ພໍ່ແມ່ປະຊາຊົນເມືອງທຸລະຄົມ ​ໄດ້​ຮັບ​ການຜ່າຕັດພະຍາດແກ່ນຕາຂຸ້ນ ໂດຍບໍ່ເສຍຄ່າ

0
687

ຍ້ອນຄວາມເປັນຮ່ວງເປັນໄຍຕໍ່ກັບພື້ນຖານພໍ່ແມ່ປະຊາຊົນໃນການດຳລົງຊີວີວິດ ແລະ ການໄປມາໃຫ້ມີຄວາມສະດວກຫລາຍຂື້ນໂດຍສະເພາະກໍ່ຄືສາຍຕາ, ເຊິ່ງສາຍຕາແມ່ນມີຄວາມສຳຄັນຫລາຍຕໍ່ຄົນເຮົາທີ່ໃຊ້ໃນການເບິ່ງເຫັນໃນການດຳລົງຊີວິດປະຈຳວັນ

ໃນວັນທີ 23 ພຶດສະພາ 2018 ໝ່ວຍງານປິ່ນປົວຕາໂຮງໜໍແຂວງວຽງຈັນ ສົມທົບກັບສູນ ປິ່ນປົວຕານະຄອນຫລວງວຽງຈັນ ແລະ ແພດສ່ຽວຊານໂຮງໝໍມະໂຫສົດໄດ້ລົງເຄື່ອນໄຫວຜ່າຕັດພະຍາດແກ່ນຕາຂຸ້ນໃຫ້ແກ່ພໍ່ແມ່ປະຊາຊົນເມືອງທຸລະຄົມແຂວງວຽງຈັນ ໂດຍບໍ່ເສຍຄ່າໃດໆ ເຊິ່ງພາຍຫລັງການຜ່າຕັດພະຍາດແກ່ນຕາຂຸ້ນສຳເລັດ ຈຳນວນ 33 ຄົນກໍ່ໄດ້ຈັດພິທີເປີດຕາໃຫ້ພໍ່ແມ່ປະຊາຊົນ.

ເປັນກຽດເຂົ້າຮ່ວມພິທີດັ່ງກ່າວໂດຍແມ່ນທ່ານ ນາງ ວົງເດືຶອນ ວົດຕະໂສ ຮອງເຈົ້າເມືອງໆທຸລະຄົມ, ມີທ່ານ ດຣ ຄຳຟອງ ສຸກອາລຸນ ຫົວໜ້າຫ້ອງການ ສາທາລະນະສຸກເມືອງ, ມີທ່ານ ສຸວັນເພັງ ຫົວໜ້າໜ່ວຍງານປິ່ນປົວພະຍາດຕາໂຮງໜໍແຂວງວຽງຈັນ ພ້ອມດ້ວຍພະນັກງານແພດໜໍ ແລະ ພໍ່ແມ່ປະຊົນຜູ້ທີ່ຜ່າຕັດຕາຂຸ້ນເຂົ້າຮ່ວມ

ການຜ່າຕັດພະຍາດແກ່ນຕາຂຸ້ນທີ່ບໍ່ໄດ້ເສຍຄ່າຢູ່ເມືອງທຸລະຄົມໃນຄັ້ງນີ້ໂດຍແມ່ນໄດ້ຮັບການຊ່ວຍເຫລືອຈາກໂຄງການ ມູນລະນິທິ ເຟຼດໂຣໂຣ ຈາກປະເທດ ອົດສະຕຣາລີ.

​ແລ່ງ​ທີ່​ມາ http://viengchanh.com​

LEAVE A REPLY

Please enter your comment!
Please enter your name here