ກັບມາເຫັນຄ່າອີກຄັ້ງ! ຣີລ ມາດຣິດ ເຫັນຄ່າຕັ້ງຄ່າຕົວ ເບລ ເປັນ 200 ລ້ານປອນ

0
742


ຄ່າຂອງຄົນວັດກັນທີ່ຜົນງານແທ້ໆ ສໍາລັບ ແກເຣັດ ເບລ ກອງໜ້າຊາວເວລ ທີ່ກ່ອນໜ້ານີ້ຕົກເປັນຕົວສໍາຮອງເກືອບທັງລະດູການ, ແຕ່ຫຼັງຫາກໍ່ຍິງ 2 ປະຕູຊ່ວຍໃຫ້ ຣີລ ມາດຣິດ ຊະນະ ລິເວີພູລ 2-1 ໃນນັດຊີງຊະນະເລີດບານເຕະ ຢູຟາ ແຊ້ມປ້ຽນລີກ ຄວ້າແຊ້ມໄປຄອງເປັນສະໄໝທີ 3 ຕິດຕໍ່ກັນ ເຮັດໃຫ້ ເບລ ກັບມາເປັນທີ່ໜ້າສົນໃຈຂອງຫຼາຍໆທີມອີກຄັ້ງ.


ຈາກຜົນດັ່ງກ່າວ ເຮັດໃຫ້ ແມນເຊັສເຕີ ຢູໄນເຕັດ ທີມທີ່ທີ່ພ້ອມທຸ້ມເງິນຂໍຊື້ ເບລ ໄປເສີມທີມດ້ວຍຄ່າຕົວ 70 ລ້ານປອນກັບຄ່າເມືອຍ 650,000 ປອນຕໍ່ອາທິດຢື່ນໃຫ້ກັບ ເບລ ພິຈາລະນາ, ນອກຈາກນີ້ ກໍ່ຍັງມີ ເຊລຊີ ແລະ ບາເຢິນ ມິວນິກ ທີ່ໃຫ້ຄວາມສົນໃຈ.


ຢ່າງໃດກໍ່ຕາມ, ຫຼັງຈາກທີ່ ເບລ ສ້າງຜົນງານໄດ້ຢ່າງໂດດເດັ່ນໃນນັດຊີງຊະນະເລີດ ເຮັດໃຫ້ ຣີລ ມາດຣິດ ຕັ້ງຄ່າຕົວເປັນ 200 ລ້ານປອນ ເພື່ອກັນບໍ່ໃຫ້ລາວຍ້າຍທີມງ່າຍ. ຢ່າງໃດກໍ່ຕາມ ແຟນບານຍັງວິຕົກກັງວົນວ່າ ເບລ ອາດຍ້າຍທີມ ເນື່ອງຈາກລະດູການນີ້ເປັນຕົວສໍາຮອງຫຼາຍກວ່າຕົວຈິງ.


ສໍາລັບ ເບລ ປັດຈຸບັນອາຍຸ 28 ເຄີຍສ້າງຜົນງານໄດ້ຢ່າງໂດດເດັ່ນກັບ ເຊົາແຮມຕັນ ແລະ ທ໊ອດແນມ ຮ໊ອດສະເປີ ກ່ອນຍ້າຍໄປ ຣີລ ມາດຣິດ ເມື່ອປີ 2013 ດ້ວຍຄ່າຕົວສະຖິຕິໂລກ 86 ລ້ານປອນ ແລະ ຫາກ ແມນເຊັສເຕີ ຢູໄນເຕັດ ຍອມທຸ້ມເງິນ 200 ລ້ານປອນ ກໍ່ຈະເຮັດໃຫ້ ເບລ ກາຍເປັນນັກເຕະທີ່ມີຄ່າຕົວແພງທີ່ສຸດໃນໂລກອີກຄັ້ງ.

LEAVE A REPLY

Please enter your comment!
Please enter your name here