ທຣຳ ກັບຄວາມ ບອກພ້ອມເປີດປະຊຸມສຸດຍອດກັບສປປເກົາຫຼີ ໃນວັນທີ12ມິຖຸນາ

0
2896

(VOVWORLD) – ວັນທີ 27 ພຶດສະພາ, ໂຄສົກກະຊວງການຕ່າງປະເທດ ອາເມລິກາ ທ່ານ Heather Nauert ປະກາດວ່າ ຄະນະປະຕິບັດງານ ອາເມລິກາ ພວມພົບປະກັບບັນດາເຈົ້າໜ້າທີ່ ສປປ.ເກົາຫຼີ ຢູ່ບ້ານຢຸດຮົບ ປານມູນຈອມ, ຢູ່ຊາຍແດນລະຫວ່າງ ສ.ເກົາຫຼີ ແລະ ສປປ.ເກົາຫຼີ.

ເພື່ອປຶກສາຫາລືກ່ຽວກັບຄວາມສາມາດເປັນໄປ ຈະດຳເນີນການພົບປະສຸດຍອດ ອາເມລິກາ – ສປປ.ເກົາຫຼີ. ການພົບປະດັ່ງກ່າວ ເພື່ອແນໃສ່ກະກຽມໃຫ້ການພົບປະລະຫວ່າງທ່ານປະທານາທິບໍດີ ອາເມລິກາ ໂດນັນ ທຣຳ ແລະ ການນຳ ສປປ.ເກົາຫຼີ ຄິມຈອງ ອຶນ ຄາດວ່າ ຈະດຳເນີນໃນວັນທີ 12 ມິຖຸນາ ຈະມາເຖິງຢູ່ ສິງກະໂປ.

ໃນຂະນະນັ້ນ, ຢູ່ທຳນຽບຂາວ, ທ່ານປະທານາທິບໍດີ ອາເມລິກາໂດນັນທຣຳໃຫ້ຮູ້ວ່າ: ທຸກວຽກງານມຸ່ງໄປເຖິງກອງປະຊຸມສຸດຍອດກັບ ສປປ.ເກົາຫຼີ ໃນວັນທີ 12 ມິຖຸນາ ພວມດຳເນີນໄປຢ່າງດີງາມ ແລະ ທ່ານມີຄວາມຫວັງຫລາຍຢ່າງຕໍ່ການພົບປະດັ່ງກ່າວກັບການນຳ ສປປ.ເກົາຫຼີ.

ກ່ອນຫນ້ານີ້ ຄືໃນວັນທີ 24 ພຶດສະພາ, ທ່ານປະທານາທິບໍດີ ອາເມລິກາໂດນັນທຣຳປະກາດ ຍົກເລີກແຜນການພົບປະຂັ້ນສຸດຍອດກັບການນຳ ສປປ.ເກົາຫຼີ ຄິມຈອງອຶນ ຄາດວ່າຈະດຳເນີນໃນວັນທີ 12 ມິຖຸນາ ຈະມາເຖິງຢູ່ ສິງກະໂປ.

ທຳນຽບຂາວໄດ້ປະກາດຈົດໝາຍຂອງທ່ານປະທານາທິບໍດີ ທຣຳ ສົ່ງເຖິງການນຳ ສປປ.ເກົາຫຼີ, ໃນນັ້ນ ເຫດຜົນທີ່ທ່ານ ທຣຳ ຍົກອອກຄຳຕັດສິນຍົກເລີກການພົບປະຂັ້ນສຸດຍອດນັ້ນແມ່ນສະແດງໃຫ້ເຫັນ “ທ່າທີທີ່ປໍລະປັກຢ່າງເປີດເຜີຍ ແລະ ໂກດແຄ້ນຢ່າງຮຸນແຮງ” ໃນບາງບົດກ່າວຄຳເຫັນຂອງທ່ານຄິມຈອງອຶນ ຫວ່າງແລ້ວນີ້. ທ່ານປະທານາທິບໍດີ ອາເມລິກາ ໃຫ້ຂໍ້ສັງເກດວ່າ “ໂອກາດໄດ້ພາດໄປແລ້ວ” ແລະ ນີ້ແມ່ນ “ຈຸດເວລາທີ່ເປັນໜ້າໂສກເສົ້າແທ້ຈິງໃນປະຫວັດສາດ”.

ທ່ານທຣຳ ກໍ່ແຈ້ງໃຫ້ການນຳ ສປປ.ເກົາຫຼີ ວ່າ ຈົ່ງໂທຫາ ຫຼື ຂຽນຈົດໝາຍຖ້າຫາກປ່ຽນແປງຄວາມຄິດ, ພ້ອມກັນນັ້ນ ທ່ານ ທຣຳກໍ່ສະແດງໃຫ້ເຫັນຄວາມຫວັງຢາກພົບປະກັບທ່ານ ຄິມ ໃນມື້ໜຶ່ງ.

ຄຳປະກາດດັ່ງກ່າວໄດ້ຍົກອອກມາ ພາຍຫລັງ ສປປ.ເກົາຫຼີ ຫາກໍ່ປະກາດໄດ້ສຳເລັດການຮື້ມ້າງສະຖານທີ່ທົດລອງນິວເຄຼຍໜຶ່ງດຽວ Punggye-ri, ການກະທຳໄດ້ສະແດງໃຫ້ເຫັນ ພຽງຢາງ ຢາກປ່ຽນແປງຢ່າງເຂັ້ມງວດ.

 

LEAVE A REPLY

Please enter your comment!
Please enter your name here