ບັນຫາການລັກຖິ້ມຂີ້ເຫຍື້ອຕາມທາງສາຍຫຼັກ ແລະ ທາງທີ່ຫາກໍ່ສ້າງແລ້ວ ຍັງພົບເຫັນຢ່າງຫຼວງຫລາຍ ແລະຍັງແກ້ບໍ່ຕົກ

0
33

ປະກົດການຂອງກຸ່ມຄົນ, ນິຕິບຸກຄົນ ລັກຖິ້ມຂີ້ເຫຍື້ອຕາມທາງສາຍຫຼັກ ແລະ ທາງທີ່ຫາກໍ່ສ້າງແລ້ວ ມີໃຫ້ເຫັນມາດົນແລ້ວ ແລະ ປັດຈຸບັນກໍຍັງແກ້ບໍ່ຕົກ. ບໍ່ວ່າຈະເປັນເສັ້ນທາງເລກທີ11 ຈາກເກົ້າລ້ຽວຫາເມືອງສັງທອງ, ເສັ້ນທາງຕັດໃຫມ່ດອນນົກຂຸ້ມ, ເສັ້ນທາງ450ປີ ແລະ ເສັ້ນທາງອື່ນໆ.

ທ່ານ ພູດອນ ເມກສະຫວັນ ຮອງຫົວໜ້າຫ້ອງການຄຸ້ມຄອງ ແລະ ບໍລິຫານຕົວເມືອງວຽງຈັນ (ຄບຕ) ໃຫ້ສຳພາດຕໍ່ໜັງສືພິມເສດຖະກິດ ການຄ້າເມື່ອບໍ່ດົນນີ້ວ່າ: ການລັກມາຖີ້ມຂີ້ເຫຍື້ອທີ່ຜ່ານໃນນະຄອນຫຼວງວຽງຈັນ ແມ່ນພົບເຫັນຫຼາຍຢູ່ຕາມເສັ້ນສາຍຫຼັກ ແລະ ເສັ້ນທາງຕັດໃໝ່ ເຂດທີ່ບໍ່ມີເຮືອນປະຊາຊົນຢູ່ໃກ້ ເປັນຕົ້ນແມ່ນ  ເສັ້ນທາງ 450 ປີ, ເສັ້ນທາງເລກທີ 13 ໃຕ້, ເສັ້ນທາງຕັດໃໝ່ແຕ່ບ້ານໜອງບຶກ ຫາ ບ້ານດົງນາໂຊກ, ເມືອງສີໂຄດຕະບອງ ແລະ ເສັ້ນທາງຕັດໃໝ່ແຕ່ບ້ານດອນນົກຂຸມ ຫາ ບ້ານດອນກອຍ ເມືອງສີສັດຕະນາກ ແລະ ຫາ ບ້ານຊຽງດາ ເມືອງໄຊເຊດຖາ ຈາກກຸ່ມຄົນບໍ່ດີຈຳນວນໜຶ່ງທີ່ສວຍໂອກາດລັກເອົາຂີ້ເຫຍື້ອໄປຖີ້ມ ໂດຍຂາດຄວາມຮັບຜິດຊອບ ແລະ ບໍ່ເກງກົ່ວຕໍ່ໜ້າ ກົດໝາຍກຳນົດໄວ້.

 

ນອກຈາກນີ້, ທີ່ຜ່ານມາການປະຕິບັດມາດຕະການປັບໃໝ ໃສ່ໂທດກັບຜູ້ທີ່ລັກຖີ້ມຂີ້ເຫຍື້ອນີ້ ກໍ່ຍັງບໍ່ສາມາດປະຕິບັດໄດ້ຢ່າງເປັນເອກະພາບ ແລະ ສ່ວນໃຫຍ່ຍັງບໍ່ສາມາດຈັບໄດ້ໄລ່ທັນກັບທີ່ ເນື່ອງຈາກຜູ້ທີ່ລັກຖີ້ນນັ້ນ ຈະໃຊ້ເວລາຕອນທ່ຽງ ຫຼື ກາງຄືນ, ຍາມຄົນພັກຜ່ອນມາຖິ້ມ  ເຮັດໃຫ້ຈັບບໍ່ໄດ້

LEAVE A REPLY

Please enter your comment!
Please enter your name here