ໝົດຄຳຊິເວົ້າ ກະທຳສຳເລົາລູກສາວເຈົ້າຂອງຈົນມີລູກ

0
9060

ແຫຼ່ງຂ່າວຈາກໜັງສືພິມຄວາມສະຫງົບລາຍງານວ່າ: ເກີດເຫດການຂົ່ມຂືນກະທໍາສໍາເລົາເດັກ ໂດຍຜູ້ກະທຳຄວາມຜິດບໍ່ແມ່ນຄົນອື່ນໄກ ແຕ່ເປັນພໍ່ຄິງລົງມືກັບລູກສາວເຈົ້າຂອງໄວ 16 ປີ ຈົນມີລູກໃນທ້ອງໄດ້ 6 ເດືອນ ຈົນປິດຄວາມລັບບໍ່ຢູ່ແລ້ວຈິ່ງຖືກນຳຕົວໄປດໍາເນີນຄະດີຕາມກົດໝາຍ.

ເຈົ້າໜ້າທີ່ ປກສ ເມືອງປາກລາຍ ໃຫ້ຮູ້ ວ່າ: ໃນວັນທີ 28 ມີນາ 2018, ໄດ້ຮັບແຈ້ງຄວາມຈາກອໍານາດການປົກ ຄອງບ້ານພາຍໃນເມືອງວ່າ: ມີເຫດການຜູ້ເປັນພໍ່ໄດ້ທຳສຳເລົາລູກສາວຄີງຕົນເອງ ຈົນເຮັດໃຫ້ລູກສາວຖືພາໄດ້ 6 ເດືອນ. ຈາກນັ້ນ, ເຈົ້າໜ້າທີ່ໄດ້ໄປກວດກາເບິ່ງຄອບຄົວທີ່ເຄາະຮ້າຍດັ່ງກ່າວ ເຫັນວ່າມີຄວາມຈິງ, ຈຶ່ງໄດ້ຈັບຕົວຜູ້ກໍ່ ເຫດ ຊື່ ທ້າວ ແມ້ວ ອາຍຸ 38 ປີມາທຳການສືບສວນສອບສວນ.

ຜ່ານການສອບສວນ, ທ້າວ ແມ້ວ ຮັບສາລະພາບວ່າ: ໃນໄລຍະ ປີ 2002 ຕົນເອງໄດ້ສ້າງຄອບຄົວກັບ ນາງ ວອນ ອາຍຸ 36 ປີ ຢູ່ ເມືອງປາກລາຍຢ່າງຖືກຕ້ອງຕາມຮີດຄອງປະເພນີ, ມີລູກຮ່ວມກັນ 3 ຄົນ ຍິງ 2 ຄົນ; ເຊິ່ງຕະຫຼອດ ໄລຍະ 10 ກວ່າປີຜ່ານມາ, ພາຍໃນຄອບຄົວໄດ້ດໍາລົງຊີວິດຢູ່ຮ່ວມກັນດ້ວຍຄວາມອົບອຸ່ນ.

ໃນໄລຍະເດືອນຕຸລາ 2017, ລູກ-ເມຍ ຕ່າງຄົນຕ່າງອອກໄປວຽກຂອງໃຜລາວ, ຍັງເຫຼືອແຕ່ລູກສາວກົກຢູ່ເຮືອນກັບຕົນ. ພໍຮອດຕອນ ສວາຍຂອງມື້ເກີດເຫດ, ລູກສາວ ຊື່ ນາງ ຫຼ້າ (ນາມສົມມຸດ) ໄດ້ນອນຫຼັບຢູ່ເຮືອນ, ໃນລະຫວ່າງນັ້ນຕົນເອງຫຼຽວ ເຫັນລູກສາວນອນຫຼັບຢູ່ ຈຶ່ງເກີດມີອາລົມທາງເພດ ແລ້ວຍ່າງເຂົ້າໄປນອນກອດລູກສາວທີ່ກໍາລັງນອນຫຼັບ; ເວລາ ນັ້ນ, ນາງ ຫຼ້າ ໄດ້ຮູ້ສຶກຕົວຂຶ້ນມາ ແຕ່ບໍ່ປາກ-ບໍ່ເວົ້າຫຍັງ ເມື່ອໄດ້ໂອກາດກໍລົງມືທຳສຳເລົາຈົນສໍາເລັດ. ຈາກຄັ້ງ ທໍາອິດແລ້ວ, ກໍມີຄັ້ງທີ 2, ຄັ້ງທີ 3 ເລື້ອຍໆມາ, ຈົນທ້ອງ ຂອງລູກສາວໃຫຍ່ຂຶ້ນຜິດປົກກະຕິ, ຜູ້ເປັນເມຍ ແລະ ຍາດພີ່ນ້ອງ ຈຶ່ງສົງໄສແລ້ວຊັກຖາມ ນາງ ຫຼ້າ.

ຈາກນັ້ນ, ນາງ ຫຼ້າ ຈຶ່ງໄດ້ເລົ່າຄວາມຈິງສູ່ແມ່ ແລະ ຍາດພີ່ນ້ອງຟັງ ແລ້ວຈຶ່ງເຂົ້າແຈ້ງ ຄວາມຕໍ່ອໍານາດການປົກຄອງບ້ານ ໄປແຈ້ງຕໍ່ເຈົ້າໜ້າທີ່ຕໍາຫຼວດ ເພື່ອຈັບຕົວຜູ້ເປັນພໍ່ມາດໍາ ເນີນຄະດີຕາມກົດໝາຍ.

ປັດຈຸບັນ, ຄະດີດັ່ງກ່າວ ເຈົ້າໜ້າທີ່ ປກສ ເມືອງປາກລາຍ ໄດ້ມອບຕົວຜູ້ຖືກຫາໃຫ້ກັບ ພະແນກຕໍາຫຼວດສືບ ສວນ-ສອບສວນຄະດີ ອາຍາ ປກສ ແຂວງໄຊຍະບູລີ ເພື່ອສະຫຼຸບສໍານວນຄະດີ ສົ່ງໃຫ້ໄອຍະການສັ່ງຟ້ອງສານ ຕັດສິນຕາມລະບຽບກົດໝາຍ.

ແຫຼ່ງຂ່າວຈາກໜັງສືພິມ ປກສ

LEAVE A REPLY

Please enter your comment!
Please enter your name here