຽວທີ່ປຸ້ນທະນາຄານ ພົງສະຫວັນ ແລະ ທະນາຄານກະສິກຳ

Posted by ນາທີ ຊີວິດ/Accident/นาที ชีวิต on Monday, 28 May 2018

ຫົວໜ້າຫ້ອງ​ຕຳຫລວດດັ່ງກ່າວ ​ໃຫ້​ຮູ້​ວ່າ: ​ໃນ​ວັນ​ທີ 10 ​ເມສາ ຜ່ານ​ມາ, ​ໄດ້​ມີ​ຄົນ​ຮ້າຍ, ກໍ່​ເຫດ​ປຸ້ນ​ທະນາຄານ​ພົງ​ສະຫວັນ ສາຂາ​ບ້ານ ພະ​ຂາວ ​ເມືອງ ​ໄຊ​ທານີ, ​ໂດຍ​ໃຊ້​ລົດຈັກ​ເປັນ​ພາຫະນະ ​ແລະ ​ໃຊ້​ອາວຸດ​ປືນ, ​ເຂົ້າ​ໄປ​ຈີ້ພະນັກງານໜ້າຄາວ​ເຕີ້ ​ໄດ້​ເງີ​ນ 80 ລ້ານ​ກ່ວາ​ກີບ ​ແລ້ວຫລົບໜີ​ໄປ.

​ໃນ​ວັນ​ທີ 7 ພຶດສະພາ ກໍ​ໄດ້​ເກີດ​ເຫດ​ຄົນ​ຮ້າຍ​ປຸ້ນ​ທະນາຄານ ສົ່ງ​ເສີມ​ກະສິກຳ ສາຂາ ທ່າ​ງ່ອນ ​ໄດ້​ເງີ​ນ 50 ລ້ານ​ກ່ວາ​ກີບ ​ແລ້ວ​ຫລົບໜີ​ໄປ, ຊຶ່ງ​ພາຍຫລັງ ​ເກີດ​ເຫດ ​ເຈົ້າໜ້າທີ່​ວິຊາ​ສະ​ເພາະ​ກໍ​ໄດ້​ລົງ​ກວດກາ​ກ້ອງ​ວົງ​ຈອນ​ປິດ ​ແລະ ສາມາດ​ຮູ້​ຜູ້​ທີ່​ກໍ່​ເຫດ ທັງ​ສອງ​ຄັ້ງ​ແມ່ນ​ເປັນ​ຄົນ​ດຽວກັນ, ຈຶ່ງ​ໄດ້​ຈັດ​ກຳລັງ​ຕິດຕາມ​ຈັບ​ຕົວ ທ້າວ ສົມ​ສະນິດ ​ໄດ້ ຢູ່​ເຂດ ​ເສັ້ນທາງ​ບ້ານ ໜອງທາ ​ເມືອງ ຈັນທະ​ບູລີ ນະຄອນຫລວງ​ວຽງຈັນ ມາ​ດຳ​ເນີນ​ຄະດີ​ໄດ້​ຕາມ​ລະບຽບກົດໝາຍ.

​ເຈົ້າໜ້າທີ່ ​ໃຫ້​ຮູ້ວ່າ: ຜ່ານ​ການ​ສື​ບສວນ-ສອບ​ສວນ ​ເບື້ອງຕົ້ນ​ຜູ້ກ່ຽວ​ໄດ້​ຮັບ​ສາລະພາບ​ວ່າ​ໄດ້​ລົງມື​ກໍ່​ເຫດ​ປຸ້ນ​ທະນາຄານ​ທັງ​ສອງ​ແຫ່ງ​ນັ້ນ​ແທ້​ຈິງ, ຊຶ່ງ ​ເງີ​ນທີ່​ປຸ້ນ​ມາ​ໄດ້​ແມ່ນ​ເອົາ​ໄປ​ໃຊ້​ຈ່າຍ​ຫລີ້ນການ​ພະນັນ ​ແລະ ຊື້ຢາ​ບ້າ​ມາ​ເສບ. ປັດຈຸບັນ, ຄະດີ​ດັ່ງກ່າວ​ເຈົ້າໜ້າທີ່​ກຳລັງ​ຮບວຮວມຫລັກ​ຖານ ​ເພື່ອ​ສົງ່​ໃຫ້​ໄອ​ຍະ​ການ ​ແລະ ສານ​ຕັດສິນ​ຕາມ​ລະບຽບກົດໝາຍ.

LEAVE A REPLY

Please enter your comment!
Please enter your name here